ينفع أسقط موتور كوردوبا في سويفت 93؟

**Jato.33** · 15-12-2011 11:57 PM

الميكانيكي قالي إنه ينفع أسقط موتور السيات كوردوبا موديل 94 أو 96 الـ 1600 في العربية السويفت .. وبدون تعديل .. بس أنا لما رجعت للعربيتين حسيت فعلاً إنهم متشابهيين جداً في الأبعاد من قدام .. بس ده مش كفاية لازم يكون الحوض زي بعضه .. وإلا يبقى هضطر أعدل .. وبردو عشان أنا جاهل وإنتوا أساتذتنا قولت أسألكوا ؟ ولكم جزيل الشكر

**alzelafy** · 16-12-2011 01:14 AM

اولا الموتور دة مش هيرخص عشان القانون الجديد لازم الموتور المتسقط يكون نقس الماركه للسيارة نفسها ثانيا لو ينفع يتسقط هتعدل فى قواعد اموتور اكيد و حوض السويفت صغير مش كبير يعنى اموضوع رخم و هياخد شغل و قرف و فلوس .... انا راكب ابيزا و طبعا هى الكوردوبا بس من غير شنطه وراكب سويفت بردو مع ابن خالتى و نصيحتى ليكل لو الموتور دة عاجبك هات العربيه كلها الكوردوبا الوقتى بتعمل 30 الف و عربيتك ممكن 27 يعنى فرق 3 الاف بس لكن ركوبه تانيه خالص انتا ممكن تصرف فى التعديل 5 او 6 الاف فى الوقت اللى ممكن تدفع 3 الاف بس فى التغيير و بالتوفيق

**Jato.33** · 18-12-2011 01:52 PM

شكراً يا باشا .. ربنا يكرمك

**zocor742** · 02-01-2012 06:31 PM

انا كنت عند العفشجى بربط عفشة
كان عندة واحدة سويفت حكاية مسقط مكنة سوزوكى 2كامة المكنة شكلها عفية بس بصراحة زاحمة الحوض اوى
ومسقط عفشة طبعا وجنوط اسبور وكراسى ريكارو من الاخر مشقلطها
بس اللى عرفتة بعد كدة انة صاحبة ناس شغالة فى التعديل وعندهم محل فى الاسكندرية اسمة tuning zone لو حد يعرفة وغالبا بتبقى واقفة عندهم

**deltaacademy** · 02-04-2012 03:59 PM

طيب وتعدل لية هيا ليها 4 مكنات بتوعها فية 1300 كربراتير و 1300 انجيكشن 2 كامة وفية 1600 كربراتير و1600 انجيكشن 2 كامة بدل ما توجع دماغك . بس لو ركبت ال 1600 هتغير الوجهتين بتوع العفشة بالكبالن

**xSHEMS** · 14-05-2012 02:30 AM

المشاركة الأصلية كتبت بواسطة deltaacademy

طيب وتعدل لية هيا ليها 4 مكنات بتوعها فية 1300 كربراتير و 1300 انجيكشن 2 كامة وفية 1600 كربراتير و1600 انجيكشن 2 كامة بدل ما توجع دماغك . بس لو ركبت ال 1600 هتغير الوجهتين بتوع العفشة بالكبالن

المكنة ال 1300 2 كامة تلاقيها فين