استشارة ارجو ان وحوش الدايو يفيدونى فيها

**drmomoking** · 24-11-2011 02:59 PM

انا العربية عندى دلوقت قافشة ومش راضية تدور بعد تركيب و تظبيط وش السلندر وناس بتقولى التقسيمة غلط و خالفة و ناس تقولى الصبابات عوجت و ناس تقولى الاسبراتير باظ و كلة هنا فى الغردقة بيفتى ومحدش عارف حاجة وانا زهقت من كتر المصاريف اللى على الفاضى وبرضة العربية مش راضية تدور

عشان كدة اخدت قرار انى انزلها القاهرة على و نش لفهد وامرى لله

المهم دلوقت تحسبا لاسوا سيناريو و هو ان الموتور ودع فى الحالة دى انا مش حسقط موتور الاسبيرو تانى حسقط موتور كبير 2000 سى سى مثلا عشان يسعفنى فى السفر رايح جاى على الغردقة وكمان عشان يكون موديل جديد لانى مواتير الاسبيرو قدمت ومش عارف حنلاقى موتور حالة كويس ولا اية وكمان اسعار مواتير الاسبيرو شدة على الفاضى يمكن عشان عزيزة شوية

السؤال هو اية المواتير اللى ممكن تنزل على القواعد عندى هل النوبيرا مثلا ينفع ولا محتاج تعديل قواعد

و هل الاوبترا كمان ينفع للمرور و القواعد

وبالنسبة للمرور هل مواتير الاوبل تتثبت على الدايو ولا لا على اعتبار انهم كلهم جى ام ولا الكلام دة مش ينفع ولو فى المرور تتثبت اية اخبارها مع القواعد لانى بفكر فى ال سى دى اكس برضو بس مش عارف المرور يسمح ولا لا

وهل فى اى مواتير تانية بديلة للاسبيرو تنفع

عشان قدامى موتور نوبيرا وا وبترا 2000 سى سى مواصفات امريكى بكل حاجتة من بابة النوبيرا 2007 والاوبترا اظن 2009

افيدونى افادكم الله وشكرا

**mahmoudbadr** · 24-11-2011 08:33 PM

السلام ليكم يا دكتور أحمد

و ألف حمد لله على السلامة

بالنسبة للموتور هو بيتثبت على الرخصة و خلاص مش مهم بتاع إيه المهم إنه بنزين

موتور النوبيرا يركب من غير تعديل قواعد بس هتغير كل حاجاته

من ضفيرة و كنترول و غيره ( أنا سألت عن موتور النوبيرا أكتر من واحد (1600) قال لى إن بتاع الاسبيرو أعفى منه)

و لو لقيت موتور أوبل (Ecotec) يبقى أفضل لأن القدرة الحصانية بتاعته أكبر
بس هتغير كل حاجته برضه

بالنسبة للاسبيرو فيه مواتير 1800 و 2000 سىسى بتاعتها

بس برضه هتغير الضفيرة و الكنترول

بس مشكلة ال 2000 سى سى فى الضريبة كمان بتاعتها حوالى 4 أضعاف ال 1500

إنزل بور سعيد هتلاقى اللى إنت عايزه

و فيه واحد فى بور سعيد عنده أكتر من موتور اسبيرو 1500 حالتهم كويسة

أنا إشتريت واحد 1500 سى سى و الحمد لله طلع كويس

لو نويت تروح أديلك إسمه و عنوانه

و كمان لف كويس هتلاقى تباين كبير فى الأسعار

أنا جبته كامل بدون فتيس ب 2250 + 100 ورق المرور

بالتوفيق

**drmomoking** · 24-11-2011 09:42 PM

اولا شكرا يا دكتور على ردك واهتمامك

الفكرة انى حاسس ان الفتيس كمان بيشاور عقلة فانا كدة كدة ممكن العملية توسع

قصة تركيزى على موتور الاوبترا او النوبيرا و هو ان موديلها قريب و كانى ركبت زيرو وهما سعرهم مش بعيد عن الاسبيرو 4500 و 3900 على التوالى كامل بكل حاجة بالتسقيط بس من واحد معرفة

قصة تثبيت الموتور على الرخصة دى حضرتك متاكد ان اى موتور ينفع يعنى ينفع اسقط مثلا موتور ميتسوبيشى مايفك ولا حضرتك قصدك على انو يكون جنرال موتورز بشكل عام سواء دايو او شيفورلية او اوبل؟

