الموضوع: 1717 مصر للطيران (..............لاتعليق..............).

السلام عليكم ورحمة الله وبركاته

باختصار انا معنديش خبره كبيرة بالاتصال على الارقام المعروفة بال هوت لين

بس دي اول مرة اخد المقلب ده

كلمت 1717 خدمة العملاء لشركة مصر للطيران (لازم من الموبيل ، الارضي ماينفعش)

طبعا الرد الالى الاول وبعدها اضغط واحد ، بعدين اتنين بعدين، واحد تاني (غير اللى قبله) وبعدين 3 وهكذا

لغــــــــــــــــــايه ما رد على الموظف العزيز

وكل شويه: لحظة حضرتك انتظر معايا ، ويشغل اوبرا عايده في التليفون وبعدين يرجع وتاني كمان لحظة
وهكذا وهكذا

وقبل ما يجي يرد ويدينى الاجابه المطلوبه والنهائيه

فجأة

واحده ست دخلت على الخط!!




















لقد نفذ رصيدكم (فودافون)

طبعا انا صدمت

ببص في الموبيل لقيت مدة المكالمة 10 دقائق ، وانا لسه شاحن الموبيل بكارت 10 جنيه (كان الرصيد اقل من جنيه)

يعني الدقيقة ب 1 جنيه.

وطبعا لو اتصلت تاني هيرد على موظف تاني وهنبدء من الاول.

جميل جدا : كده المفروض اشحن ب 50 جنيه عشان اعرف معلومه مفيده من مصر للطيران.

انا اعرف ان الاسعار السخيفة دي خلصت من زمان

والمفروض دي خدمة عملاء

انا كان عندي سؤال واحد كلفنى 10 جنيه ولسه ماعرفتش الاجابه

امال اللى عنده مشكله او اكتر من سؤال هيدفع كام؟