الموضوع: ارجوا المساعدة تيدا ام نيو النترا ام فلوانس ام لانسر بومة

السلام عليكم ورحمة الله وبركاته
كل عام وانتم بخير
أرجوا من كل اعضاء المنتدى الكرام ان يتواصلوا معي لمساعدتي في الاختيار فانا والحمد لله استطعت تحويش واستلاف مبلغ محترم بس انا دلوقت محتار بين السيارات الاتية
1-نيسان تيدا سيدان (اعلى فئة) سمعت ان عليها تخفيض اليومين دول على مو2011 بس مش عارف اخرها يكون كام؟ هي كانت ب128350جم عاوز اعرف سعرها دلوقت كام وايه الالوان المتوفرة منها واجيبها منين ؟
2-رينو فلوانس سمعت عنها من خلال المنتدى وعن سمعة توكيلها المحترم بس غير كده ما عرفش عن عيوبها ان كان ليه عيوب حاجة وسعرها كام المنيوال والاوتو اول فئة والقيها فين؟؟؟؟
3-نيو النترا اول فئة اوتوماتيك شكلها تحفة بس انا ماكنتش عاوز كورى
4-لانسر بومة 2011هاف سبورت اوتو
ارجوكم افيدوني عاوز سيارة تستحمل الشوارع المصرية والمشي في الارياف وتكون ثابتة على الطريق (بتاعت سفر) وتكون عائلية احنا اسرة 5 افراد وفيه اطفال وتكون اوتوماتيك وتكييف كويس لاني مش ببطله في الصيف وعفشة قوية وناعمة ومش مهم قوي الرفاهية مقابل الاعتمادية وتوكيل ممتاز لاني مش احب اتعامل مع حد بره وما تكونش محتاجة مصاريف ع الاقل 5 سنوات لغاية ما اسد الفلوس اللي عليا + اني مش ناوي ابيع بعد كده يعني ياريت عاربية تعيش
وطبعا الانواع اللي قلت عليها هي دي اللي في الحدود اللي معايا او اللي اقدر اتصرف فيها يعني من 120000الى 124000في الزيرو
عاوز اعرف ايه الاحسن في الحدود دي واشترري منين في القاهرة
ارجوكم انا عاوز انزل القاهرة الاسبوع القادم للمشاهدة والشراء افيدوني جزاكم الله كل الخير
اللهم جنبنا الفتن ما ظهر منها وما بطن.........اللهم ولى امورنا خيارنا.......اللهم احفظ مصر أمانا سخاء ..رخاء..وسائر بلاد المسلمين