السادة خبراء المنتدي طلب بسيط من حضراتكم

**emeryaly** · 11-12-2011 09:04 AM

برجاء الافادة بإخر و احدث ( السعر الحالي في شهر 12 عام 2011 ) و الخاص بالسياره هيونداي اتوس 99 و 2000 ( تكييف + باور ) احترام و التقدير
و برجاء الافادة عن مدي توافر قطع الغيار و مستوي اسعارها

**HOSSAM99** · 11-12-2011 09:34 AM

هو بالنسبه للتسعير صعب شويه علشان العربيه نادره و ده بيخلي سعرها فيه تفاوت رهيب
علي العموم هي تقديريا لو العربيه تكييف و باور و شغالين و العربيه نضيفه و مش محتاجه مصاريف ممكن تعمل من 25 إلي 27
و في الأول و الاخر كل عربيه و لها حالتها

أما قطع الغيار كميكانيكا موجوده لكن أكسسوار خارجي و داخلي ممكن يكون صعب شويه

و يا ريت حضرتك تقول لنا هو حضرتك هاتشتريها و لا هاتبعها
لو هاتشتريها في خيارات أفضل بكثير و ممكن نزود شويه و الإختيار يبقي أوسع و نقدر نساعد

**emeryaly** · 12-12-2011 07:43 AM

في البداية لابد ان ابدي اعجابي الشيد بنظام المنتدي و اخص بالشكر العضو HOSSAM99 الذي تفضل مشكور بالردة الكريم علي استفساري و نسال الله له دوام الصحة و العافية
اما بخصوص السيارة فإنني ارغب في شراء سيارة اما بخصوص امكانية زيادة المبلغ فهذا صعب جدا .
اما بخصوص رغبتي في شراء هذة السيارة . فهو رغبتي في أقتناء سيارة فى حدود المبلغ المتاح و يكون فيها تكييف و باور و تكون ذات شكل حديث و تبلوه تصميم حديث ( بخلاف تبلوه 28 ) كما ان استخدامتي مقتصره داخل المدينة و لايوجد اي دواعي لسفر فاقصي مسافة متوقع قطعها هي بحد اقصي 50 ك خارج المدينة و ستكون بصورة نادرة لا تتجاوز مرتين في السنة .
فهل اختياري موفق في حدو المبلغ و الاستخدام و كذلك المظهر اما يوجد اختيارات اخري متاح من حضراتكم
ولكم مني جزيل الشكر و خالص الاعجاب

**HOSSAM99** · 12-12-2011 08:53 AM

العفو يا فندم و كلنا أخوه و زملا لا داعي للشكر
لكن حضرتك ما قلتش حدود المبلغ كام يعني أقصي شئ مع مراعاة إن أي مستعمل في الدنيا لازم له صيانه و مصاريف بعد الشراء (في الغالب)
و إن شاء الله يكون فيه خيارات أفضل
و مؤقتا ممكن هيونداي إكسيل هاتشباك
كيا برايد هاتشباك (الارجح)
فيات بونتو
سوزوكي سويفت
و رينج الأسعار هاتكون بين 25 إلي 32 ألف

بالتوفيق

**emeryaly** · 13-12-2011 01:42 PM

السيد العضو HOSSAM99 شكرا للاهتمام
ويؤسفني ان ابلغك ان اقصي مبلغ متاح حاليا هو 26000 ولا يوجد مجال للزيادة
فهل هناك منافس لمواصفات الاتوس في حدود هذا المبلغ ؟؟؟؟

**emeryaly** · 13-12-2011 02:12 PM

السيد الزميل HOSSAM99
كل ما ارغب به هو سياره صغير 4 باب بها تكييف وباور وذات شكل عصري و يسهل بيعها في حدود المبلغ المتاح
فهل يوجد سيارة اخري بخلاف Atos لها نفس المواصفات او احسن في حدود المبلغ المتاح .
وما هو تقييم لسارة Atos وما هي تحفظاتك علي السيارة . ؟؟؟؟

**emeryaly** · 18-12-2011 03:12 PM

السيد الزميل HOSSAM99
نسال الله ان تكون في احس حالة . فانا في انتظار ردك من اسبوع

**HOSSAM99** · 18-12-2011 07:26 PM

أرشح لحضرتك بقوه كيا برايد هاتشباك
و تليها الفيات بونتو
و يا ريت حضرتك تلغي فكرة الأتوس علشان هاتبقي متعبه شويتين في الشرا و الصيانه و البيع
و أنا أسف جدا علي التأخير و بالتوفيق بعون الله