الموضوع: الفرامل

مساء الفل يا رجاله ..
رجوع بعد غيبه طويله... وحشتوني جدا
موضع بايخ جدا بس محتاج رايكم فيه لأني انا المهندس بصراحه تعبت من اللف و الدوران حولين المشكله و مش راضيا تظهر منين ..؟!
الموضوع اننا عندي رعشه جمدا جدا مع الفرامل (بس)... طبعا الكل حيقولي ببساطه الطنابير ..!
الصنايعيه عندي في المركز يقولولي ممكن علبة الدركسيون (بس انا مش شايف من الناحيه العلميه و المنطقيه ان علبة الدركسيون تبقى المشكله لأن ببسطه الرعشه مع الفرامل بس - و ممكن تجري لحد 240 كيلو في الساعه بدون زنه ! مش رعشه)
ترفع العربيه جنب يمين او شمال تحس ان في ريجه في الطنبوره مش طوليه (عرضيه) يعني تحس انها مقفعه... جميل
غيرت 9 اطقم طنابير - ما هو ببلاش بأه - و مش راضيه تظبط و مع العلم غيرت كل الأنواع اللي بشتغل منها للزباين (طبعا انا على علم ان معظم الطنابيراللي في سوق مضروبه و بتنزل مقفعه من الكرتونه لأني مش بشتري واحده و لا اتنين دا اقل حاجه من 50 ل 100 حته في الشهر) و دي مشكله قابلتني مع اتنين - تلاته بس من الزباين - فيكترا ايه مره و اتنين فيكترا بيه..
لدرجة انني بعت طنابير عند الخراط علشان يقيسهم يمكن يبأه فيها اي حاجه ؟...فيها بس بسيط اوي ما تعملش الرعشه الجامده دي و حتى لو فيها نسبة تقفيع حتزيد مع الوقت يعني اول ما تركبها مع الاستخدام تبدأ تزيد الرعشه معاك لحد ما تبأه جامده .. صح
لأ دي من أول ما تركبها حتى لو لسه من الكارتونه او لسه ممسوسه من عند الخراط ترعش نفس الرعشه القديمه - مع العلم طقم التيل بيتغير مع كل طقم طنابير - ماهو بردوا ببلاش ....
حد يفتيني في الهم اللي انا فيه