عايز دكتور علاج طبيعي معرفة

**Karim_Monir** · 05-12-2011 11:55 AM

السلام عليكم ورحمه الله
من كام سنة يجي 7 سنين كان بيجلي تيبس في عضلات الضهر بسبب كتر الشغل عالكمبيوتر وقلة الرياضة
وكنت عملت علاج طبيعي في كذا مركز ابتداء من النزهة الدولي مرورا ب عبد العزيز علما وانتهاء بدكتور ابراهيم البنداري اللي في وش سينما روكسي
والمفروض دول من افضل مراكز العلاج الطبيعي في مصر
المشكلة كنت اعمل الجلسة واخرج اسوق ساعة ولا ساعة ونص ده اكبر غلط
عايز دكتور او اخصائي طب رياضي يعمل جلسات علاج طبيعي في البيت
لان في الشهور اللي فاتت افتريت على عضلات ضهري شويتين ووقفت الرياضة تماما
مابقتش انزل البسين نهائي ولا حتى لعبتي المفضلة كرة السرعة
حتى البحر الصيف ده مافتكرش اني نزلته غير مرة مع الاطفال
وكمان بقيت اقف ساعات كتير في الشارع غير القعدة على الكمبيوتر بالساعات
هل ممكن الاقي طلبي ده
عايز متخصص يعمل جلسات منزليه لانها بتضمن كمدات الشمع الساخن وطبعا انزل بعدها الشارع في السقعة دي يبقي ولا كاني عملت اي جلسات
وطبعا يا ريت مايكونش سفاح لاني بسمع ارقام خزعبلية تخليني اجي على نفسي واروح المركز خاصة انها بتكون متغطية ضمن التامين الطبي بتاعي
شكرا مقدما

**Hacker5** · 05-12-2011 12:16 PM

شكلك كنت بتقرص على عضلات ضهرك يا استاذ كريم
جالك قبل كدة اصابة فى الضهر ؟
ربنا يشفيك يا رب

**kar!m** · 05-12-2011 12:19 PM

المشاركة الأصلية كتبت بواسطة masterzmind

بص يا باشا انا لما جالى رباط صليبى ربنا يعفينا كان فى دكتور شاب وكان بيجلى لحد البيت وبس المشكلة انى ساكن فى الهرم والدكتوركان جنبى اما انت فى جسر السويس فى صعب اووووى يجيلك ..... بس الى اعرفة لو عاوز مركز علاج طبيعى كويس د\ علاء المقدم ودة اشهر دكتور علاج طبيعى ودة فى الجيزه فى عمارة الى فيها البنك تحت الكوبرى وانت جاى من الهرم وانا هسأل الدكتور الى كان بيجلى البين لو يقدر يروووح ليك

أنا أعرف دكتور فى الهرم عنده مركز اسمه مركز الجزيرة للعلاج الطبيعى .. هو ده اللى قصدك عليه؟

دكتور أحمد يحيى.

**Karim_Monir** · 05-12-2011 02:55 PM

هرم ايه يا جماعة
انا كنت بروح روكسي وعباس العقاد بستبعدهم عشان بسوق ساعة وانا راجع لاخر جسر السويس
اروح الهررررررم
خللي ضهري تعبان احسن
لا يا ادهم ده شد عام وتيبس من قلة الرياضة

**A.Saad** · 05-12-2011 06:03 PM

فيه دكتور هاكلمه واقولك

**SHNORY** · 06-12-2011 10:33 AM

وتروح بره ليه
عندنا هنا دكتور مصطفي سعداوي ودكتور محمد البربري
مصدفي سعداوي قابلته في مقابله الرجاب زمان
ومحمد البربري كان معانا في عيد ميلاد المنتدي في افريكانا
وعموما انا عندي لسه ازازه الزيت اياه يا كيمو لو محتاج مساعده سريعه
ههههههههههههههههههههههههه ههههههههههههههههههههههههه ههههههههه

**Karim_Monir** · 07-12-2011 10:14 AM

شكرا جزيلا لمساعدتكم ودعواتكم
زشكر خاص لاحمد سعد
وامس بدات اول جلسات العلاج الطبيعي فعلا
وشنوري بقي
منك لله يا بعيد :-)

**SHNORY** · 07-12-2011 01:41 PM

المشاركة الأصلية كتبت بواسطة karim_monir

شكرا جزيلا لمساعدتكم ودعواتكم
زشكر خاص لاحمد سعد
وامس بدات اول جلسات العلاج الطبيعي فعلا
وشنوري بقي
منك لله يا بعيد :-)

وانا مالي ياعم
هو انا جيت جنبك ؟؟
علي فكره انا بطاريتي ضربت ومارشي باظ وتليفوني اتكسر وكمبيوتر البيت باظ كل ده في يومين
وانا غلبان ومتنيل وبتحسد
امال واحد مليونير زيك موقعه تمنه داخل في جوز ارانب يحصله ايه
قول الحمد لله يا عم بدل ما انت عمال تنغز فيا كده

الموضوع: عايز دكتور علاج طبيعي معرفة

LinkBack

أدوات الموضوع

عرض

عايز دكتور علاج طبيعي معرفة - انشر الموضوع فى :

-

-

-

-

-

-

-

المواضيع المتشابهه

عايز اعرف ؟ ده طبيعي في الدايو ولا لأ

عايز احول عربيتي لغاز طبيعي --ينفع

عايز علاج لكة العربية برة ولا فى التوكيل

الكلمات الدلالية لهذا الموضوع

المفضلات

المفضلات

ضوابط المشاركة