-عاوز اشتري سيارة في حدود 30-40 الف

**hishaa3** · 22-12-2011 01:06 PM

-عاوز اشتري سيارة في حدود 30-40 الف
بفكر في الدوجان والماتسوبيشي ال بطه والماذدا افاميلي الاتوماتيك
والبولو ال 98 والكيا سيفيا

الدوجان حلوه وعالية بس فيات!!!!!!!!!
البطة بيطلب فيها اكتر من امكانيتها وواطية
الفاميلي قطع غيارها نار ومش لاقيها
البولو صغيرة اوي ومش عائلية
السيفيا كويسه بس مش عارف هلاقي في رنج السعر ده حاجه نظيفة؟؟

**Dr'AhmZZong** · 23-12-2011 12:55 AM

خليك في الدوجان ماله يا سيدي الفيات عربيات محترمة جدا ..

**Sehsss** · 23-12-2011 11:16 AM

السفيا أفضل حاجة، لو مالافيتش ممكن تفكر في دايو لانوس

**eculine** · 24-01-2012 11:59 AM

ممكن هيونداي أكسنت 99 --2003 عربيه محترمه جدا بس بشرط تكون حالتها كويسه

**benmatar** · 24-01-2012 12:19 PM

السلام عليكم
الخيارات الموجودة لشراء سيارة في حدود 30-40 كثيرة
1- بيجو 405 التسعينات: محرك 1600 قوية وعنيفة عالية عن الأرض ثابتة في السرعات قطع غيار متوفرة جدا محترمة تكييف وباور شنطة واسعة عفشة متينة تتحمل الطرق المصرية يفضل صيانتها عند فني بيجو متخصص.
2- رينو كليو أوائل الألفينات محرك 1200 أو 1400 16 صباب موفرة في الوقود جدا! تكييف وباور عالية عن الأرض ثابتة قوية شنطة كبيرة قطع غيار متوسطة الأسعار (ليست غالية كما يقال) يجب صيانتها عند متخصص رينو.
3- هيونداي إكسيل 1300 أو 1500 (أفضل) أواخر التسعينات مكيفة ناعمة قطع غيار متوفرة ورخيصة نسبيا منخفضة عن الأرض ثبات ضعيف في السرعات العالية سهولة في الصيانة.
4- سكودا فيليشيا وش أوكتافيا 2001-2000 محرك 1300 قوية وصاج متين هاتش باك عالية عن الأرض وثابتة في السرعات صيانتها عند متخصص سكودا أفضل.
5- هيونداي أكسنت 1300 أو1500 أوائل الألفينات ناعمة خفيفة صاج خفيف صيانة سهلة تكييف وباور قطع غيار منتشرة غير ثابتة في السرعات سهلة التداول.
أنصح بالأوروبي مع اشتراط الفحص الجيد والحالة.
أرجو أن أكون أفدتك