الموضوع: قطع غيار الاوكتافيا a5

ياريت الاخوه اعضاء ومالكي الاوكتافيا نعمل زي فهرس لاسعار قطع الغيار سواء من ارتوك او اي مركز معتمد وياريت الاسعار للقطع الاصليه
يعني انا مثلا اتعرضت لموقف من حوالي اربع شهور بعد ما وصلت اسكندريه وانا من سوهاج وبالظبط عند بوابه الكيلو 21 العربيه قطعت وحلفت راس ابوها ما تدور عرفت انها طرمبه بنزين فجبت صنايعي وفك ورحت جبتها وهنا كانت المشكله
ان في نوعين نوح بيقول انو اصلي ونوع صيني الاصلي 750 الماني ومدموغ بالصنه والعلامات الشهيره للمركات اودي وفولكس
والتانيه الصيني ب400
فانا جبت الالماني طبعا والحمد لله العربيه بقت زي الاكس
نيجي للكارثه ان العربيه وقفت بيها وانا راجع من شغلي امبارح علي كوبري عالنيل عندنا وافرجه كانت عليا ببلاش والتريقه للركب وجالي البتش باجي بتاع المرور وقطرني وانا في قمه احراجي علما ان العربيه فاخمه نوعا ما وعطلانه
روحت عشان اجيب طرمبه لقيت برده نوعين الالماني 500 جنيه والصيني ب90 فانا اساسي جبت الالماني بس يصراحه شاكك فيها برده لان اللي جبتها قبل كده مكملتش اربع شهور وب750
فعشان كده نفسي يبقي فيه كده زي فهرس للقطع الغيار ومرجع للكل يستفاد بيه وانا هبتدي بالنسبه للحاجه اللي اشترتها قبل كده
طرمبه بنزين ------ 495 الماني
------- 95 صيني وفيه نوع 175
ومره من 3 شهور --- 750
تيل امامي----------385 الماني
طقم كاتينه ---------575 الماني
سير دينمو --------- 60
فلتر هواء --------- 150
فلتر زيت ----------70
فلتر بنزين --------- 110
فلتر تكييف ---------175
زيت فتيس --------- 250 للتر×4 =1000
بليه دينمو --------- 80
كفه المرايا -------- 90 , 190
غماز المرايا ------- 120 , 200
بوجيهات 3 شمعه --- 175
طنابير اماميه ------ 750 الماني
قربه ردياتير ------ 70
مياه ردياتير اصليه --- 60 للتر
طاسه اصليه ------- 120
دي طبعا الاجزاء اللي غيرتها في العربيه بعد ما كملت 150 الف في العداد بخلاف طرمبه البنزين مع العلم العربيه انا تاني يد
وياريت الفائده تعم علي اخواني بالمنتدي
واسف عالاطاله

لو حد يعرف من الاخوه الاعضاء
سهر الكوبلن يعمل كام الخارجي والداخلي