الموضوع: آخر كلام تيدا هاتشباك ولا ايفو

المشاركة الأصلية كتبت بواسطة formulator

باشمهندس حسين حبيبى.. ازيك يا كبير,

بخير حال يادكتور ....... جزاك الله عني خيرا
ماشاء الله عليك والله ....... حضرتك كيفيك وكيف الاسرة الكريمة ربنا يطمنا عليكم :))

فرق الأداء (فـ الموتور فقط) لصالح التيدا طبعا.. 1.6 DOHC مقابل 1.4 SOHC للبونتو ايفو..
ماتنساش ان دى عربية اقتصادية, City-Car بالأساس..؟!!
لو عايز الموتور الـEquivalent من فيات.. يبقى 1.4 T-JET بـ120 حصان.. مع الأعتذار لأى موتور 1600cc يابانى.. ههههههههههههههه

ولكن الأداء مش موتور بس:
- فرق الفتيس لصالح الأيفو.. Dualogic 5-Speed مقابل أوتو عادى 4-سرعات للتيدا (قديم فحت)..
- فرق الشاسيه برضه للفيات: البونتو ايفو عربية B-segment مبنية على شاسيه B-Segment
لكن التيدا: مبنية على شاسيه B-segment (الميكرا والكليو واللوجان).. بيحاولوا يحشروها فى فئة الـC-segment..؟؟!!!

وده احد اسباب شكلها الخزعبلى, وابعادها الغير متناسقة (Dynamically لسه ماتكلمتش عـ الشكل)..؟!!

- الهاندلينج والثبات: تتفوق الأيفو فـ الجزئية دى, تصميم الـTorsion-Beam مختلف فـ الأثنين, الباور الكهرباء الـDual-drive المشهور بتاع الفيات, والهاندلينج والتحكم المعروفة بيه البونتو + الثباااااااااااات العالى.
آه موتورها متوسط (آخرها 185 كم/س).. لكن لحد التوب-سبيد, مفيش مشاكل, ولا الهوا..

فـ المقابل:
التيدا عليها كومنت معروف: ضعف الثبات فـ السرعات العالية, (جزئيا عشان الشاسيه طبعا)..

الأماااااااااااااان: طبعا 5 نجوم للأيفو.. Euro NCap
لا الـTiida ولا الـVersa موجودة على الـEuro NCap.. بس واخدة 4 نجوم فى الـANCAP والـNHTSA تقريبا..

وعموما.. الأمان والصاج والبودى..معروف لصالح مين..
أصلا نيسان معرفتش يعنى ايه اختبارات أمان (كـ معظم اليابانى) الا لما اتحالفوا مع Renault.. ههههههههههههه

الشكل والـStyle: قد تكون اذواق.. لكن محدش يختلف على شياكة الأيفو.. وخزعبلية شكل التيدا..weird أوى
الأوبشنز: الأيفو تتفوق برضه.. كفاية الـBlue&Me والشيفتات من الطارة, والـCornering Fog واختيارات الـinterior والفميه والليدات والـDRL ومثبت السرعة... etc
لا لا لأ, الأيفو Tank أوبشنز يا برنس.. مفيش مقارنة..

هههههههههههههههههه يعني من الاخر فيات ....... نفسي يجي اليوم اللي نركب العربيات ديه ومنقلقش لا من قطع غيار ولا خلافه
ويبقي التوكيلات بتعامل بني ادمين ...... و ندفع فلوس في حاجة ترضي ربنا
الفيات شيك جددددددددا ماشاء الله عليها والتابلوه بتاعها روووعه
انا كنت بفكر اجيب الجراند بونتو تقريبا كانت 99 الف تقريبا ساعتها ...... بس خوفت اولا من كماليات الكتييييييييير اللي ترعب ديه ههههههه والسيينا بتاعه صاحبي كان بيشوف النجوم في عز الضهر منها ياعيني .
وللأمانة: التيدا تتفوق فـ التوكيل وقطع الغيار.. وكمان وسع العربية من الداخل..

Edit: سؤال صغنن: ليه كل اللى راكبين تيدا هاتش ستات؟؟؟!! مع انها مش عربية Style يعنى ولا ناعمة ولا موفرة فـ البنزين.. ولا حتى ألوانها والأوبشنز زى اى Euro Super-Mini مش هقول البونتو ايفو؟؟!!!!!!

تصدق انا بحب السيدان الي حد ما عن الهاتشباك ..... الهاتشباك بتاعها غريب الشكل من ورا شكلها لا يوحي بالثبات اطلاقا وعاليه اوي
(سؤال بقي ) الB و الC سيجمنت ايه الفرق بينهم ..... بس كده

طيب انت ايه رايك هاينزل حاجات جديده في الفورميلا احمد يستني ولا ايه ظروفه ؟؟