حاجات بسيطة مانخدش بالنا منها تؤثر علي أداء العربية

**Astra200** · 21-12-2011 08:27 PM

1- راجع ضغط الكاوتش حسب المكتوب علي غطاء تنك البنزين -- في حالة الأوكتافيا 2006 -- 31 والقياس يكون الصبح قبل ما تحرك العربية -- لما الضغط بيوصل 28 الأداء بيقل --- ويستحسن يبقي معاك عداد خاص بيك ويفضل ديجيتال مش صيني

2- راجع فلتر الهواء --- تنضيف أو تغير --- بيفرق جامد-- كتير بنكسل نغير ونكتفي بالتنضيف -- بس خدبالك ان كومبرسور الهواء بيرمي مياه --- فبعد كام مرة تنضيف الفلتر ما بيكونش بالكفاءة المطلوبة -- وحيث ان هذا التدني في الأداء يتم علي مسافة زمنية كبيرة فانت لا تشعر -- ولكن سوف تشعر بتحسن الأداء فجأة عند تغيير الفلتر ( جيب الأصلي)

3- نضف الثروتل ( بوابة دخول الهواء ) لانها بعد فترة تصبح " ستيكي" وتديلك احساس بأن السحب بطيء ( ممكن كل 30 ألف )

**sakr_skoda** · 23-12-2011 09:12 AM

بارك الله فيك فعلا معلومات غايه فى الأهمية ونتمني منك المزيد من مثل تلك المعلومات النافعة....*الجمعة 28 محرم 1433

**Astra200** · 23-12-2011 07:38 PM

حياة الكوبلن هي الكاوتشة الي مغطياه --- أول ما تتقطع بيخش تراب مع الشحم ويؤدي الي تلف الكوبلن

تعمل ايه ؟

حاول من آن لآخر بفحص الكوتشة -- وبالذات لو خدت مطب جامد -- الفحص سهل -- لف الدركسيون أقص اليمين و المس الكوبلن لو لقيت شحم يبق تغير الكوتشة علي طول --- اللي يغيرك الكوتش لازم ينضف بلي الكوبلن كويس قبل ما يحط الشحم الجديد -- ولازم يكون له خبرة في عمايل الكوبلن علشان الكوتشة ما تتقطعش تاني

واعمل نفس الفحص بلف الدركسيون شمال

**sakr_skoda** · 23-12-2011 08:00 PM

انتا فعلا هايل انا ملاحظ ان فى شحم ظاهر من نهاية الكوتشة كدة يبقى لازم اراجع الكاوتشة جزاك الله خيرا اخى الكريم وفى انتظار المزيد واجرك عند الله....

**Ahmed.Fahmy** · 26-12-2011 08:55 PM

المشاركة الأصلية كتبت بواسطة astra200

حياة الكوبلن هي الكاوتشة الي مغطياه --- أول ما تتقطع بيخش تراب مع الشحم ويؤدي الي تلف الكوبلن

تعمل ايه ؟

حاول من آن لآخر بفحص الكوتشة -- وبالذات لو خدت مطب جامد -- الفحص سهل -- لف الدركسيون أقص اليمين و المس الكوبلن لو لقيت شحم يبق تغير الكوتشة علي طول --- اللي يغيرك الكوتش لازم ينضف بلي الكوبلن كويس قبل ما يحط الشحم الجديد -- ولازم يكون له خبرة في عمايل الكوبلن علشان الكوتشة ما تتقطعش تاني

واعمل نفس الفحص بلف الدركسيون شمال

انا مش عارف المكان اللى بتقول عليه دا فين :)
ممكن شرح؟؟