ايه رايكم في المازدا 3 الجديدة ؟ وممكن اجيب ايه في سعرها ونفس الاداء ؟

**Ahmod** · 21-11-2011 11:41 AM

السلام عليكم ورحمة الله وبركاته

ليا زميل عزيز عليا مقبل على شراء عربية زيرو

ميزانيته في حدود ال 120 - 125 بالكتير

انا رشحتله اول حاجة السيراتو لكن هو مقلق من موضوع السرقة الى غير انها مش داخلة دماغه وانا مش فاهم مش داخلة دماغه ليه فمحبتش ادخل معاه في نقاش لكن من وجهة نظري هي احسن عربية حاليا كقيمة مقابل سعر

كان مقتنع بالبومة وبالعافية اقنعته ان زمنها انتهى وشكلها بقى قديم

حسيت انه بيدور على حاجة ياباني فرشحلته المازدا 3 الجديدة

خاصا ان من اولوياته ثبات العربية ودي نقطة متفوقة فيها المازدا !

لكن خايف من موضوع قطع الغيار اللى نار وسمع ان العربية فيها مشاكل بس ايه هي المشاكل مش عارفين

فهل فعلا فيها مشاكل ؟ وهل الثبات بتاعها بنفس قوة ثبات الشكل القديم ؟ لان الجديد بقى اعلى عن الارض شوية

ولو مش هيجيب المازدا 3 فيه ايه في نفس رنج ال 120 ؟ ؟

متطلباته من العربية تكون سيدان وواسعة عشان تشيل افراد اسرته ويكونو مرتاحين

ويكون ثابتها كويس الى غير الاعتمادية طبعا عشان مش كل شوية يروح لميكانيكي

**togo** · 21-11-2011 08:06 PM

بص ياباشا كلامك ده وسعرك ده مقدامكش غير لانسر وتيدا وفي رايي التيداااااااااااا تستحق وبجداره وسع وعمليه وشد وجري ومعمره

**minicooper20** · 22-11-2011 02:53 AM

الماذدا ثبات قوه اوبشن رفاهيه لكن الكنبه ديقه شويه لاكن لو اطفال هتكون ممتازه و قطعالغيار انا شايف انها مش غاليه ياعنى بس مش زى السيراتو
ارشحها بقوه
لكن لويفرق معاك الوسع هات تيدا

**Formulator** · 22-11-2011 12:42 PM

الثبات والهاندلينج بتاع المازدا3 الجديدة.. هو هو نفس المازدا3 القديمة..
لسبب بسيط, انها مبنية بالكامل على شاسيه وعفشة الفورد فوكاس, ودى مش محتاجة كلااااااام..!
ان لم يكن كمااااااااااان تم تعديل حاجات بسيطة فـ الـdamping rate, لأن العربية عليت سيكا عن القديمة..!! بما لا ينتقص من الثبات..؟!!

مش هتلاقى حاجة فـ رينج السعر ده غير لانسر شارك (موديلات 2009) ستوك عند بعض المعارض.. شاسيه الـOutlander وعفشة Multi-Link محترمة برضه, وموتور Mivec 1.5 تقريبا فى نفس قوة موتور المازدا3..

العربيتين أقل فـ المواتير من الكورى.. لكن كـ تكنولوجى و package على بعضها: أفضل من السيراتو, وأجمد من التيدا كماااااااااان..!!!