الموضوع: قطع غيار لل128

1- 4 ابواب كاملين 1500 تقريبا استعمال وممكن تجيب قشره الباب الخارجيه فقط فى حدود 60 جنيه للباب
2- كبوت شنطة كبوت استعمال 550 جنيه اقل او ازيد استعمال اصلى ولو جديد 400 تقريبا وممكن اقل بسيط استثمارى
3- 2 عتبة 120 جنيه التركى او الاستثمارى وفيه اقل والسلاح بتاع العتبه من جوه الجوز ب 20 او 30 جنيه تقريبا لو حتغيرهم بالمره

4- ارضيات مش عارف بس الافضل التفصيل لان الجديد صاجها ضعيف الافضل تجيب صاج وتفصلهم فى تنايه عشان يستحملو وبعد كده تعملهم بالبلاك او الانتركوت
بالمرة الموتور الاستعمال والعفشة هي العربية عادة موديل 74
متور استعمال من غير فتيس 1100 cc بيعمل 1500 جنيه وممكن تفاصل فيه وبالفتيس حيقولك 2000 وبرضه حتفاصل فيه
وال 1300 بالفتيس ال 5 غيار ب 2700 او 2800 ومش حيرضى يفاصل فيه عشان مش موجود كتير
الافضل لو عاوز ال 1300 تجيب بتاع لانشيا او اونو او ريجاتا كل دول بيركبو عندنا وبالفتيس ال 5 غيار حيعملو 2000 جنيه بعد الفصال وممكن اقل كمان لو تعرف تفاصل كويس

الف شكر على اهتمام حضرتك

العفو بس نصيحه لو عربيتك عاوزه كل الشغل ده بيعها واللى حتصرفه عليها على تمنها يجيبلك حاجه احسن

الا لو انت مش حتفكر تبيعها وبتوضبها لنفسك

والله هي محتاجة الشغل دة بس في نفس الوقت مش جايبة فلوس خالص في حالة البيع
تقريبا 4 الاف جنية بس

الشغل ده بالموتور حيدخل فى 8 الاف بالميت خالص

اعمل حسابك ان الحاجه اللى بتحسبها بالورقه والقلم على 1000 مثلا تيجى تعملها تلاقيها دخلت فى 2000

متنساش ان بعد كل اللى حتعمله ده حتحتاج ترش العبيه كلها جوه وبره اقل واجب ب 2000 جنيه
وده غير مصنعيات سمكرى وسروجى ومكانيكى وكهربائى وطبعا كل واحد فيهم ليه طلبات اثناء الشغل والتركيب

الكلام ده عن خبره فى اكتر من عربيه شدتها على فكره ومنهم ال 128

لو انت حتركبها اعمل حسابك على 8000 مثلا اقل واجب
بس انا شايف انها متستاهلش المصاريف دى لان بعد متشدها لو فكرت تبيعها حتجيب ال 8 الاف ويبقى خسرت بتاع 5000 جنيه
ده غير المجهود والتعب بين الصنايعيه

اصل على كلامك دى كده محتاجه عربيه
انت لو بعتها بال 4000 وحطيت عليهم ال 8000 حتجيب واحده موديل تمانينات بالسر ده وحالتها كويسه ولما تفكر تبيعها حتجيبلك حقها
ده اللى انا شايفه وانت لك مطلق القرار