لما باخد مطب بال a5

**alawizo** · 03-12-2011 03:09 PM

بقالي كم يوم كده لما باخد مطب (بجرب يعني) علي سرعه بسمع صوت خشونه وتزييق قدام ... قدام بس لما العربيه تطلع علي مطب رخم و بتنزل .. وتحديدا لما بتكون لسه بارده تمام كده ؟؟

انا مركب جنط 16 و بقاله فتره .. أيه الكلام بقي ؟؟

وكنت عايز أعرف سعر الكوبلن الداخلي و الخارجي وأيه الفرق بينهم

شكرا مقدما...

**Ahmed.Fahmy** · 04-12-2011 04:48 AM

انا عندى التزييق ووديت العربية التوكيل وماكانش فيها حاجة
لو بتفرمل وانت على المطب يبقى صوت الفرامل ودا دليل على ان الفرامل تمام
لو طول الوقت يبقى شوية جلب وكاويتشات شحمها فى البنزينة

**alawizo** · 04-12-2011 03:01 PM

هو الصوت علطول لأني بحضر فرامل قبل المطب مش بدوس وأنا عليه

أنا انشاء الله هروح أعملها صيانه .. وهقول ايه السبب

وشكرا لأهتمامك يا أحمد

**Astra200** · 04-12-2011 08:07 PM

المشاركة الأصلية كتبت بواسطة alawizo

بقالي كم يوم كده لما باخد مطب (بجرب يعني) علي سرعه بسمع صوت خشونه وتزييق قدام ... قدام بس لما العربيه تطلع علي مطب رخم و بتنزل .. وتحديدا لما بتكون لسه بارده تمام كده ؟؟

انا مركب جنط 16 و بقاله فتره .. أيه الكلام بقي ؟؟

وكنت عايز أعرف سعر الكوبلن الداخلي و الخارجي وأيه الفرق بينهم

شكرا مقدما...

الكوبلن الداخلي جبته أصلي من ابو الحسن ب 1650 جنيه --- كان ناقص في التوكيل
الخارجي الأصلي ب 2200 -- وفي نوع ألماني ب 500 جنيه ( لو حد جربه يقولنا)
الأسعار للفردة الواحدة
مش فاهم تقصد ايه بالفرق بينهم --- الداخلي حاجة والخارجي حاجة تانية
الداخلي بيطلع من الفتيس وبيوصل ببارة للخارجي

الخارجي بيطلع من العجلة للبارة الواصلة للداخلي وده ممكن تشوفه لما تجيب العجل يمين أو شمال وتقدر تعرف اذا كانت كوتشة الكوبلن سليمة ولا لأ وهي غالبا سبب يوظان الكوبلن لما بتتقطع و ما تاخدش بالك

روح الكوبلن هو الشحم وده بتحميه الكوتشة

تعرف ان الكوبلن الداخلي بايظ لما تحس برجة في العربية من قدام علي سرعة معينة

الكوبلن الخارجي يعمل طقطقة في الملفات و خاصة لما بتطلع بالعربية