صيانة الـ 20000 في مركز العدوي بالمنصورة وياريتني ما عملتها

**faresattar** · 20-11-2011 04:58 PM

تحياتي لكل اعضاء المنتدى الرائعين .. وآسف اني انقطعت عنكم لفترة نظرا لظروفي وان شاء الله دايما مجتمعين بالخير والصحة والسعاده ...

أنا عملت صيانة الـ 20000 من اسبوع وللأسف الشديد اتصدمت وندمت إني علمتها ، لأن العربية بصراحه كانت في أحسن أحوالها من بعد الـ 10000.. نعومه وثبات يعني باختصار العربية لانت وخشونة الماتور راحت ونشفان العفشه انتهى وكنت مستمتع بيها جدا .. لحد ما عملت صيانة العشرين في مركز العدوي وغيرت بوجيهات وفلتر هواء والنتيجة كانت كالتالي:

1ـ تأخير في الدواره (بضعة ثواني وكان الاول بتشتغل من اول تكه)
2ـ خشونة في المحرك بشكل محسوس ومسمع في الدواسات وفي العربية (واضح انها مشكلة كهرباء)
3ـ عصاية الفتيس عايمه وملخلخه (مش عارف ايه علاقة صيانة العشرين بالفتيس من اساسه)
4ـ ارتفاع استهلاك البنزين حوالي 8% (حسبتها على الكمبيوتر وانا مشواري ثابت كل يوم 130 كيلو على نفس الطريق)

بصراحه حاسس اني راكب عربية تانيه غير عربيتي .. ومش عارف الوقتي اتصرف ازاي .. خايف اروح مركز العدوي تاني يلخبطوها اكتر ما هي متلخبطه .. والتوكيلات بعيد عن دمياط بمسافه كبيره .. ياريت حد يفيدني في التصرف السليم ولو حد اتعرض لنفس المشكله قبل كده مع مركز الصيانه ده ولا لأ .. وشكراً لكم جميعاً

**ahmadmidop** · 20-11-2011 09:22 PM

لو انتا واااثق من الكلام ده .... اطلع على التوكيل في القاهرة وريح دماااغك اكيد اضمن من المنصورة وانا بصراحة مابعترفش باي مركز خدمة في المنصورة حتى بتاع منصور ... وممكن تكون حطيت بنزين مش نظيف او مغشوش عمل اللخبطة دي مون تاني من بنزينة نظيفة ولتكن اللي علي طريق شطا 92 واجري على الطريق شوية وشوف الاحوااال ايه ده بالنسبة للموتور .. الفتيس على القاهرة وخلاص ان شاء الله بسيطة ممكن يكون عاوز تربيط او حاجة بسيطة بس فعلا ايه اللي خالاهم يجو جنبو .. خير وقدر الله ماشاء فعل

**ModySheta** · 20-11-2011 10:54 PM

زعلتني جداً :(
عليك و عالتوكيل في القاهرة ، كلم 16202 و اشتكي و متسكتش ...
يا يراقبوا على مراكز الصيانة يا يسحبوا منه التوكيل و طبعاً لازم يشوفوا العربية مالها ...
ربنا معاك و ابقى طمننا!
و توكل على الله و لا تحزن ،، خير إن شاء الله

**Mohd_Adel_Amin** · 20-11-2011 11:00 PM

مركز العدوي سيء جدا عن اكثر من تجربة شخصية او من اعضاء المنتدى , فعلا العربية بتدخلهم سليمة تطلع مليانة مشاكل , رقم واحد تتصل بالتوكيل وتشتكي , وبعدين تتصل بالمركز وتبلغهم بالمشاكل وتقولهم انك هترجعلهم ولو المشاكل متحلتش هتصعد الموضوع , وحاول تكلمهم باسلوب تهديد لأنه عن تجربة هو الوحيد اللي بينفع مع الأشكال دي . وبالتوفيق ..

**amriar** · 20-11-2011 11:48 PM

المشاركة الأصلية كتبت بواسطة modysheta

زعلتني جداً :(
عليك و عالتوكيل في القاهرة ، كلم 16202 و اشتكي و متسكتش ...
يا يراقبوا على مراكز الصيانة يا يسحبوا منه التوكيل و طبعاً لازم يشوفوا العربية مالها ...
ربنا معاك و ابقى طمننا!
و توكل على الله و لا تحزن ،، خير إن شاء الله

انا مع الكلام دا جدا جدا جدا .. لازم تتصل وتشتكى كدا كدا علشان انت وغيرك