مخدش فاهم حاجة !!!!!

**M_SALLAM** · 23-12-2011 11:25 AM

طبعا اكيد الكل استغرب من العنوان و قلك دة داخل يشتك لوجى
بس انا مقصدش كدة .
الكل عارف ان الشرطة المصرية كانت حاجزة عربيات رينو لوجان و بالفعل شفنا عربيتين واحدة سيدان و التانية MCV
بس النهاردة لقيت حاجة غريبة اوى فى قسم الأسبرانزا
بيقولك تم توقيع توريد عدد 700 من السيارات و المركبات المطلوبة لدعم جهاز الشرطة كدفعة اولى .
و تقدر قيمة هذه السيارات بنحو 80 مليون جنيه " كلـــــــــو من دمنا طبعا البشوات يحرقوا و يكسروا و احنا اللى ندفع "

و تقوم وزارة التعاون الدولى حاليا بالتنسيق مع الجانب الصينى و وزارة الدخلية المصرية بشأن اجراءات الدفعة الثانية من السيارات و المركبات لجهاز الشرطة المصرية و تقدر بحوالى 300 سيارة و مركبة اضافية و ذلك من خلال النصف الأول من عام 2012 و بحيث يستكمل عدد المرجبات الى 100 مركبة و سيارة
و ذكرت شركة شيرى الصينية عبر موقعها الألكترونى انه تم بالفعل شحن 400 سيارة تيجو خاصة بجهاز الشرطة المصرية من ميناء شينجهاى الصينى الصينى للموانى المصرية
مش عارف اقول ايه الصراحة " عيشنا و شفنا الشرطة مذلولة و ركبة عربيات صينى "
انا بهزر طبعا و مش الغرض من الموضوع هو الذم فى التيجو مع العلم ان عمرى مركبت التيجو دى انا بشفتها ماشية بس .
و برضه بسمع كلام كتيـــــــر من الأعضاء على مشاكل و اغلبها بتكون مشاكل عيوب تقفيل و بكدة تبقى المشكلة اتحلت لأن التيجو دى متقفلة فى بلدها .
و اكيد طبعا هتبقى 4*4
بس تفتكروا موتورها هيبقى كام سى سى و كمان تفتكروا انها هتبقى بنفس العفشة اللى بتنزل بيها فى مصر و نفس قوة الصاج و نفس الخامات ؟!
اعتقد لأن دى اكيد هيبقى فيها مميزات تانية خالص و اكيد هيبقى مستوى الأمان فيها اعلى من كدة بكتيـــــــــــر و الله اعلم
فى النهـــــــــاية اكيد الخبر اسعدنى لأنه دة بيدل على ان الأمن و الأمان هيرجع لمصر قريبا ان شاء الله و شكرا للصين على تعاونهم مهنا و احنا فى الحقيقة اكتر شعب ركب عربيات صينى و هما كسبوا من ورانا كتير بس برضو شكرا ليهم : 36_2_33 :
و يا عالم انهاردة بينزلوا عربيات صينى بكرا بقى هينزلو ايه اعتقد انهم هينزلوا شرطة صينى و شرطية صينى و تيجى تقولك " نيههههههاو نيههههههاو " : تألق [1] :: تألق [1] :: أماه :
فى النهاية اسف على الأطالة و تقبلوا خالص تحياتى
مصطفى سلام
ـــــــــــــــــــــــــ ـــــــــــــــــــ

**wassim_nasser** · 23-12-2011 12:07 PM

والله تعليقى ع الخبر دة .. لما هى البورصة بتخسر يوميا 7 مليار و الجنزورى طالع يخوفنا من الفقر اللى هانفقره بكرة الصبح منين جم ال 80 مليون عربيات للشرطة؟ طب مش كانوا اتحطوا ف التعليم ولا الصحة افيد؟ يا اخ مصطفى الامن مش محتاج عربيات تيجو الامن محتاج ظابط شجاع يشوف شغله و فيه ظباط كتير كدة بتموت عشاننا بس للاسف ضايعين ف زحمة الظباط ال.... الكسالى (مشيها الكسالى عشان منتوقفش)

