لوجي في ثوبها الجديد ( زي ماوعدتكم , رفعتلكم الصور ) فور باي فور .. جنوط اسبور

**kojyad** · 27-11-2011 04:54 PM

قولولي ايه رأيكم
بس لسة في شوية حاجات ناوي اعملها انشاء الله ( رموش فوانيس , فاميه , شبكة ساده بدون علامة , سمووك على الفوانيس )
Image Upload !
Image Upload !

في صور تانية هنزلها بعد شوية..........

**MOK3336** · 27-11-2011 06:47 PM

ما شاء الله جميلة
ربنا يبارك لك فيها
بس يا سلام لو الجنوط فيه الخط باللون الأحمر بدل الأسود كانت هتبقي حكاية

**lely** · 27-11-2011 08:52 PM

مشاء اللة حلوة اوى ربنا يكفيك شرها بس انا كنت عاوزة اسئل حضرتك عملت فين الجلد الاسود الى على الكبوت و السقف نفسى اعملو عندى على الاكصدمات عشان غربيتى اصلا سودة عاوزة اعرف المكان و تكلفتة كام و اسفة لو بتعب حضرتك

**ibrahimthebest** · 28-11-2011 01:53 AM

المشاركة الأصلية كتبت بواسطة lely

مشاء الله حلوة اوى ربنا يكفيك شرها بس انا كنت عاوزة اسئل حضرتك عملت فين الجلد الاسود الى على الكبوت و السقف نفسى اعملو عندى على الاكصدمات عشان غربيتى اصلا سودة عاوزة اعرف المكان و تكلفتة كام و اسفة لو بتعب حضرتك :_alshmokh23[1]:

وياريت نعرف سعر المتر كام اصل انا سمعت ان الجلد ده بيتباع بالمتر والف مبروك و ربنا يكفيك شرها

**amriar** · 28-11-2011 02:09 AM

جامده جدا جدا .. ربنا يباركلك فيها .. انا كمان ملاحظ انك مغير الكراسى وعامل شغل عالي.. الجنوط و العربيه هايله ماشاء الله ولا قوه إلا بالله ..

ربنا يباركلك فيها ...

**nice_bird** · 28-11-2011 02:15 AM

ما شاء الله حلوة بس بالكلام دا مش هيرخموا عليك في المرور !

**ahmedbasto** · 28-11-2011 03:55 AM

ماشاء الله

**MOUSTAFA_SAAD** · 28-11-2011 07:24 AM

ماشاء الله جميله
بس الجنوط مش اد كده

**kojyad** · 28-11-2011 08:21 AM

الله يبارك فيكو يا جماعة وعقبال اما تجددو انشاء الله , لأن بجد الواحد بيحتاج تجديد دائم خصوصا مع عربية زي لوجي ممكن تعمر ويعد بيها كتير انشاء الله .

المشاركة الأصلية كتبت بواسطة nice_bird

ما شاء الله حلوة بس بالكلام دا مش هيرخموا عليك في المرور !

اولا ياباشا انا هاموت واعرف انت ازاي رفعتلي الصور كده ,,, بجد الف شكر انا مش عارف اعملها خالص , مع اني كنت دايما برفع صور كده زمان ,,,, قولي ازاااااي ؟؟؟؟

وطبعا اكيد هيرخمو في المرور بس انا فاضلي حوالي سنة ونص على الفحص
وقلت اجرب . وربنا يكرم والظابط يطلع من ثوار ميدان التحرير وما يرخمش عليا

**kojyad** · 28-11-2011 09:12 AM

المشاركة الأصلية كتبت بواسطة lely

مشاء الله حلوة اوى ربنا يكفيك شرها بس انا كنت عاوزة اسئل حضرتك عملت فين الجلد الاسود الى على الكبوت و السقف نفسى اعملو عندى على الاكصدمات عشان غربيتى اصلا سودة عاوزة اعرف المكان و تكلفتة كام و اسفة لو بتعب حضرتك

لأ طبعا مفيش تعب ولا حاجة , احنا هنا عشان نساعد بعض وناخد اراء بعض

- اولا هو مش جلد , ده عبارة عن استيكر كربون مط اسود بيتحمل الشمس والعوامل الجوية والمطر .

- انا سألت في كذا مكان عليه ( شارع دمشق , محل في مساكن شيراتون )
وقالي هيكلف حوالي 550 جنيه ( الكابوت , السقف , الشنطة " انا عامل الشنطة على فكرة " ) وبتاع شيراتون قالي 650 " بس محل نضييييف اوي "

- بعد كده ناس نصحتني اسئل في شارع احمد سعيد ( عشان هناك متخصصين في كده والفاميه والاستيكر ) وفعلا رحت احمد سعيد وعملته هناك ب 350 شامل المصناعية
واداني كمان 3 استيكر ركبتهم على الشنطة من ورا , الصورة اهي :
Image Upload !