مشكله كبيره فى الحراره (juliet1) فيدونى يا خبراء الدايو

**ahmed121185** · 20-11-2011 12:25 PM

العربيه سخنت فجأه و طلعت بخار و كان فى خرطوم مياه مفصول اللى بيبقى خارج من الموتور على قربة المياه بس المكان اللى راكب فيه الخرطوم كان مصدى و مقطوم رحت لميكانيكى كان قريب مكان العطل قالى لازم خراط يعملها رحت للخراط و عمل زى وصله و ركبها و مشيت بالعربيه لقتها مش مظبوطه و عداد rpm بيخرف و العربيه صوتها بيعلى و يوطى لوحده و بعد ربع ساعه تقريبا سخنت تانى و عملت نفس الحركه وكانت بتطلع بخار كتيير من القربه و عدى واحد ابن حلال قالى المروحه مش شغاله و عمل سلك من المروحه على البطاريه و قالى لما توصل افصله و طبعا طول ما انا ماشى العربيه بتخرف،،،،،،، و مش عارف اعمل ايه او اروح لمين يشوف العربيه ....ساعدونى

**misho2008** · 20-11-2011 01:05 PM

1-روح الاول لكهربائى يشوف مشكلة المراوح
2- اتأكد انو ثرموثتات الكوكة مش مقفول
اتأكد انو الريداتير مش مسدود

**ahmed121185** · 20-11-2011 02:42 PM

1000 شكر يا باشا على الرد ،،،،،،و معلش هاتقل عليك بالنسبه ان العربيه كانت بتخرف و عداد rpm بيزيد و يقل دى العربيه كانت بتزود بنزين و تنقص لوحدها!!متعرفش ده ممكن يكون ايه؟

**ahmedezzat78** · 20-11-2011 11:07 PM

فك حساس السلانسيه نظفه

**wwael12345** · 21-11-2011 01:10 AM

المشاركة الأصلية كتبت بواسطة misho2008

1-روح الاول لكهربائى يشوف مشكلة المراوح
2- اتأكد انو ثرموثتات الكوكة مش مقفول
اتأكد انو الريداتير مش مسدود

كمان نقص الزيت عن معدلة يرفع الحرارة

**misho2008** · 21-11-2011 11:19 AM

المشاركة الأصلية كتبت بواسطة wwael12345

كمان نقص الزيت عن معدلة يرفع الحرارة

الاول ظبط موضوع الحرارة والحاجات اللى قولتلك عليها وشوف العربية هتظبط ولا اية
غير كدة الايدل كنترول عايز يتفك ويتنظف الاستاذ عصام غنايم ومحمد ممدوح كان عامل موضوع عن طريقة التنظيف وهى سهلة جدا
بس الاول صلح موضوع الحرارة
واحنا تحت امرك فى اى سؤال

**tarek_2005** · 21-11-2011 12:58 PM

فك فيشة حساس الحرارة الموجود اسفل البوبينة ودور العربية لابد وان تعمل المراوح اذا لم تعمل اذهب للكهربائي او لو لديك خبرة اقولك علي كيفية تتبع العطل
علو المكنة وهدوئها ناتج عن ارتفاع الحرارة لو الحرارة اتظبطت المكنة هتظبط