الموضوع: محتار بين صنى و لا الاكسنت ار بى

المشاركة الأصلية كتبت بواسطة Bently

و انا ميال اكتر للصنى بس سمعت كلام على المنتديات قلقنى كده و حبيت اخد رايكم فيه

1-عزل غير جيد
2- كراسي بتزيق
3- كنبه بتهبط
4- دركسيون تقيل نسبيا
5- بعض المشاكل المتعلقة بالمساعدين والعفشة
6- صوت الموتور العالي مقارنة بمثيلاتها 1600 cc
7- ضيق الكنبه الخلفية
8- دواسة البنزين بطيئة الاستجابة فى التسارع
9- رعشة فى الفتيس
دا فعلا موجود فى الصنى و لا لآ؟!!

بص يا سيدي أولا الصني عربية اعتمادية جدا .
نيجي بقى للحضرتك سمعتوا :

1.عزلها مرضي جدا ..
2.ساعات بتزيء صح بس بتتعمل في التوكيل
3.كلام مش صحيح عن الكنبة خالص
4.تقيل عشان يديك ثبات ممتاز
5.العفشة ناشفة عشان عفشة سبورت خدمة شاقة لكن بتعيش عن أي عفشة عادية ..
6.عالي عشان سير الكاتينة جنزير لإن قدام ده مديك عزم مش في أي عربية دلوقتي .. 165 نيوتن على 4000 rpm .. موتور ما شاء الله قوي جدا ..
7. ضيقة لطوال القامة .. لكن لو حضرتك طولك مناسب ومركب معاك 4 طولهم متوسط هيرتاحوا جدا ..
8.أنا قلت لحضرتك العربية قوية مع أي دوسة بنزين ..
9.الرعشة عربيات وعربيات وكله بيتظبط عند التوكيل .. أنا بصراحة معايا اوتوماتيك وممتاز جدا

احب أكون وضحت لحضرتك كل حاجة عن الصني وياريت متسمعش كلام حد جرب حضرتك وشوف بنفسك ..
الصني عربية جميلة جدا .. فيها كل حاجة .. قوية .. اعتمادية .. حمالة قاسية .. تكيف ممتاز .. فرامل ولا اروع .. وحاجات تانية كتير قوي محتجها أي شخص راكب عربية محترمة ..

تحياتي لحضرتك ..