الموضوع: صيانه العشرين الف....... على ايدي

الحمد لله ..

انهارده خلصت صيانه العشرين الف على ايدي

البدايه كانت اني فكرت انو حرام ادفع 850 في الصيانه حسيت انو استهبال وسرقه

فقررت اعملها انا مع اني عارف اني ممكن اطلع من الضمان لو اتعرف

المهم التفاصيل اني غير زيت توتال الكئيب بتاعهم وحطيت زيت كاسترول ايدج والحمد لله صوت العربيه هدي نسبيا وطبعا غيرت فلتر زيت كمان

واشتريت بوجيهات رحت اركبها الكهربائي قالي انتا مش محتاج تغيرهم دلوقتي هما كويسين طلاما مبحسش تاخير في الدواره ولا تنتيش وما الى ذلك

فلتر الهوا طلعتو ونضفتو كويس ولقيت انو نضيف ومغيرتهوش كمان

رحت ربط عفشه وزبط وزوايا عندنا ف بنزينه محترمه...

المهم الاسعار كانت كالتالي

الزيت كاسترول ايدج 10000 كم ب 270

فلتر زيت 35 اصلي

فلتر هوا اصلي 30 جنيه

بوجيهات اصلي 80 جنيه

تربيط عفشه وتزبيط زوايا 30 جنيه (غالي عشان المحطه كانت متطوره شويه)

طبعا مفيش غير مصنعيه تغيير الزيت 5 جنيه

وشكرا على كده

اجمالي 340 جنيه (طبعا من غير بوجيهات ولا فلتر هوا لاني مغيرتهمش)

لو في حاجه ناقصه ياريت تقوليلي عليها....

يا ريت تتابعونا باداء العربيه بعد الصيانه دي عشان نكون عارفين عن تجربه عمليه النتيجه و خصوصا انكم غيرتوا الزيت المستخدم

شكرا مقدما