الموضوع: أجيب w140؟ ولا بلاش؟

انا حجيب لحضرتك الخلاصة من الاخر خالص الW140 دي S-class
كونسيبت تصنع الS-class من الستينات صناعة عربية الماني بجانب الرولز رويس تبقي مريحة (الرولز رويس ملكة الفخامة و الراحة ) مش اقل ..جنبها تبقي مريحة بهندسة المانية و اختراعات المانية و اعتمادية عالية تعيش مع المالك و كل ما فترة امتلاكها تزيد حب المالك يزيد ...دا وصف الشركة للفئة دي
مع احترامي لجميع الماركات ولا بي ام دبليو ولا اودي ولا كاديلاك ولا ليكزس و لا حتي جاجوار بتصنع عربية علي الكونسيبت دا ...دي الخلاصة
انا ركبت 600 بتاعت واحد صديقي فترة صغيرة و كنت حشتريها ... كل ما كنت انزل من العربية بقول شابوه للصانع التحفة
لو حضرتك حتشتري بلاش اخر الموديل اول الموديل احسن في الكواليتي في الاعتمادية الاتنين لهم مشاكل (دا شي اكتشفته قريب الW140 من نوع العربيات اللي صيانتها شي لازم مش زي المرسيدس الاقدم )غير كده لا غبار عليها من حيث جودة ركوب الخ الخ الخ