الموضوع: تجارة ولا نصب ؟

الفكرة

أنا إشتريت عربيتي الانسر من سنتين .. والبايع سكني سكة محترمة
خباى عني كل العيوب
ولما إشتريتها .. ولقيت فيها العيوب الي كلفت عليا علشان أظبطها مبلغ وقدره
فانا قررق وحسبت إن أنا ليا عند البايع انصاب مبلغ كبير
والأيام والوقفة عند الصنايعية قرفتني وربت جوايا غضب لازم أخرجه
-خدوا بالكم الكلام ده كان من سنتين-
قررت إني أحرقله عربية ف المعرض بتاعه بما يساوي قيمة فلوسي عنده إلي مش هعرف أخدها طبيعي

سالت واحد شيخ على فكرة إنه نصب عليا
الشيخ قالي دي غلطتك .. إنك ماعاينتش الحاجة قبل ماتشتريها
أقوله ياشيخ .. الراجل خبى عني كل العيوب الي مستحيل تظهر في ساعتها .. العيوب الي بتظهر مع الوقت
قالي برضوو غلطتك


سيبوكم من موضوع إني كنت عاوز أنتقم منه وأفش غلي
هل نصبه عليا .. غلطتي ولا غلطته؟؟؟

القصة إني لما روحت أخلص فيها
جبت ميكانيكي تبع واحد صاحبي .. علشان يعاينها على إعتبار إنه(أيامها) بيفهم أحسن مني
إلي عرفته وإتأكدت منه بعدها بكام يوم
إن صاحب المعرض ظبط الميكانيكي .. والميكانيكي باعني ليه
والاتنين لبسوني العربية الي كان فيها مشاكل كتيرة ساعتها
زي حتت الكاوتش كان بايظ .. المكنة كانت متصلبة .. الكهربا كان فيها عيوب(وكل ماأسأله دي مش شغالة ليه .. يقولي الفيوز عاوز يتغير بسسسسس)..
وكان فيها رش على قايم من جوه
ولبست لبسة محترمة
هي دي القصة
وأقول الشيخ..يقولي غلطتك إنك ماعاينتهاش كويس مش غلطة البياع