عايز نصائحكم فى شراء ( كوبيه ) ....

**kofta** · 26-11-2011 03:47 PM

كنت عايز اخد بعض النصايح من اهل الخبرة فى السيراتو ( كوبيه )

ما رأيكم فى العربية ديه و ايه مشاكلها و الـ Estipality بتاعها ايه نظامه وهل تتسرق بسرعة زى العادية و لا ديه عشان بصمة فمن الصعب ؟
و تفضلون الخليجى ولا المصرى
و الفاميه بينزل على الرخصة و لا لآ

اريد كل النصائح منكم و بارك الله فيكم جميعاً

**tarek27** · 26-11-2011 08:16 PM

العربيه ممتازه والثبات ممتاز والفاميه بيتسبت وطبعا خليجى

**kofta** · 27-11-2011 02:17 AM

المشاركة الأصلية كتبت بواسطة tarek27

العربيه ممتازه والثبات ممتاز والفاميه بيتسبت وطبعا خليجى

ربنا يطمنك ...

معلش اخر سؤال ... حضرتك واجهتك اى مشاكل فيها ولا حاجة ؟

انا بس اللى خايف منه اشترى حاجة و تطلع فيها عيب و خصوصا ديه خليجى ملهاش ضمان ......

و شكراً لك

**love_life** · 27-11-2011 02:37 AM

العربية مفهاش اي مشاكل نهائي
بس خلي بالك من المطبات العليا علشان متحكش منك وخليك في الخليجي
اما الثبات على الطريق فهي زي اللوز
حاول اما تجيب هات اللي فيها تحكم في تراكشن كنترول
واتكل على الله ومبروك عليك

**kofta** · 27-11-2011 03:43 AM

المشاركة الأصلية كتبت بواسطة love_life

العربية مفهاش اي مشاكل نهائي
بس خلي بالك من المطبات العليا علشان متحكش منك وخليك في الخليجي
اما الثبات على الطريق فهي زي اللوز
حاول اما تجيب هات اللي فيها تحكم في تراكشن كنترول
واتكل على الله ومبروك عليك

تمام يا باشا

ده يختلف فى السعر لو مفهاش التركشن كنترول ؟؟؟

**TAMERMEGAHED** · 27-11-2011 08:38 AM

توكل على الله العربيه ماشاء الله جميله واستابيلتى ممتاز

**kofta** · 27-11-2011 08:05 PM

المشاركة الأصلية كتبت بواسطة tamermegahed

توكل على الله العربيه ماشاء الله جميله واستابيلتى ممتاز

على بركة الله ....

الف الف شكررر يا رجالة

**Mohab.Nabil** · 27-11-2011 09:43 PM

معلش انا عندى سؤال خارج شوية عن الموضوع و اتمنى صاحب الموضوع ميضايقش

هى طبعا العربية ماشاء الله شكل و اوبشنز ..

بس سؤال للملاك هل انت و انت راكبها حاسس انك راكب عربية كوبيه سبورت يعنى بعيدا عن التسارع اقصد الاحساس نفسه لأن من و انا صغير لما كنت بركب الهيونداى الكوبيه فى المعارض كنت بحس انى راكب حاجة مختلفة و احساس مختلف مش عارف ليه محسيتهوش اوى فى السيراتو الكوبيه ؟ هل مع الاستعمال الاحساس دا بيجى و لا العربية فعلا مش بتدى احساس الكوبيه اوى ؟

و الف مبروك يا باشا مقدما

**kofta** · 27-11-2011 10:02 PM

المشاركة الأصلية كتبت بواسطة mohab.nabil

معلش انا عندى سؤال خارج شوية عن الموضوع و اتمنى صاحب الموضوع ميضايقش

هى طبعا العربية ماشاء الله شكل و اوبشنز ..

بس سؤال للملاك هل انت و انت راكبها حاسس انك راكب عربية كوبيه سبورت يعنى بعيدا عن التسارع اقصد الاحساس نفسه لأن من و انا صغير لما كنت بركب الهيونداى الكوبيه فى المعارض كنت بحس انى راكب حاجة مختلفة و احساس مختلف مش عارف ليه محسيتهوش اوى فى السيراتو الكوبيه ؟ هل مع الاستعمال الاحساس دا بيجى و لا العربية فعلا مش بتدى احساس الكوبيه اوى ؟

و الف مبروك يا باشا مقدما

لالا ابداً الموضوع مفتوح للنقاش و الاراء

بص انا لسة العربية مش ركبتها خالص و حتى مشيت بيها مع حد ابل كدة فانا مش عارف الاحساس ده هيبقى موجود ولا لأ .... الهيونداى كوبيه انا ركبها مع واحد ابل كدة هى بصراحة شكلها اما نزل فى السنة بتاعتها كانت خرافة و مفيش زييها و كل حاجة اسبور فيها بس بعد كدة وقفت و بقت حالتها متبهدلة

و فى الاخر برضو ديه اراء و فيه مثل بيقول ( لولا اختلاف الاراء لا بارت السلع ) .. يعنى مثلاً ممكن تعجبى السيراتو كوبيه و ييجى شخص تانى مش تعجبه و هكذا ....

و وربنا يجييب اللى فيه الخير ...

**Mohab.Nabil** · 27-11-2011 10:25 PM

المشاركة الأصلية كتبت بواسطة kofta

لالا ابداً الموضوع مفتوح للنقاش و الاراء

بص انا لسة العربية مش ركبتها خالص و حتى مشيت بيها مع حد ابل كدة فانا مش عارف الاحساس ده هيبقى موجود ولا لأ .... الهيونداى كوبيه انا ركبها مع واحد ابل كدة هى بصراحة شكلها اما نزل فى السنة بتاعتها كانت خرافة و مفيش زييها و كل حاجة اسبور فيها بس بعد كدة وقفت و بقت حالتها متبهدلة

و فى الاخر برضو ديه اراء و فيه مثل بيقول ( لولا اختلاف الاراء لا بارت السلع ) .. يعنى مثلاً ممكن تعجبى السيراتو كوبيه و ييجى شخص تانى مش تعجبه و هكذا ....

و وربنا يجييب اللى فيه الخير ...

بص يا باشا انت ممكن تنزل تركبها فى اى معرض و العربية منتشرة ماشاء الله يعنى .. و برضو لازم تبقى مقتنع بيها اوى عشان مش كل يوم الواحد بيجيب عربية ..

الهيونداى الكوبيه بتفكرنى بالفيرارى و البورشه و الحاجات بتاعت نيد فور سبيد ديه .. يمكن عشان كده بحبها

طبعا السيراتو افضل فى الاوبشنز و الموتور و الفتيس بس برضو حاسس انها عربية سيدان و عملوها كوبيه زى الـ c4 كده عربية هاتشباك و خلوها ببابين بقت كوبيه بس بالنسبالى مش بحس احساس الكوبيه فيهم كده

طبعا الموضوع دا احساس شخصى بحت و ميعيبش العربية فى اى شىء