الموضوع: السيينا ولا التمبرا

المشاركة الأصلية كتبت بواسطة egyp

الحقيقة انا معايا 132 وناوي ان شاء الله اشتري عربية تانية فبفاضل بين السيينا و التمبرا و عايز اعرف ايه الاحسن من حيث وسع العربية والعفشة والموتور وتتحمل الجري لانها هتكون لحد كبير ليا بس فمش هتكون عائلية فانا عايز اعرف ايه اللي موتورها اقوي و يكون قطع غيارها موجودة و مش غالية و ياريت لو حد يعرف حدود سعرها يبقي جزاه الله خيرا

انا ركبت الاتنين بس فضلت التمبرا عنها عشان كذه حاجه
التمبرا اوسع من السينا والقعده من جوه مريحه السينا وانت قاعد تحس انك متكتف بس السينا من نحيه التجميع اسرع من التمبرا عشان هى اخف فى الوزن ومشكلتها ان حضها ضيق فى الشغل ومن ناحيه قطع الغيار متوفره بكثره فى عزبه شلبى ده بخصوص التمبرا
بس اهم حاجه الحاله تكون ممتازه عشان تريحك سواء كان فى التمبرا او السينا

المشاركة الأصلية كتبت بواسطة ahmed79

انا ركبت الاتنين بس فضلت التمبرا عنها عشان كذه حاجه
التمبرا اوسع من السينا والقعده من جوه مريحه السينا وانت قاعد تحس انك متكتف بس السينا من نحيه التجميع اسرع من التمبرا عشان هى اخف فى الوزن ومشكلتها ان حضها ضيق فى الشغل ومن ناحيه قطع الغيار متوفره بكثره فى عزبه شلبى ده بخصوص التمبرا
بس اهم حاجه الحاله تكون ممتازه عشان تريحك سواء كان فى التمبرا او السينا

على فكره وزن السيينا والتمبرا تقريبا زى بعض بالظبط
الاتنين معديين ال 1000 كيلو بحاجات بسيطه والفرق بينهم مش فاكر 5 ولا 10 كيلو

الفرق الواضح او المهم بين الاتنين ودى ميزه وعيب فى الاتنين
السيينا عااااااااليه عن الارض وال 1400 منها بجنوط 13 المفروض كلها تبقى 14 زى ال 1600 بس تقريبا عما غملو كده عشان تزود التسارع بتاع ال 1400 لما يخفف وزن الجنوط والكاوتش
بس طبعا انسى ان العربيه تحك معاك فى مطب من مطبات مصر المحروسه وثبات العربيه كويس حتى ال 120 من 120 الى 160 الثبات مش جامد يعنى معقول او مقبول

التمبرا وااااااطيه وتقريبا مشوفتش عربيه تمبرا مش مخبوطه فى العتب بتاعها اكتر من خبطه لدرجه ان فيه سمكرى قاللى مهما صلحت العتب حيتخبط تانى

بس دى ميزه لان العربيه ثابته على السرعات اللى بعد ال 120 بسبب ان العربيه واطيه جدا والجنوط بتاعها 14 سواء 1400 او 1600 فده اللى مخلى العربيه ثابته على الارض وطبعا عرض العربيه كويس جدا مخليها تثبت اكتر بعد ال 120



طبعا بخلاف الشكل بين العربيتين من الداخل والخارج وشكل التابلوه بتاع السيينا احدث من التمبرا لكن التمبرا الديجتال تابلوه بتاعها جميل جدا برضه

على فكره نسيت اتكلم عن قطع الغيار واسعار قطع الغيار

اغلب اللى ردو على نقطه قطع الغيار ماشاء الله من رابطه التمبرا وهما عارفين يجيبو قطع الغيار منين وبكام

لكن لو حنتكلم على حد مش من القاهره او ميعرفكوش فأنسو ان حد يبيع بنفس الاسعار اللى انتم بتجيبو بيها خصوصا الاستعمال

فأنا اللى شايفه ان قطع الغيار فى الاثنين متقاربه جدا جدا جدا يعنى لو حاجه غاليه فى التمبرا ممكن تلاقيها رخيصه فى السيينا ولو حاجه غاليه فى السيينا ممكن تلاقيها رخيصه فى التمبرا بس فى الاخر الفرق مش كبير حاجات بسيطه

السيينا فيها ميزه ان بيقولو ان موتورها ال 1400 هو هو موتور الشاهين ال 1400 يعنى حتلاقى حاجته عند البقال وبأسعار معقوله
بس طبعا الموتور ال 1600 يكسب فى السحب والجرى لانه 16 v و 108 حصان

وفيه ميزه فى السيينا معرفش موجوده فى التمبرا ولالا وهى ان عند حدوث حادثه لاقدر الله فيها زرار بيفصل البنزين خالص عن الموتور وانسى ان العربيه تدور او ان يحدث اشتعال فى الحوض لقدر الله

ده غير ان فيه سيينا كتيييير فيها abs وامبولايزر (مفتاح مشفر ) لمنع السرقه
يعنى بتتكلم فى جيل حديث من السيارات