تغيير جلب مقصات النوبيرا بفيرنا + التيل

**amoro** · 19-12-2011 06:38 PM

اخيرا غيرت جلب المقصات و التيل و اليكم التفاصيل:

العربية اول مرة تغير الجلب فعذبتنا شوية لان الجلب كانت مصدية
في المقصات
التكاليف :
2 جلبة صغيرة = 65
2 جلبة فيرنا = 40
مخرطة = 20
تيل تركي = 70
مصنعية = 45
____________
اجمالي = 240

والعفشة بقت كالجديدة
ايه رأيكوا ؟

**modyegypt** · 19-12-2011 08:13 PM

غريبة ان يركب عليها بتاع الفيرنا ....؟ ولا انت عملت تعديل
لان عندى تزيق فى المطبات ... ؟

**mr_sameh** · 19-12-2011 08:19 PM

كان فيه تعديل ولا لا لان مشكلة الجلب دي تعبا كل ملاك النوبيرا

**mo7ei** · 20-12-2011 01:52 PM

المشاركة الأصلية كتبت بواسطة modyegypt

غريبة ان يركب عليها بتاع الفيرنا ....؟ ولا انت عملت تعديل
لان عندى تزيق فى المطبات ... ؟

انا عاملها عندى بردو ومركب جلب فيرنا
بتروح بالمقص والجلب عند الخراط وهو بيركب الجلب فى المقص تعديل بسيط فى الجلب بس افضل من بتاعت النوبيرا بكتير

**meno2000** · 20-12-2011 02:46 PM

انا من 6 شهور غيرت الجلب بنوع gm اصلي من عند نافع في شارع دمشق الاربعة بحوالى 160 جنيه وهي ممتازة حتى الان

**ahmad--ezzat** · 20-12-2011 02:49 PM

المشاركة الأصلية كتبت بواسطة meno2000

انا من 6 شهور غيرت الجلب بنوع gm اصلي من عند نافع في شارع دمشق الاربعة بحوالى 160 جنيه وهي ممتازة حتى الان

+11111111111111111111111
تمام انا زيك بالظبط

وبقالهم برضه 5 شهور او 6

**hishooo75** · 27-12-2011 11:41 PM

مساء الفل على احلى اعضاء لاحلى منتدى هحاول انقلكو تجربتى يمكن تفيد .....انا ركبت الجلب الاصليه بتاعت النوبيرا من غير مالعفشجى يغير ولا يعدل حاجه فى المقصات طقم الجلب الاصلى عمل 200 جنيه وجاب عليهم طقم كاوتش شداد دبابه نص نقل 4 كوتشات بحوالى 20 حنيه وشق كل كاوتشه منهم اتنين عملهم تلبيسه لكل جلبه من فوق وتحت كانهم كفر للجلبه بحيث هيكون الحمل على الكوتش ويخفف الحمل على كاوتش الجلب ونفس الوقت تدى مرونه وحسب كلام العفشجى انه جربها فى نوبيرات كتير وجابت نتيجه كويسه جدا وانها ممكن تستحمل اكتر من 3سنين ولانى لسه مركبها امبارح فمش هقدر احكم دلوقتى بس انا مقتنع بالفكره لانى شفتها قدام عينى وفعلا حكمت العربيه جامد وبقت ملبن فى المطبات على فكره كاوتش شداد الدبابه فيه منه نوع كاوتش عادى لو انت مبتخدش مطبات كتير وفيه منه نوع تانى شفاف انشف من الكاوتش لوانت مطباتك كتيرممكن تركبه حسب استخدامك ................. اتمنى اكون افدتكوا

-----------------------------
اللون الاحمر مخصص للمداخلات الاداريه فقط
يرجي مراجعه قوانين المنتدي

2.04ص
28/12/2011

م.ع.12

**zocor742** · 27-12-2011 11:59 PM

بصراحة يارجالة انا جالى عقدة نفسية من جلب المقصات دى
جلب كورى وركب تيويوتا عيون واتفرتكم اكتر من الكورى واخيرا المقص الاسبانى خليت واحد قريبى يشترية من القاهرة وجابهولى وهو جاى فى الصيف لسة كنت بظبت زواية بقول للراجل حاسس بطقة خفيفة فى الطلعة وانا بسيب بنزين على الاول واحيانا التانى قالى ممكن تكون جلب بص على العفشة قالى الجلب الكبيرة بدأت تتعب لسة فى اولها
قولولى اعمل اية بقى عمال اللف على الكورى جى ام ولسة مش لاقى فى ناس بتقولى عندها كورى اصلى لما بشوفهم بلاقيهم هما الكورى اللى كنت بجيبهم مش جى ام
طيب الناس اللى جابت الجى ام الجلب عليهم اى علامة مميزة انهم جى ام لوجو مثلا وجيين لوحدهم ولا مقفولين فى غلاف بلاستيك او علبة وعاليها لوجو جى ام ولا اية .... عشان وانا بسئل ابقى فاهم ومحدش ينصب الا كلة يقولى عندى الاصلى وفى الاخر يطلعوا مضروبين حتى من سعرهم باين
وجزاكم الله خير