جهاز سنتر وكتاوت فصل مرش

**more_try2** · 18-12-2011 01:17 PM

السلام عليكم يا احلى جروب
امبارح انا روحت مركز السبع لصيانه كيا فى زهراء المعادى علشان اعمل صيانه15000
اولا / المكان اكثر من رائع وسهل الوصول له ومش زحمه وناس محترمه جداااااااااا بصراحة وبيتصلو بيك تانى يوم علشان يتطمنو على العربيه والصيانه
ثانيا / انا كنت مركب جهاز انزار من 15 يوم وكنت عايز اركب كتاوت فصل بس للاسف قالولى ال انا مركبه شغال على رموت العربيه الاصلى ومينفعش اركب الكتاوت عليه قلت مش مشكله خلتهم يركبو انزار كوبرا ال بيركب فى الوكيل ومعاه كتاوت فصل وجربت والحمد لله العربيه مبتدورش الا لو فتحت بالريموت ال هو نفس شكل رموت العربيه 2008
انا حبيت اقول علشان لو حد عايز يستفسر عن اى حاجة انا تحت امره علما بان مركز السبع لسه واخد اعتماد صيانة كيا من قريب
اسف على الاطاله
ثالثا / الصيانه كل 5000 بدون مصروفات مصنعيه وخصم كمان 10% على المشتريات
اسف على الاطاله

**aaet1** · 18-12-2011 02:37 PM

مبروك عليك ان شاء الله وخير ما عملت لان جهاز الانذار اللى بيركب على ريموت العربية - بحسب كلام زميلنا هنا فى المنتدى وبعد التجربة - ولا ليه لازمة لان أى حد هيدخل العربية ويدوس زرار السنتر هيقفله
استفسارى بقى عن جهاز الكوبرا ده هل صوته عالى وكويس، السعر كام بكتاوت الفصل والتركيب، ياريت ترفع صورة للريموت

تحياتى

**more_try2** · 18-12-2011 03:17 PM

المشاركة الأصلية كتبت بواسطة aaet1

مبروك عليك ان شاء الله وخير ما عملت لان جهاز الانذار اللى بيركب على ريموت العربية - بحسب كلام زميلنا هنا فى المنتدى وبعد التجربة - ولا ليه لازمة لان أى حد هيدخل العربية ويدوس زرار السنتر هيقفله
استفسارى بقى عن جهاز الكوبرا ده هل صوته عالى وكويس، السعر كام بكتاوت الفصل والتركيب، ياريت ترفع صورة للريموت

تحياتى

الله يبارك فيك الصوت بتاعه عالى نفس السرينه تقريبا والتكلفه حوالى 425 بس الميزه انه مركز معتمد يعنى لو حصل حاجة لاقدرالله ميخرجش الضفيره من التوكيل وصوره الريموت هجبهولك بكره ان شاء الله بس شكلو حلو

**more_try2** · 18-12-2011 03:30 PM

للاسف معرفتش ارفع صوره الريموت بس هو ال فى الصوره لما تشوفو بلغنى علشان اغيرها

**aaet1** · 18-12-2011 08:27 PM

تمام شكرا ليك يا باشا والريموت شكله قريب جدا من الشكل الأصلى، سؤال أخير عن عنوان المركز

**ابو ليلى** · 19-12-2011 12:42 AM

انا فعلا رحت المركز وقت الافتتاح مركز محترم جدا وقريبا هروح علشان صيانة ال 20000
فى موضوع اعلانى موجود ليهم هنا فيه كل التفاصيل

http://www.nilemotors.net/Nile/252761-a.html

**a_elbosaty** · 13-01-2012 08:15 AM

مبروك عليك الجهاز.
انا كمان عندي انزار على الريموت.... افهم من كلام حضرتك اني لو ركبت جهاز الكوبرا يبقى كدة في انزارين في العربية؟ ولا هايلغي انذار الريموت؟
سؤال اخير معلش,,,,,, هو جهاز الكوبرا دا بيبقى معاه كتاوت الفصل في الكرتونة ولا بيبقى منفصل؟ وهل بيعمل على الفلاشر ولا السنتر؟ ارجو توضيح فكرة عمله......
جزاك الله خيرا واسف على الاطالة.

**AHMED1718** · 13-01-2012 02:29 PM

مبروك اولا
ثانيا سؤال

دلوقتى انتا مثلا جوا العربية
وقفلت بالريموت السنتر والموضوع خلص
وبعدين دوست على زرار السنتر اللى ف البااب
السؤال بقا هنا
العربية هتتدور ؟

-

-

الموضوع: جهاز سنتر وكتاوت فصل مرش

LinkBack

أدوات الموضوع

عرض

جهاز سنتر وكتاوت فصل مرش - انشر الموضوع فى :

-

-

-

-

المواضيع المتشابهه

سؤال عن سنتر او جهاز؟؟

افضل جهاز انذار و سنتر لشيفروليه لانوس

افضل جهاز انذار و سنتر لشيفروليه لانوس

جهاز انزار و سنتر و مرايات ضم و بيقفل كل العربيه حتى المرايات و فتحة السقف

برمجة ريموت سنتر على جهاز اخر

الكلمات الدلالية لهذا الموضوع

المفضلات

المفضلات

ضوابط المشاركة