للبيع - سيارات أستعمال خارج

**goodwave** · 13-06-2007 12:33 PM

السلام عليكم
انا كنت كتبت قبل كدة علشان كنت حشتري سيارة سكودا فليشيا وبعض السادة الاعضاء افادوني جدا بس للاسف ماحصليش نصيب!
المهم انا لسة بدور و قام واحد معرفه قالي طب ما تشتري سيارة استعمال خارج. انا قلت يا ريت بس فين؟ قالي في السوق الحرة تروح تتفرج و تشتري و المفروض نروح كمان يومين بس انا خايف يكون الموضوع لعبه او نصب.

بس برده انا سمعت ان السيارات دي بتنزل لذوي الاحتياجات الخاصة وممكن هما يتنازلو عنها مقابل مبلغ مادي فهل دا صحيح؟ وهل فيه مخاطرة؟ حد عمل كده قبل كده او حد سمع؟

انا بصراحه بشوف عربيات موديل قديم بس حالتها فابريكة و ماعتقدش انها نزلت مصر جديدة و بيسوقها مش ذوي الاحياجات الخاصة مثلا الابيزا موديل 93 سيستم بورش اللي انتشرت فجأة!

ارجو الفادة و الاستفاضة
وشكرا

goodwave
if you have not tried, you have not lived

**Abdallah** · 13-06-2007 06:13 PM

العربيات دى اسمها سيارات المعاقين وهى بتيجى برسم الوارد للمعاقين وطبعا بيبقا فى اعفاء من شرط الموديل ولكن بتطلع باسم المعاق وبيثبت فى رخصتها ان السيارة عليها حظر جمارك/اعاقة طبية
علشان انت تقدر تسوقها بتدفع مبلغ 10 الاف جنيه مصرى رسوم فك الحظر لمصلحة الجمارك المصرية وبعدها يمكنك تسجيل السيارة باسمك وهناك الكثير من الموديلات والماركات بالمنطقة الحرة سواء ببورسعيد او القاهرة.

**KiNgMaX** · 13-06-2007 11:00 PM

قالي في السوق الحرة تروح تتفرج و تشتري

ممكن حضرتك تقولى فين السوق الحرة الى حضرتك بتتكلم عليها فى اسكندرية ولابرة أسكندرية

**labbody** · 14-06-2007 01:14 PM

بص يسيدى بالنسبة لسيارات المعاقين مينفعش تشتريها لأنها مخصص للمعاقين وهم نفسهم مشكلهم بيأخذوا بل حالأت خاصة جدا جدا جداً وبتكون مغفى من الجمارك حوالى 25 الف حنيها أو 20 الف
أنت ممكن تشترى من واحد حالأت خاصة ولكن بعد مرور خمس سنين و فى ناس بتعمل توكيل سواقة فقط لحد مالخمس سنين يخلصوا وطبعاً بتأخذ جميع الأحتياط من المشترى لأن لحد مالخميس سنين يخلصوا هى بتعته طبعاً :(

**goodwave** · 15-06-2007 12:00 PM

والله انا لسه مش عارف فين في السوق الحرة بس لما اقابل الشخص اللي يعرف حبقى اوضح اكتر وربنا يكفينا شر النصب لو كان فيها نصب

goodwave

**Hassan** · 16-06-2007 10:22 PM

تغير القانون مؤخرا و اصبح الحظر على المعاق نفسة 5 سنوات بدلا من السيارة
لذلك يمكن نقل ملكيتها بعد دفع 10000جم
يمكنك نزول المنطقة الحرة ببور سعيد وستجد بعض التجار محترفى احضار المعاق
الخطورة اذا كان المعاق مش معرفة لان فلوسك ستظل معلقة حتى تمام التسجيل لمدة حوالى 10الى 15 يوم