**M_SALLAM** · 23-12-2011 02:12 PM

اولا ازيك يا وسيم باشا اخبارك ايه ؟
اتمنى ان تكون بخير .
ثانيا عندك حق والله الأمن فعلا محتاج ضابط شجاع بس للأسف معظم الضباط اللى كانوا بيدخلوا الشرطة فى عصر مبارك دخلنها بوسائط او فلوس للأسف يعنى بس برضه فى ضباط شجاعة و دول تقدر تقدرهم بنسبة 40% مثلا .
الخلاصة يا باشا لو محطناش ايدنا فى ايد بعض مش هننهض بالبلد و ابسط مثال بتوع التحرير و العباسية انا لغاية دلوقتى مش فاهم بتوع التحرير عاوزين ايه و ايه الحكمة فى تغير الجانزورى و استقالة المشير طنطاوى .
انا متأكد مليون فى المأة ان الناس دى ممولين و مش عاوزين الخير للبلد .
عارف احنا عاملين زى ايه .
زى الطالب الفاشل اللى مبيذكرش غير الدرس الأول بس و كل مياخد درس جديد بيرجع تانى يذاكر من الأول .
اهو احنا كل منتقدم خطوة قدام نرجع نعيدها تانى بعد مجبنا شرف معطنالهوش فرصة و عمالنا مظاهرات ضده و بعد مجه الجانزورى مش صابرين و عاملين مظاهرات ضدة .

**M_SALLAM** · 23-12-2011 02:15 PM

المشاركة الأصلية كتبت بواسطة mhmdkhamis

عربيات الصين التيجو منحه مش دافعين لها فلوس

ليه يا باشا و هى الصين هتدلنا كمية العربيات دى ببلاش ليه يعنى ؟!
علشان سواد عيوننا و لا علشان احنا شعب متقدم و هنعوض المنحة دى بأقامة مشاريع تخدم الصين

**wassim_nasser** · 23-12-2011 02:47 PM

بتوع التحرير يا اخ مصطفى شايفين و معاهم حق ان المجلس العسكرى فشل فى ادارة الفترة الانتقالية .. لية؟ .. ماقدرش يستعيد الامن .. ماقدرش يحرك الاقتصاد لقدام .. حتى المظاهرات فشل يفضها و قتل المتظاهرين (وماتقوليش بلطجية عشان اللى ماتوا شيخ ازهر و طالب طب) و فوق كدة و كدة انة مش عايز يسيب السلطة و عشان كدة الناس ف التحرير رافضين وجود المجلس العسكرى (خد بالك انا بقول المجلس العسكرى مش الجيش) .. أما الجماعة اللى ف العباسية فا بيعشقوا الجيش و اتعودوا ع الدكتاتورية ونفسهم البلد تفضل تحت حكم العسكر و نبطل مظاهرات عشان الاقتصاد يتقدم (على اساس ان المصانع و المزارع ف التحرير و المتظاهرين ياحرام و اقفين حال البلد)

**ghosty1313** · 23-12-2011 08:50 PM

ماكنتش متخيل فى يوم انى ممكن اعلق تعليق فى السياسه فى المنتدى ده

بس استفزنى جدا الاتهامات اللى بتتقال ل 6 ابريل فى المنتدى الطاهر ده

الزميل اللى قبلى بيقول ان شباب التحرير قتلوا الشيخ والطالب, رغم ان الشيخ من اول يوم وهو مؤيد للثوره وعلى علاقه طيبه بحركة 6 ابريل, وكذلك فى الاحداث الاخيره فيه اعضاء كتير من 6 ابريل استشهدوا واصيبوا وكلهم دكاتره ومهندسين ومدرسين

وكل اللى بيقال من اشاعات قذره على حركة 6 ابريل كله متفبرك

والحركه مستنيه من المجلس العسكرى اى دليل عملى على كل الاكاذيب اللى بتتروج فى وسائل الاعلام

وزى ما زماااااان من 7 سنين كنا بنقول ان مبارك سرقنا ونهبنا ولازم يمشى وكنتوا بتقولوا لأ خليه اصل اللى نعرفه احسن من اللى مانعرفوش

دلوقتى بنقول برضه ان المجلس العسكرى طلع بيشتغلنا وبيكذب علينا وبيخدعنا وكل هدفه هو حماية مبارك ونظامه وحماية الفلوس اللى غرقانين فيها هما كمان بقالهم سنين من غير ما حد يحاسبهم

والمجلس العسكرى هو المسئول عن التوتر والخراب الاقتصادى
ولازم المجلس العسكرى يسلم السلطه فى اسرع وقت حفاظا على مصر

ملحوظه

المجلس العسكرى غير الجيش

الجيش هو جيشنا اللى بيحمينا واللى فيه اخواتنا وقرايبنا

لكن المجلس العسكرى هو مجموعه من الافراد ليس لهم خبره سياسيه وعندهم مميزات كثيره وثروات طائله بيدافعوا عنها