**mahmoudbadr** · 24-11-2011 10:14 PM

المشاركة الأصلية كتبت بواسطة drmomoking

اولا شكرا يا دكتور على ردك واهتمامك

الفكرة انى حاسس ان الفتيس كمان بيشاور عقلة فانا كدة كدة ممكن العملية توسع

قصة تركيزى على موتور الاوبترا او النوبيرا و هو ان موديلها قريب و كانى ركبت زيرو وهما سعرهم مش بعيد عن الاسبيرو 4500 و 3900 على التوالى كامل بكل حاجة بالتسقيط بس من واحد معرفة

قصة تثبيت الموتور على الرخصة دى حضرتك متاكد ان اى موتور ينفع يعنى ينفع اسقط مثلا موتور ميتسوبيشى مايفك ولا حضرتك قصدك على انو يكون جنرال موتورز بشكل عام سواء دايو او شيفورلية او اوبل؟

و الله يا دكتور أحمد أنا لسة مروحتش المرور بالموتور الجديد

بس الجواب بتاع المرور مكتوب فيه موتور بنزين و بس مش مكتوب

الشركة المصنعة
بس هتأكد لما أكون فى البيت علشان الجواب مش معاية دلوقتى

أعتفد غن أهم شىء فى الموضوع ده هو رقم الموتور دة اللى يهم المرور

بس هنحاول نسأل فى الموضوع دة

**drmomoking** · 24-11-2011 10:27 PM

شكرا يا دكتور و ياريت برضة رقم الراجل بتاع بورسعيد لو مع حضرتك ناخد فكرة عن الاسعار مبدئيا

**mahmoudbadr** · 24-11-2011 10:59 PM

المشاركة الأصلية كتبت بواسطة drmomoking

شكرا يا دكتور و ياريت برضة رقم الراجل بتاع بورسعيد لو مع حضرتك ناخد فكرة عن الاسعار مبدئيا

01006712188

إسمه أشرف الشناوى ( المركز الكورى)

هو محترم و بيجيب من الآخر بس هتفاصل برده

كان عنده أربع مواتير بفتيس أوتو منهم واحد فتيس إسمه فتيس مدفع

و كانت حالاتهم كلها كويسة

**drmomoking** · 25-11-2011 08:30 PM

المشاركة الأصلية كتبت بواسطة mahmoudbadr

01006712188

إسمه أشرف الشناوى ( المركز الكورى)

هو محترم و بيجيب من الآخر بس هتفاصل برده

كان عنده أربع مواتير بفتيس أوتو منهم واحد فتيس إسمه فتيس مدفع

و كانت حالاتهم كلها كويسة

تسلم يادكتور محمود وانا كلمتو وقالى ب 3700 كامل بالفتيس

وكلمت واحد فى الحرفيين قالى 3000 بالفتيس

لما انزلها القاهرة ابقى اقرر باذن الله

**drmomoking** · 25-11-2011 08:48 PM

مفيش حد يا جماعة عندة رد على اسالتى فين وحوش الدايو

د/ محمود كتر خيرة الراجل بيساعد على قد ما يقدر بس فين باقى وحوش منتدانا

لسة اسالتى مستنية ردود من وحوشنا

**mahmoudbadr** · 26-11-2011 01:26 PM

شوف اللينك دة يا دكتور/ أحمد يمكن يفيدك أو يقرب لك المسألة

Daewootech.com • View topic - Daewoo Espero (Aranos) X20XEV Swap

بس أنا كنت عايز أعرف من حضتك إيه اللى حصل و عملت وشيكت على إيه

ممكن تكون حاجة بسيطة زى فيشة اسبراتير أو حاجة أبسط كمان

لأن الفرق كبير بين المتور القافش و بين اسبراتير بايظ

**mahmoudbadr** · 26-11-2011 02:47 PM

شوف كمان اللينك دة

تسقيط موتور أوبل 170 حصان

فى الاسبيرو

http://www.gmclub.ro/forum/index.php...a/page__st__40

الموضوع: استشارة ارجو ان وحوش الدايو يفيدونى فيها

LinkBack

أدوات الموضوع

عرض

-

-

-

-

-

المواضيع المتشابهه

كل سنة وانتوا طيبين يا وحوش الدايو

استفسار من وحوش الدايو

استشارة ارجو فيها المساعدة

ارجو من اهل الخبرة و المعرفة ان يفيدونى فى مشكلة عربيتى فيات بونتو

مشكلة عندى فى الفرامل ارجو من لديهم خبرة بأن يفيدونى a516

الكلمات الدلالية لهذا الموضوع

المفضلات

المفضلات

ضوابط المشاركة