الموضوع: مشكلة في وحدات الرفع و درجة حرارة السيارة (سيراتو 2011)

المشاركة الأصلية كتبت بواسطة yasserelsayad

اولا الف مبروك على العربية وربنا يباركلك فيها

تقريبا السبب ان هو بيقولك مش هتنفع غير على 3 ابواب ومش هيوصل باب السواق عشان ازاز باب السواق auto وكمان فيه اللوك اللى بيقفل اول ما العربية تجيب سرعة 20 تقريبا فا كل مرة تفتح اللوك وتمشى الازاز هيقفل مع اللوك ... باردوا الناس اللى مركبه وحدات رفع هتفيدك اكتر.

بالنسبة لدرجة الحرارة فا دا العادى مفيش اى مشكلة متقلقش

الله يبارك فيك ...
شكرا يا جميل لردك وطمنتني اوي بالنسبة لموضوع الحرارة ده

المشاركة الأصلية كتبت بواسطة moha4tec

السلام عليكم
لازم تجيب وحده رفع تكون فيها خاصية الاوتو بتاعه باب السواق ,و كمان فتحة السقف .
فى موضوع كان اتعمل من فتره عن وحدات الرفع و الانزار .و الناس حلت الموضوع ده و قالو على واحد فى شارع دمشق بيظبط القصص دى .اربعه زجاج و فتحة سقف .
الحمد لله انا مركب عندى وحدة رفع و انزار للاربع زجاج و السقف .من سنه و الحمد لله تمام التمام .
و كمان نفس الكلام عملنا فى 2 سيراتو بتوع قرايبى و صحابى و كله زى الفل و مفيش مشاكل منه .

بالنسبه للحراره :دى عادى جدا اللى بتقول عليه و خصوصا فى الشتاء بتحتاج وقت تسخن .عادى جدا .متقلقش .
و على حسب نوع الزيت كمان .
مثلا لو .o-w30 ,افضل من 5w30, 10w30.
فى الشتاء فقط

طب الحمد لله .. مادام الناس مجرباها ومفيهاش مشكلة يبقي امشي فيها بأذن الله
هي بس المشكلة اني مش من القاهرة والا كنت نزلت علطول عليه .. عموما ربنا يسهل اكيد هلاقي حد هنا يعملها بنضافة ...

المشاركة الأصلية كتبت بواسطة wxr

وفيه سؤال تاني .. وهو اني بلاقي باستمرار مستوي درجة حرارة السيارة في المنتصف تقريبا .. اول ما اشغلها بيبقي صفر (ع الشمال) وبمجرد المشي لفترة بيوصل للنص , والكلام ده الصبح وبالليل ومع المشي القليل والكتير .. يعني في اي وقت وفي اي ظروف ..
مع العلم .. اني بحط المية الخضرا .. ومستواها لسة عالي !


سؤالك غريب شوية لأن السيراتو مفيهاش مؤشر حرارة فيها لمبة بس وبتنور لما العربية تسخن !!!!!!!

فيه ياباشا في الـ SX عداد Trip بيبقي فيه مؤشر للحرارة وعدد الكيلوات والبنزين يمشيك قد ايه و كام حاجة تاني ...