الموضوع: صيانة ال 5000

حبيت أنقل مشاركتى و إنطباعى عن مركز صيانة القطاميه
المركز محترم و فيه إهتمام زى الساعة
مش زى منصور بيه بتاع شيفورليه اللى كل واحد موظف فيه واخد ألم فى نفسه

إلا ما رحم ربى
المهم المهندس عملى أمر الشغل ووجهنى للإستراحه
طلعت فوق لاقيت شبال على ورشة الصيانة مباشرة و عربيتى بتتعمل أدام عينى
الله يرحمك يا منصور كنت بتذل أبونا علشان نشوف كاوتش العربيه بس
الله لا يعدها أيام
الناس رفعت العربيه و إتأكدوا من طربيط مسمار مسمار فى العفشة و فكوا البوابه و نظفوهالى و عملولى عازل الدواسه اللى أثلا ماكنتش محتاجه و ده ادانى انطباع عن انهم مش بينفضوا لكلامك
بل بالعكس بيهتموا بكل التفاصيل
إستنيت حوالى 3 ساعات و بعد ماإستلمت العربيه راح مهندس الإستقبال واخدنى من إيدى و إدانى طقم دواسات مخصوص للوجان عليه شعارها أصلى و بولندى الصنع و الله سعره ما يقلش عن 250 جنيه هديه مع كل صيانة 5000 لأول مره فقط
شكرته و كنت مبسوط جدا من المعامله و انا فعلا إقتنعت إن مركز القطاميه فعلا مركز محترم زى ما الإخوه هنا قالوا عليه