ما هى مميزات وعيوب الاكسنت ار بى مانيوال

**ahmedgeo75** · 29-11-2011 08:27 PM

السلام عليكم ورحمه الله وبركاتة
بصراحة انا لسة مشترك فى المنتدى الرائع من ساعة واحدة
ارجو الافادة من الاخوة والخبراء عن مميزات وعيوب ال ار بى مانيوال
لاننى ناوى اشترى عربية قريب. لكن انا لاحظت ان محدش بيشكر فيها كتير علشان مشكلة الفتيس و حكة الكاوتش والانذار.
ارجو الافادة ضرورى لانى حجيبها بالتقسيط و مش هقدر اصرف على مشاكلها كمان

**exyana** · 02-12-2011 07:38 PM

أنا كنت خايفة زيك بالظبط انى اجيب العربية ديه لكن اشتريتها مانيوال و الحمد لله العربية معاي بقالها شهر و عاملة 500 كم لكن العربية ناعمة جدا سحبها حلو أوى مع انها لسه فى التليين - ما بتحكش فى المطبات زى ما الناس بتقول-الكاسيت حلو جدا- العفشة معقولة جدا-العيب فى المانيوال من وجه نظرى انه علشان العربية سحبها و تجميعها سريع ما بتلحقش تجيب الأول و بعديه الثانى و الثالث و الرابع و الخامس بسرعة جدا بس الفتيس و الدبرياج ناعمين جدا - الشكوى المشتركة بين كل الناس انك بتسمع صوت الأسفلت وديه حقيقة انا مليت العجل نيتروجين و فرقت معايا شوية و مستنية اروح الصيانة و أشوف لكن فى ناس بتقول غير العجل بجنط أعرض و مش هاتسمع اى صوت.

عامة جيب العربية لأنها فعلا حلوة وشكلها و صالونها حلوين وصوت الموتور تقريبا مش مسموع و الف مبروك مقدما

**mhkash** · 12-12-2011 09:02 PM

السلام عليكم ، اشكر صاحب الموضوع لتناوله السياره بالمناقشه

احب اسأل exyana مش فاهم ايه المقصود بالجزئيه دي

المشاركة الأصلية كتبت بواسطة exyana

-العيب فى المانيوال من وجه نظرى انه علشان العربية سحبها و تجميعها سريع ما بتلحقش تجيب الأول و بعديه الثانى و الثالث و الرابع و الخامس بسرعة جدا بس الفتيس و الدبرياج ناعمين جدا -

ارجو التوضيح بشكل اكتر

وشكرا لكم