كوريك اللوجان

**samehbakr** · 15-12-2011 12:16 PM

ياجماعة دة أول طلب لية ياريت طريقة تثبيت الكوريك بالصور لاني ركبتة الصاجة اللب بارزة برة و ربط الصامولة البلاستيك وفية حاجة كدة حديد شكل علامة الاستفهام مش عارف بتركب فين الموضوع دة عملي دوشة في دماغي وعامل زنة رخمة جدا

**hesham_tawfiq** · 15-12-2011 01:23 PM

الحاجه الى زى علامة الاستفهام دى الى بتقطر العربيه منها لو لاقدر الله احتجت ترفعها على ونش وبتتركب يا اما فى الاكصدام الامامى او الخلفى ( ليه مكان مخصوص ) يعنى مالهاش علاقه بالكوريك خالص
اما بالنسبه لتثبيت الكوريك نفسه فنصيحه انك تريح نفسك وتجيب كوريك هايدروليك 2 طن وتريح نفسك لانه اسهل فالاستخدام واريح

**samehbakr** · 15-12-2011 02:23 PM

مش قصدي الشداد اللي بنقطر بية دي كانت راكبة في الكوريك

**ahfares** · 15-12-2011 02:29 PM

دخلها فى المسمار اللى بيربط الكوريك قبل ما تربط الصامولا

**Moustafa.yonis** · 15-12-2011 03:26 PM

فعلا فكك من الكوريك ده

وهات لك واحد تمساح

هيسعفك جدا

التاني شلل بجد ومرهق ومتعب ورخم

ولازم في الاول تغسله بجاز علشان عليه شحم بيخلي البتاع يفوت وسخيف جدا

والبواب لما جه يساعدني بوظ الدنيا ، بدل ما يحط الكوريك علي العصب بتاع العربية حطه علي الصاح
الصاج انتني طبعا

كله نصحني باني اجيب كوريك التمساح

**amriar** · 15-12-2011 04:02 PM

طاب و بكام الكوريك الهديروليك دا و اجيبه منين ؟؟؟

**akerima** · 15-12-2011 04:40 PM

بص يا كبير علامة الاستفهام دي اللي بتشيل بيها الطاسات ودي بتركب في المسمار اللي بتربط بية الكوريك الاول حتعلقة في الصاجة اللي بارزة وتحط جواه علامة الاستفهام وبعدين تربط الصامولة علي الاتنين هي رخمة شوية بس باذن الله حتلاقيها سهلة بعد ما تفهم فكرتها

**a_nbm** · 15-12-2011 04:57 PM

وفية حاجة كدة حديد شكل علامة الاستفهام مش عارف بتركب فين ديه عشان تفك بيها الطاسه البلاستك الموجوده ع العجل
وكمان علشان تدخلها فى المسمار اللى بيربط الكوريك قبل ما تربط الصامولا لتثبيته مره اخرى داخل شنطه اللوجان بعد الانتهاء من تغيير العجل

اما ازاي تستخدم الكوريك ...ف ده معمول على هيئه صور على الكوريك نفسه ومكتوب عليه كمان
بس انا هقولك برضه
1- تقوم بوضع السياره على الغيار الاول مع شد فرامل اليد (ولو تحجرها بطوب يكون افضل) وده عشان السياره لا تتحرك عند الرفع
2- تقوم بفك الطاسه
3- تقوم بتهويه الصواميل العجله شويه
4- تقوم بوضع الكوريك تحت السياره عند العصب الحديد (المكان البارز من جسم السياره الى اسفل -- زي حد السكين كده ) بحيث يتم تثبيت هذا الحد داخل المجرى (الشق) الموجود في رأس الكوريك
(لاحظ جيدا لا تستخدم الكوريك للرفع من منتصف السياره)
(الرفع دائما يكون من خلف العجله الاماميه او من امام العجله الخلفيه وهناك شق صغير في الحد البارز يوضح ذلك)
5- فك العجله
6- غير ب الاستبن
7- اربط الصواميل (ربط عادي لحد الاخر)
8- نزل العربيه من ع الكوريك
9- اربط الصواميل جامد (قرط عليهم)
10- انطلق في حفظ الله

**amriar** · 17-12-2011 03:34 AM

المشاركة الأصلية كتبت بواسطة akerima

بص يا كبير علامة الاستفهام دي اللي بتشيل بيها الطاسات ودي بتركب في المسمار اللي بتربط بية الكوريك الاول حتعلقة في الصاجة اللي بارزة وتحط جواه علامة الاستفهام وبعدين تربط الصامولة علي الاتنين هي رخمة شوية بس باذن الله حتلاقيها سهلة بعد ما تفهم فكرتها

أنا مش فاهم اي حاجه يا زعيم .. علامه ايه و طاسات ازاي و اربطها فين .. واحده واحده علي اخوكم .. الشرح لحكايه علامه الاسنفهام دي لاحسن انا اللي عندى مليون علامه استفهام ..

انا جربته قبل كدا و ما ركبتش حاجه في حاجه بس كان ممل يعني .. ارجو الشرح براحه

**wael30003** · 17-12-2011 09:14 AM

انتوا خلتونى اجرب الكوريك وانا جنب البيت لاحسن ازنق ومعرفش اغير حاجة

الموضوع: كوريك اللوجان

LinkBack

أدوات الموضوع

عرض

-

-

المواضيع المتشابهه

كوريك اللوجان

كوريك الألنترا

كوريك الالنترا

كوريك الالنتر

كوريك

الكلمات الدلالية لهذا الموضوع

المفضلات

المفضلات

ضوابط المشاركة