هي الاسعار عامله كده ليه
عاليه جدا
لو حد راح يقولي نشتري ايه لانه كله عالي فعلا
و هل الافي حاجات تانيه كويسه و شغاله في السوق
زي جولد مثلا
عرض للطباعة
هي الاسعار عامله كده ليه
عاليه جدا
لو حد راح يقولي نشتري ايه لانه كله عالي فعلا
و هل الافي حاجات تانيه كويسه و شغاله في السوق
زي جولد مثلا
عامل ايه
اتمنى تكون بخير
قصدك على معرض مدينة نصر اللى فى قاعة المؤتمرات المستمر حتى يوم 20
لو هو
كنت عايز اشوف السيراميك هناك
هل فيه خصومات ولا لا
هو فعلا اغلب الخلاطات هناك غالية
بس اللى انا اخدت بالى منه وسألت الراجل فيه هو معرض ديورافيت
لقيت اسعارهم الى حد ما كويسة (بس برضه اغلى من المعتاد)
سألت الراجل عن البيع قالى هما هنا فى المعرض مش بيبيعوا ولكن بيعرضوا بس
البيع بيبقى لدى الموزعين بتوعهم او معارض السيراميك والادوات الصحية اللى مش تبعهم
سألته عن ان الاسعار دى هى النهائية، قالى ان الخصم بيحددوا الموزع او المعرض
فكده الاسعار دى مش أسعار نهائية ويبقى بكده أسعارهم هى الافضل (من وجهة نظرى الشخصية) من حيث السعر مقابل الجودة
بالنسبة للسيراميك ففيه شركات هناك انا اول مرة اشوفها واسمع عنها
منزلين حاجات كويسة واشكال جديدة (الجودة انا مش اعرف احكم عليها)
فيه شركات تانية مستواها فى الحضيض بمعنى الكلمة
شركة اسمها فينيسيا لقيت الارضيه اللى هما عملينها للمعرض عبارة عن سيراميك اسود فى بيج
اللون الاسود ساح ودخل على اللون البيج وبقى سايح على السيراميك وبرجلك ممكن تشيلة
مع العلم انى روحت يوم السبت الساعة 1 ظهرا (يعنى المعرض المفروض مفتوح من ساعتين فقط)
شركة اراسمكو برضه منزلة سيراميك من أيام الجاهلية
سيراميك شكله قديم جدا ووحش وتحس انه مش مواكب اى عصر حديث
فى المقابل لقيت شركات كويسة ومنزلة حاجات كويسة زى آرت و بريما وشركة تالتة مش فاكرها
ملحوظة : كليوباترا والجوهرة مش نازلين المعرض
يعني مش حقيقيه قوي الخصومات لانهم لاغيين الخصم اللي علي الفاتورة اللي بتاخدة لما بتشتري
قصدك هانسبرج اللي نازل مع ديورافيت - انا معرفش حاجه عنك بس في حاجات شكلها جامد
الجوهرة نفس القصة عامله خصم 5% في معارضها و لاغيه خصم الفاتورة اللي مبيقلش عن 5% و لو ليك معرفه هناك بتاخد 10% خصم فعلي لسان واحد شغال في كليوباترا - الخصم قونطه
طب حد يعرف اماكن الواحد يجيب منها خلاطات محترمة ؟
و محلات مين بالظبط ؟
كمان بالنسبه للاجهزة الصحية برضة
غريب ان اكبر شركتين في السيراميك مش مشاركين في المعرض !!!
بالنسبه للسيراميك بلاش الشركات المجهوله وخاصة في الأرضيات العيوب بتظهر كلها في التركيب
ممكن تشتري الجوهره او كليوباترا فرز تاني سعره هيبقى معقول
والأطقم الصحيه ديورافيت او ايديال استاندرد من المحجوب او السلاب
الخلاطات في معارض في الفجاله بتعرض منتجات بداية من الصيني حتى الإيطالي
ideal standard فيها خلاطات بأسعار الي حد ما كويسة..وطبعا الجودة انساها خالص لأن الصناعة ايطالي او الماني ..مش متذكر بالظبط ..انا اشتريت من 4 سنين وبصراحة جودة فوق الممتازة ..واشتريت من المحجوب وده موزع لماركات كتير ليه فرع في شارع فيصل والتاني في البحر الاعظم ...وفيه انواع تانية ايطالي برضه زي Groohe بس اسعارها عالية اوي ..بس طبعا الغالي تمنه فيه :) ..
حضرتك لو عاوز اسعار كويسه في محل اسمه النيلين في جسر السويس اسعاره ارخص من السوق و كمان افضل من الفجاله بس هما معندهمش سيراميك كليبواترا ولا الجوهرة انما في ماركات تانيه روح خد فكرة برده و قارن الاسعار
فت عليه امبارح ٩ بالليل بس كان قفل
في حاجات زي دي بس غاليه جدا في الماركات زي جروهي
http://www.grohe.co.uk/icms/mod_img/...830a398ce8.jpg
الاقيها فين ارخص شويه بس جودة عالية؟