الموضوع: انا جبت فيات 132 امبارح عايز مساعدة مهمة اوى

اة بيركب عليها تابلوة الام 40 اللى هى الاى 30 316
بس مش عارف بيركب ازاى ولا بيتعدل ازاى ولا امبير العداد بيركب ازاى
انا كنت شوفت واحد مركب التابلوة وسالتة بس معرفتش منة التفاصيل كاملة
شوف الموضوع دة ::: عايز تابلوة 316 الاقية فين
اهة العربية اللى كان فيها التابلوة ::








عربية تانية ::: بشكل ولون مختلف







بس اوعــــــــــــــــــــــ ـــــــــــــــــــــى تحط الجنط ال 17 دة حيدمرلك العفشة دمار شامل ويكرهك فى العربية

شايل الاكصدامات وعتب وشوية تنفيخ تقريبا والمرايات

الاهم من ده كله ميزانيتك اد ايه يا باشا

كله بتمنه

وبخصوص التابلوه منصحكش تجيب بتاع البى ام هات بتاعها بتاع ال 2000 شكله اشيك وحيركب من غير تعديلات

المشاركة الأصلية كتبت بواسطة nader12361

الميزانية عنب بس المشكلة فى الفلوس المشكلة انا عايز اعرف الحاجات اية الى ممكن اعملها علشان مرحش الحرفيين واتنفخ فا كنت عايز اعرف الدنيا منها واروح عارف الدنيا وبالنسبة للتابلوة لو هاجيب بتاعها ما هو فيها يبقى ملوش لازمة التغيير

انت شوفت تابلوه ال 2000 ؟؟؟؟؟؟؟ هو مش نفس شكل بتاعها هو تحس انه زى بتاع الشاهين مش بتاعها بتاع السبعينات
هى لو حاله الدوكو من بره وحشه ترشها وش نضافه ميتايك افضل اللون زى اللى فى الصوره فوق او اسود مط حيبقى تحفه عليها

وتغير الجنوط تجيب جنط 14 او 15 بس خليك فى ال 14 لو عربيتك مفيهاش باور
مع كاوتش عريض شويه عشان الثبات
وطاره اسبور طبعا مع كراسى سروجى يعملك فرش شببه الريكارو او تغير الكرسين اللى ادام بجوز ريكارو ب 900 او 1000 جنيه تقريبا
او ممكن تجيب كراسى بتاعه لانوس او نوبيرا ب 700 جنيه تقريبا وممن تجرب الكنبه اللى ورا كمان بتركب سعات وكده تبقى غيرت الصالون كله

مع سروجى لونه بيج حيبقى تحفه عليها

وطبعا عندك الفوانيس ممكن تلعب فيها زى منت عاوز زينون بس او زينون وعدسات وتركب فوجات معاها زينون او عادى
والفوانيس اللى ورا تعملها كرستال وليدات حتبقى تحفه

ولو انت من عشاق الديفل هاتلك واحد استيراد اصلى او جديد من عند لطفى اسمع انه فاهم اوى فى الحوار ده

وطبعا لو غاوز صوت حتجيبلك بازوكا مع جى ام حيعملو حوالى 1000 جنيه وممكن مستعمل من هنا فى المنتدى اقل من كده

وممكن تركب سنتر وانزار بالريموت وفتح الشنطه كهربا الحوار ده حيكلفك 500 جنيه لو مفيش عندك سنتر لو عندك سنتر حتوفر 200 جنيه تقريبا

ده اللى فى دماغى دلوقتى بس الكلام اللى انا بقوله ده حيدخل فى 7 الاف بالميت خاااااااالص
ومش حتحتاج حاجه من الحرفين او الوكاله غير جوز الكراسى اللى حتجيبهم لو استعمال

الباقى كله جديد او ممكن تلاقى حاجات هنا بتتباع فى المنتدى استعمال زى الجنوط والزينون والطاره الاسبور حتوفر معاك كتير

بص دى عربيتى وانا اللى معدلها شوف الشغل اللى فيها لو حاجه عجباك ممكن اقولك عملتها ازاى وبكام

http://www.nilemotors.net/Nile/252240-128.html