الموضوع: هي اللوجان فيها مرايات ............ حراري ؟؟؟؟

لسلام عليكم اخواتي اعضاء المنتدي الكرام

اللوجان بقالها معايا دلوقت ماشاء الله فوق السنة ونصف وعامل بيها 30000 كيلو

بس اكتشفت امبارح ان انا لسة معرفهاش تخيلوا

طبعا انتم عارفين ان اسكندرية عندنا غرقانة بقالها 3 ايام واكتر والشتا مابيبطلش 24 ساعة

وانا مشكلتي اني مركب ستاير كبس مع المية كمان مقولقوش زيطة مش شايف اي حاجة في ظهري واللي زاد كمان ان لما ببقي ماشي في الشتا المرايات بتاعة الجنب بتغرق مية يعني بقيت لا مرايه في النص ولا الجناب وبقيت ماشي بطوح في الشارع ولا اجدعها مسطول في البلد - فالحل اني كنت كل شوية اركن انزل امسح المرايتين عشان اعرف امشي (والله يا جدعان انا بقالي 19 سنة بسوق بس المرايتين بتوع الجنب دول بالنسبالي حياتي)

المهم امبارح كانت الشتواية جامد حبتين وانا كنت في مشوار طويل وقافل تقريبا الازاز كلة فالازاز اللي ورا شبر جامد والمرايات طبعا باظت وانا معتدش شايف اي حاجة ومش عارف حتي انزل من العربية عشان امسح المرايات - هو ان جيتوا للحق ولا حتي اطلع ايدي بره الازاز اللي ناحيتي عشان امسح مرايتي الجزء اللي حيطلع حيدخل تاني غرقان من الشتا

المهم انا قلت نص العمي ولا العمي كلة اشغل السخان حتي يشيل شوية الشبوره اللي اتجمعوا ورا اديني اشوف انوار العربيات اللي جاية في ظهري وفعلا السخان فتحلي المستطيل اللي بيفتحة في الشبوره بعد شوية

بس الغريب العجيب اني لقيت ان مرايات الجنب هما كمان نشفوا ومعلهمش مية - اشي خيال يا ناس - وبطلع ايدي من الشباك عشان مش مصدق عيني لقيت المرايا سخنه وبتلسع كمان ؟؟؟؟؟؟؟؟؟

ايه دا هو المرايات دي حراري ؟؟؟؟؟؟؟ اه تخيلوا والله مكنت اعرف يعني العربية بقالها معايا فوق السنة ونص ولسة بكتشف فيها دا جنان دا ولا ايه - بس عاملي صايع ووبتفهم في كل مسمار فيها وقريت الكتالوج (مش كلة يعني - لانهم اكيد كاتبين الكلام دا في الكتالوج بس تقريبا موصلتش لصفحة المرايات)

المهم يا شباب المرايات طلعت حراري وبتنشف المية لوحدها وبجد الموضوع دا حل عندي مشكلة جامدة جدا والحمد لله - ودي ميزة تضاف الي اللوجي يعني اير باج ومرايات حراري ربنا يباركلنا في اللوجي امين يا رب :b4_388: