رينو سانديرو ستيبواي في مصر

**akerima** · 29-11-2011 12:38 PM

السلام عليكم جميعا

بالصدفة امبارح وانا عند طارق اسماعيل بتاع السيتي سنتر في الاسكندرية

كالعادة عمال اتفرج علي العربيات واطنطط من عربية لعربية - ال يعني الواد حيشتري كل العربيات اللي موجودة في المعرض

ببص من بعيد لقيت سانديرو واقفة بس شكلها غريب شوية

جنوط اسبور 17 تقريبا وشوية حلي بلاستك علي الرفارف - وعتب تحت الابواب

وحمالتين علي السقف

اية دي دي مش سانديرو عادية اكيد المهم رحت عند العربية اتشقلبت جواها شوية وهاتك يا تفتيح في الابواب وفرجة من تحت لفوق

وفجأه لقيت واحدة ست كبيرة بتبص عليا بذهول - انت عمال تقلب في العربية مش تستازن - كان عرق الغباوة حيطلع وانت مالك هو ايه اللي حشرك اهي عربية واقفة وبتفرج عليها؟؟ بس لقيتني بقولها هو حضرتك صاحبتها قالتي اه انا لسة مستلماها دلوقت وعماله بقول مين اللي واقف يتنطط في العربية دا وعمال يلغوص فيها

طبعا كنت في ربع هدومي وقولتلها ما شاء الله الف مبروك والكلام دا بس للاسف مع لبختي وكسوفي نسيت اسالها بكام ونسيت حتي اصورها

باذن الله ححاول اجيب اي معلومات عنها واحطها في موضوع جديد - المهم ان السانديرو الاستيبواي في مصر يا رجالة وعند طارق اسماعيل

**gebreel** · 29-11-2011 01:48 PM

يا فرج الله

كانت اوتوماتيك يا باشا ولا مانيوال و ياريت لو تعرفلنا سعرها كام و ام حصان و مواصفات الامان اللي فيها و كدة

**i_Am_Legend** · 29-11-2011 04:18 PM

دي عربية مانيواااااال وسعرها ٨٠ الف والجنط اللي فيها ١٥ وعندنا منها تسليم فوري

**gebreel** · 29-11-2011 07:55 PM

مفيش اخبار عن اللوجان الاوتوماتيك يا جماعة؟؟

**ashouhdy** · 29-11-2011 08:23 PM

هى مالها عالية عن الارض قوى كدة ... بس شكلها حلو

**gebreel** · 29-11-2011 08:56 PM

يا د/ احمد هي زاوية التصوير بس اللي مخلياها عالية عن الارض بس

بس عندي احساس قوي جدا انها مش هتبيع

**wassim_nasser** · 30-11-2011 02:06 AM

اللي حابب اصلا السانديرو هايحب السانديرو ستيب واي و هايلاقي ان فرق دي من دي 5 تلاف جنيه عشان خاطر الشكل و ال abs مش كتير .. لكن اللي زيى بيحب اللوجان هايستخسر طبعا يدفع 10 تلاف زيادة خصوصا ان الاتنين مانيوال وجنط 15 و تحس كمان ان اللوجان اوسع من جوة .. بس أنا شايف انها تمشى اكتر للستات

-

-

الموضوع: رينو سانديرو ستيبواي في مصر

LinkBack

أدوات الموضوع

عرض

رينو سانديرو ستيبواي في مصر - انشر الموضوع فى :

-

-

-

-

-

-

المواضيع المتشابهه

رينو سانديرو اوتو

ممكن تفيدوني لو سمحتوا رينو لوجان ولا رينو سانديرو افضل؟؟؟

رينو سانديرو 2012

رينو سانديرو

كيا بيكانتو ولا رينو سانديرو

الكلمات الدلالية لهذا الموضوع

المفضلات

المفضلات

ضوابط المشاركة