**AHMEDmostafa79** · 24-12-2011 03:32 AM

المشاركة الأصلية كتبت بواسطة ghosty1313

ماكنتش متخيل فى يوم انى ممكن اعلق تعليق فى السياسه فى المنتدى ده

بس استفزنى جدا الاتهامات اللى بتتقال ل 6 ابريل فى المنتدى الطاهر ده

الزميل اللى قبلى بيقول ان شباب التحرير قتلوا الشيخ والطالب, رغم ان الشيخ من اول يوم وهو مؤيد للثوره وعلى علاقه طيبه بحركة 6 ابريل, وكذلك فى الاحداث الاخيره فيه اعضاء كتير من 6 ابريل استشهدوا واصيبوا وكلهم دكاتره ومهندسين ومدرسين

وكل اللى بيقال من اشاعات قذره على حركة 6 ابريل كله متفبرك

والحركه مستنيه من المجلس العسكرى اى دليل عملى على كل الاكاذيب اللى بتتروج فى وسائل الاعلام

وزى ما زماااااان من 7 سنين كنا بنقول ان مبارك سرقنا ونهبنا ولازم يمشى وكنتوا بتقولوا لأ خليه اصل اللى نعرفه احسن من اللى مانعرفوش

دلوقتى بنقول برضه ان المجلس العسكرى طلع بيشتغلنا وبيكذب علينا وبيخدعنا وكل هدفه هو حماية مبارك ونظامه وحماية الفلوس اللى غرقانين فيها هما كمان بقالهم سنين من غير ما حد يحاسبهم

والمجلس العسكرى هو المسئول عن التوتر والخراب الاقتصادى
ولازم المجلس العسكرى يسلم السلطه فى اسرع وقت حفاظا على مصر

ملحوظه

المجلس العسكرى غير الجيش

الجيش هو جيشنا اللى بيحمينا واللى فيه اخواتنا وقرايبنا

لكن المجلس العسكرى هو مجموعه من الافراد ليس لهم خبره سياسيه وعندهم مميزات كثيره وثروات طائله بيدافعوا عنها

+1111111111111111111111111111111111111111111111111 111111111111111111111111111

**eng.m7md.ali** · 24-12-2011 04:31 AM

المشاركة الأصلية كتبت بواسطة ghosty1313

ماكنتش متخيل فى يوم انى ممكن اعلق تعليق فى السياسه فى المنتدى ده

بس استفزنى جدا الاتهامات اللى بتتقال ل 6 ابريل فى المنتدى الطاهر ده

الزميل اللى قبلى بيقول ان شباب التحرير قتلوا الشيخ والطالب, رغم ان الشيخ من اول يوم وهو مؤيد للثوره وعلى علاقه طيبه بحركة 6 ابريل, وكذلك فى الاحداث الاخيره فيه اعضاء كتير من 6 ابريل استشهدوا واصيبوا وكلهم دكاتره ومهندسين ومدرسين

وكل اللى بيقال من اشاعات قذره على حركة 6 ابريل كله متفبرك

والحركه مستنيه من المجلس العسكرى اى دليل عملى على كل الاكاذيب اللى بتتروج فى وسائل الاعلام

وزى ما زماااااان من 7 سنين كنا بنقول ان مبارك سرقنا ونهبنا ولازم يمشى وكنتوا بتقولوا لأ خليه اصل اللى نعرفه احسن من اللى مانعرفوش

دلوقتى بنقول برضه ان المجلس العسكرى طلع بيشتغلنا وبيكذب علينا وبيخدعنا وكل هدفه هو حماية مبارك ونظامه وحماية الفلوس اللى غرقانين فيها هما كمان بقالهم سنين من غير ما حد يحاسبهم

والمجلس العسكرى هو المسئول عن التوتر والخراب الاقتصادى
ولازم المجلس العسكرى يسلم السلطه فى اسرع وقت حفاظا على مصر

ملحوظه

المجلس العسكرى غير الجيش

الجيش هو جيشنا اللى بيحمينا واللى فيه اخواتنا وقرايبنا

لكن المجلس العسكرى هو مجموعه من الافراد ليس لهم خبره سياسيه وعندهم مميزات كثيره وثروات طائله بيدافعوا عنها

+11
المصريين للاسف بياخدو الكلام مرة واحدة وبيفضل ثابت في دماغهم حتى لو حاولت تقنعهم بالكلام ده الف مرة بردو مش هيقتنعو
وبالنسبة لصاحب الموضوع اللي معرفش هو ليه غير الموضوع اصلا
العربيات منحة يعني شحاتة بالبلدي كدة