مواعيد الإستلام فى eim

**abd_elhalim85** · 22-12-2011 08:58 PM

بعد السلام علي كل اعضاء المنتدى و رحمة الله و بركاتة،
انا يا جماعة حاجز لوجان من يوم 2 نوفمبر 2011 عند توكيل رينو eim المنصورة و دفعت 10000 مقدم و قالولى انى هستلمها بعد شهر و نص شهرين بالكتير، و لما اتصلت بيهم لقتهم بيقولولى على أخر الشهر ان شاء الله بس حسيت انه مش مالى ايده قوى و انه بيصبرنى.
المهم انا بصراحة قلقان من مماطلتهم دى خصوصا ان ظروفى متستحملش لأنى محتجها ضرورى بالكتير على نص يناير، و واحد صحبى من اسكندرية كان حاجز عندهم و قعد شهرين و بعدين زهق و خد فلوسة و اشترى من الطارق. انا بس عايز اسأل اهل الخبرة سؤالين:
1- هو ال eim متعودين على كدة؟ و ازاى اتصرف معاهم (اخد الفلوس و لا استنى)؟
2-هل فى فوايد معينة بتعود عليا من الشراء من التوكيل مباشرة و لا هى هى لما اشترى من موزع معتمد مثل محمد زكى او غيره؟ و ما هى الفوايد دى؟

متأكد و واثق انكم هتفدونى
شكرا، منتظر الرد

**abd_elhalim85** · 23-12-2011 03:14 PM

مازلت منتظر الرد

**amriar** · 23-12-2011 11:29 PM

للأسف بيتأخروا جدا جدا .. انا قعدت 4 شهور علي ما اخدت العربيه .. اللي كان مخليني استنى اني ها اشتريها بالتقسيط من عندهم و دا اللي صبرنى

الميزه انك تستري من عند الوكيل انك ها تكون لحد كبير جدا جدا مطمن علي العربيه و عارف ايه اولها واخرها و علي الاأقل ها تأخد العربيه منقوله علي عربيه تانيه عامله كيلوات قليله مش زي المعارض بتتنقل ليهم سواقه

العربيه مستلمها عامله 10 كيلو بس و دي بيعتبروها هديه من رينو للعملاء بتوعها ..
لو ها تشتري كاش عليك و علي وكيل معتمد و فلوسك في جيبك و اختار علي مزاجك وفي الوقت المناسب ليك

انا قولتلك تجربتي و يارب الأعضاء الأفاضل يقدروا يدولك نصيحتهم

**me_dooo** · 24-12-2011 08:29 AM

المشاركة الأصلية كتبت بواسطة amriar

للأسف بيتأخروا جدا جدا .. انا قعدت 4 شهور علي ما اخدت العربيه .. اللي كان مخليني استنى اني ها اشتريها بالتقسيط من عندهم و دا اللي صبرنى

الميزه انك تستري من عند الوكيل انك ها تكون لحد كبير جدا جدا مطمن علي العربيه و عارف ايه اولها واخرها و علي الاأقل ها تأخد العربيه منقوله علي عربيه تانيه عامله كيلوات قليله مش زي المعارض بتتنقل ليهم سواقه

العربيه مستلمها عامله 10 كيلو بس و دي بيعتبروها هديه من رينو للعملاء بتوعها ..
لو ها تشتري كاش عليك و علي وكيل معتمد و فلوسك في جيبك و اختار علي مزاجك وفي الوقت المناسب ليك

انا قولتلك تجربتي و يارب الأعضاء الأفاضل يقدروا يدولك نصيحتهم

+1
محمد ذكي موزع معتمد يعني زيه زي التوكيل بالظبط
وحتى الورق بيجيلك من التوكيل
والعربية كانت عاملة 10 كيلو بس

**abd_elhalim85** · 27-12-2011 02:02 PM

مشكورين، ان شاء الله انا هحاول اسحب و فلوسى و اتعامل مع محمد ذكى بس للأسف عمرهم مهيغيروا من اسلوب تعاملهم مع الناس لأنك فى الأول و الأخر كده كده انا بشترى من ال eim و علشان كدة هما مبيهمهومش انك تسحب فلوسك و تشترى من مكان تانى و انا اتصلت بخدمة العملاء و قلتلهم الكلام دة

**abd_elhalim85** · 05-01-2012 02:02 AM

على فكرة انا مسحبتش فلوسى من التوكيل علشان محمد زكى هيخلينى انتظر شهر كمان و يا عالم
انا هستنى و اعمل ايه، بس بنصح اى حد من البداية ان يروح لأى حد تانى غير ال eim لو كان مستعجل لأنهم بيعطلوا و لما كلمت فرع المهندسين قالى احنا نظامنا من شهرين و نص إلى 3 شهور و قالى الناس قبل كدة كانت بتستنانا 6 شهور و كانوا بيصبروا علشان هما متأكدين انهم بياخدوا حاجة مضمونة و منقولة على ونش لحد المعرض. طبعا دا ممكن يكون كلام تجار و الله اعلم
انا قلت احكى اللى حصل جايز افيد حد

الموضوع: مواعيد الإستلام فى eim

LinkBack

أدوات الموضوع

عرض

المواضيع المتشابهه

مواعيد بنك مصر

مطلوب من الوحوش نصائح الإستلام والتليين؟؟؟؟

انا اتخنقت من تأخير الإستلام فى التوكيل

مواعيد صيانه e90

الكلمات الدلالية لهذا الموضوع

المفضلات

المفضلات

ضوابط المشاركة