الموضوع: مساعدة في تغيير طقم دبرياج سيينا 1600

يا باشا انا جبته الاصلي من اوماترا جسر السويس وكان في حدود 1100 جنية
والمفروض ان الراجل دة بيفهم.

المشاركة الأصلية كتبت بواسطة gelgel2004

السلام عليكم
عندى طقم اصلى بتاع الفابريكه فكيته عند 70000 كلم فى التوكيل و مطلعش العيب منه
ان كان هيفيدك ..
الموديل سيينا 1400cc - 2004

اشكرك جدا يا باشا على عرضك الكريم بس انا مش فاهم العيب من الطقم ولا هو راكب غلط دة ماكملش 2000 كم .

على فكره اوماترا فيه حجات كتير بتجيبها من الكيلانى او الحرفيين (لاحظ اغلب المواضيع هنا فى المنتدى وانت تتأكد )

يعنى الطقم اللى حضرتك ركبته 90 % من العادى اللى بيتباع فى السوق

عموما كده كدده لازم تفك الفتيس وتشوف المشكله فى الطقم ولا فى التركيب

ولو المشكله فى الطقم عليك وعلى حمايه المستهلك بالفاتوره اللى معاك

هو طقم الدبرياج بتاع ال 1600 هو بتاع ال 1400 ؟؟؟؟؟؟ يعنى عرفت وانت بتشتريه ان فيه فرق ولا هو هو

ودفعت مصنعيه كام للمكانيكى فى الحوار ده

المشاركة الأصلية كتبت بواسطة misoalex

على فكره اوماترا فيه حجات كتير بتجيبها من الكيلانى او الحرفيين (لاحظ اغلب المواضيع هنا فى المنتدى وانت تتأكد )

يعنى الطقم اللى حضرتك ركبته 90 % من العادى اللى بيتباع فى السوق

عموما كده كدده لازم تفك الفتيس وتشوف المشكله فى الطقم ولا فى التركيب

ولو المشكله فى الطقم عليك وعلى حمايه المستهلك بالفاتوره اللى معاك

ما اعتقدش ان في حماية للمستهلك اليومين دول علشان احوال البلد وامري لله هحاول اشوف ميكانيكي تاني يبص على الفتيس بس لازم يكون بيفهم

المشاركة الأصلية كتبت بواسطة misoalex

هو طقم الدبرياج بتاع ال 1600 هو بتاع ال 1400 ؟؟؟؟؟؟ يعنى عرفت وانت بتشتريه ان فيه فرق ولا هو هو

ودفعت مصنعيه كام للمكانيكى فى الحوار ده

بصراحة ماعنديش فكرة ان الطقم بتاع 1600 زي ال 1400 ولا في اختلاف ودفعت مصنعية 180 جنية

حمايه المستهلك شغاله عادى وانت بتتعامل مع توكيل مش مع محل عم عبده

جرب روح التوكيل وشوف حيقولولك ايه ولو رفضو يبقى جرب اتصل بحمايه المستهلك مش حتخسر حاجه

و 180 جنيه مصنعيه يبقى كنت غيرتها فى التوكيل افضل واهو كان حيبقى على ضمانتهم