اللوجان اتخبطت والحمدلله

**mostafabakry** · 02-12-2011 06:14 PM

الحمدلله قدر الله و ما شاء فعل
من حوالي ٢٠ يوم عملت حادث بالعربية كنت راجع من مشوار باليل و دخلت في حواجز علي الطريق صدادات و يراميل مليانة دبش و خرسانه مكنتش شايفها و كانت في مكان ضلمة و للاسف مكتش منور النور العالي و علي ما شفتها ملحقتش اقف لاني كنت ماشي تقريبا علي سرع. ١٠٠ كم ااو يمكن اكتر
طبعا انا غمضت عيني و دوست فرامل بكل قوتي و ما حسيتش غير باصوات خبط و رزع و لما العربية وقفت فوجئت ان الزجاج سليم و الايرباج مافتحش بالرغم من اني كنت شادد حزام الامان
بس لقيت العربية لسه دايرة و لكن الموتور بيرجرج جامد و لقيت فرامل اليد مشدودة مع اني مش فاكر اني شديتهاو انا بفرمل
بطلت الموتور بسرعة و الناس اتلمت حواليا و الحمدلله كنت سليم تماما
نزلت وانا متوقع ان العربية مدمرة من الوش لكني فوجئت ان الكبوت سليم و الفوانيس سليمة بس الاكصدام مخلوع من مكانه و مقطوع من تحت في الناحية اليمين و خبطة بسيطة في الرفرف اليمين و العربية الحمدلله ما انحرفتش خالص من مسارها
حاولت ادور الموتور تاني بس نفس المشكلة المتور بيرجرج جامد
فتحت الكبوت ابص اشوف فيه ايه لقيت الركبة اللي نازله من فردة سلاح الشاسية اليمين معووجة و معصورة جامد و رايحة ناحية طنابير الموتور و الدينامو و التكييف

طبعا اللي حصل ان حجر من الحجارة اللي تحت البراميل للاسف دخل تحت العربية و لحقها من تحت و قام يالواجب و زساذة و انا اللي فرحت و قلت بسيطة

اتصلت علي عربية نقل عشان تيجي تشدني لان المةتور مش هيدور و تاني يوم الصبح طلعت علي مركز الخدمة المعتمد عندنا في الاقصر و بعد المعاينه المبدئية قالوا ان القنطرة هتحتاج تتغير و الكلاستر بتاع البنزين و احتمال نفك الموتور من الحوض عشان نعرف نستعدل الركبة المعصورة دي و نستعدل شاسية العربية لو فيه عوجه من الخبطة
القنطرة ب ١٥٥٠ + ٤٥٠ كلاستر + ٦٠٠ حل الموتور و تركييه + ١٥٠٠ سمكرة و دوكو
انا قلت الحمدلله و ووافقت
بداوا شغل في العربية و الحمدلله محتاجوش لفك الموتور و اشتغلوها علي كدا بس استعدال الركبه مكنش سهل خالص بسبب ان الخبطة جامدة جدا في العربية من تحت
المهم خلصوا تظبيط و سمكرة و خلاص هيقفلوا العربية
فوجئت بيهم ان العربية هتحتاج كباس تكييف لانه مخبوط و فيه عوجه في العمود اللي فيه طمبورة التكييف و الطمبورة فيها رفه و فيها قفشة
طبعا الكباس الجديد سعره ٣٨٥٠ بالضريبة و مش عارف اعمل ايه دلوقتي
هل ممكن الغي التكييف حاليا لاننا في الشتا و مش محتاجة و ادور العربية و بعدين احاول الاقي صرفه و اصلح الكباس دا لو ممكن
الناس في التوكيل بيقولوا لازم الكباس لان السير لازم يركب علي طمبورة التكييف و الدينامو
هل حد اتعرض لموقف زي دا ممكن يقولي اعمل ايه لاني مش عارف اتصرف ازااي

يا ريت نصايحكم يا رجاله

رينا يحفظكم جميعا

**mabdelaziz** · 02-12-2011 06:31 PM

ربنا معاك ويحفظك انت والعربية من كل شر
إن شاء الله حد يرد عليك فى الموضوع بتاع الكباس ده

**abd_elhalim85** · 02-12-2011 07:08 PM

قدر الله وما شاء فعل، الحمد لله على سلامتك اهم حاجة
للأسف مش هعرف افيدك

**ahmedsrs** · 02-12-2011 07:22 PM

اتفاوض معاهم وقلهم انك هتجيب لهم كباس استعمال لانك مش عامل حسابك دلوقتى وعشان الشغل يمشى

**tameraast** · 02-12-2011 07:23 PM

ممكن يكون عايز يتصلح التوكيل بيغير

فكر تروح عند بتاع تكيفات صنايعى

**wassim_nasser** · 02-12-2011 07:34 PM

حمدلله علي سلامتك و ان شاء الله خير وربنا يحلها

**lord777** · 02-12-2011 08:37 PM

شوف سير اقصر و اجل التكييف شويه خد مقاس السير وشوف عرضه كام اما الطول حاول تاخده مضبوط وشوف فيه رجلاش و لا لا علشان لو طلع السير الجديد طويل او قصير
وربنا يعوض عليك

**a_nbm** · 02-12-2011 09:48 PM

الف حمدا لله على سلامتك وان شاء الله لوجي ترجع زي الاول واحسن

**nodey** · 02-12-2011 10:13 PM

حمدا لله علي سلامتك اخي
طبعا احنا في مصر النحروسة المفروض الشركة اللي بتعمل شغل علي الطريق نلزمة بوضع اشارات تحزرية وانوار
لكن نقول ايه استهتار ولو ده حصل بدولة من اوربا كان زملن الشركة بعد رفع قضية تعويض عليهم بيتحايلو عليك يجبلوك واحدة زيرو وتتنازل لكن هنقول ايه عممممممممممممممممممممما يا مصر يا مبهدله ولداك
شوف حضرتك بالنسبة للمكيف لازم السير يمر عليه عشان تقسيمته كدا وتقريبا ثابته في كل الرينو

-

الموضوع: اللوجان اتخبطت والحمدلله

LinkBack

أدوات الموضوع

عرض

اللوجان اتخبطت والحمدلله - انشر الموضوع فى :

-

-

-

المواضيع المتشابهه

الفيكترا بتتحسد والحمدلله

الحقونى يارجاله اللوجان عربيتى اتخبطت

اللوجان اتخبطت وهية واقفة ومحتاج رايكم ياوحوش

اخيرا والحمدلله تم حل مشكلتي مع العربية

التكييف اتظبط والحمدلله

الكلمات الدلالية لهذا الموضوع

المفضلات

المفضلات

ضوابط المشاركة