محتار ومش عارف اختار

**midoabdeen** · 19-12-2011 07:02 PM

ازيكم يا شباب عاملين اية
انا عايز اخد رايكوا فى حاجة
انا دلوقتى لسة متخرج بس مش عارف اشتغل فى مجالى بسبب الجيش وهاقدم على اول السنة
المهم انا اصلا شغال فى النقاشة من زمان بس العملية بعد العيد ريحت على الاخر فجالى شغل فى مكتب شغال فى كبلات الفيبر المهم روحت النهاردة وكان اول يوم شغل ليا و بصراحة الحوار عجبنى جدا
والغريبة بقى ان واحنا فى الموقع زبون اتصل بيا علشان اروح اعملة شغل بس ماقولتلوش لا لغاية مافكرش واحسبها كويس
وللعلم الشغل الجديد دا مرتبى 500 فى الشهر
وطبعا شغل النقاشة ممكن فى شغلانة زى دى مش اقل من 2000 ج بالميت
مش عارف اختار اية بصراحة

**midoabdeen** · 19-12-2011 09:52 PM

16 مشاهده ومافيش رد واحد
دا باخد رائيكوا يا جماعة

**Khaled Online** · 19-12-2011 10:37 PM

ميدو باشا
الاختيار انت لوحدك تعرف تعمله
يعني حسب اللي قدامك وحسب اللي انت عايزه على المدى الطويل، مش القصير، تختار
مثلا شغل كابلات الفيبر حلو ومرتب ثابت ومضمون مؤقتا. ميزاتهالتانية إيه؟ ينفع تكمل فيه ومرتبك ينط من 500 لكام بعد كدة؟ وبعد أد إيه؟

شغل النقاشة هيجيبلك فلوس كويسة بس انت نفسك متردد بدليل إنك بتشاورنا. طيب هيطلع عينك ولا مش فارقة معاك؟ هتجيب شغل نقاشة غيره بعدها أو في وقتها؟ كله بأمر الله وبرضه اقرأ السوق واعرف. بعد ما تخلص هتعرف ترجع لشغل الفيبر ولا فرصتها راحت عليك؟

يبقى اعرف أنهي أحسنلك واتوكل على الله واختار
فاهمني؟

**أحمد كمال** · 19-12-2011 10:40 PM

لو الشغل الحر بيجيب فلوس كويسة يبقى طووووووووظ في الوظيفة

**احمد المصرى** · 19-12-2011 11:15 PM

المشاركة الأصلية كتبت بواسطة أحمد كمال

لو الشغل الحر بيجيب فلوس كويسة يبقى طووووووووظ في الوظيفة

+11111111111111111111111111111111

**Khaled Online** · 20-12-2011 09:55 AM

المشاركة الأصلية كتبت بواسطة المناور

شغل كابلات الفايبر لو اتقنته ممكن تدخل اماكن كبيرة زى شركات الاتصالات ويبقى ليك مرتب محترم ، زائد ان المجال ده عدد العاملين فيه مقارنة بالنقاشة قليل فده يديك فرصة احسن ... ومش لازم تسيب النقاشة خالص خليها معاك كشغل اضافى بعد الضهر أو الاجازات وحاول توفق بين الاتنين

عين العقل، خاصة في ظروف البلد اللي مش باينلها حاجة

**midoabdeen** · 21-12-2011 06:33 PM

بجد والله متشكر جدا على ارائكم القيمة
بس انا دلوقتى يعتبر هاقدم فى الجيش اول السنةوماعرفش هادخل امتى فاساسا انا مش هاكمل فى شغل الفايبر بعد الجيش ولا حتى النقاشة الا لو حال البلد فضل فى الضياع كدة
وكمان انا عليا التزامات كل شهر ازيد من المرتب اصلا
والمشكلة بقى انى نفسيا مرتاح لشغل الفيبر وحاسس ان فية دماغ حلوة وشغلة عالى وبتحرك كتير وعلى طول سفريات
بصراحة انا دماغى وقفت ومش عارف اقرر خالص