كفة المراىة اليمين و الشمال اتسرقت(فانتازيا)

**slavik71** · 25-12-2011 06:08 PM

امبارح ركنت العربية في شارع الحجاز امام الميريلاند لمدة نصف ساعة, لما رجعت, لقيت الكفتين (اليمين و الشمال) للمرايا مسروقين, علما بأن السيارة سكودا فانتازيا 2010, و المرايات تعتيم
اللي اتسرق, الكفتين الزجاج فقط
أجيب المرايات دي من فين و اسعارها كام؟؟؟

**rompo10** · 25-12-2011 07:16 PM

كفتين المرايات حسبي الله ونعم الوكيل

**Mahmode** · 25-12-2011 10:50 PM

الله يحرق اللي سرقهم يا رب. والله أنا باكره الحرامية دول كره!!!!!!! ونفسي يقع في أيدي حرامي عشان أعدم أمه العافية. على فكرة أنا برضه كنت راكن قرب الميريلاند (جمب ماكدونالدز) امبارح بتاع 6 ساعات وعربيتي فانتازيا 2010 برضه. بس ربنا سترها معايا. معلش نصيبك. قول الحمد لله انها جت على قد كده وقدر الله وما شاء فعل. بس سؤال, هيه مرايات الفانتازيا سهلة السرقة؟ وهل لو المرايات ضم ومقفولين, ده يمنع أو يصعب سرقتهم؟

للأسف ماعرفش سعرهم بس أكيد غاليين وربنا يعوض عليك.

**Mahmode** · 25-12-2011 10:57 PM

بس حضرتك ممكن تسأل عنهم في التوكيل أرتوك وفيه الشركة الهاشمية بجوار مستشفى القوات الجوية (ش أحمد سعيد - العباسية) ده موزع معتمد من شركة أرتوك. أو في مصر الجديدة أشرف الشهابي - شارع دمشق, أمام بنك عودة. دول حسب كلام م/خالد اسماعيل اللي باتعامل معاه الناس اللي تروحلهم لو عاوز قطع غيار أصلية. للأسف معيش نمر تلوفوناتهم. حضرتك ممكن تدور على جوجل أو في المنتدى أكيد حتلاقيهم. وربنا معاك.

**Land_Cruiser** · 25-12-2011 11:01 PM

ربنا يعوض على حضرتك و قدر الله ما شاء فعل.منه لله اللى سرقهم.

**slavik71** · 25-12-2011 11:29 PM

المشاركة الأصلية كتبت بواسطة mahmode

الله يحرق اللي سرقهم يا رب. والله أنا باكره الحرامية دول كره!!!!!!! ونفسي يقع في أيدي حرامي عشان أعدم أمه العافية. على فكرة أنا برضه كنت راكن قرب الميريلاند (جمب ماكدونالدز) امبارح بتاع 6 ساعات وعربيتي فانتازيا 2010 برضه. بس ربنا سترها معايا. معلش نصيبك. قول الحمد لله انها جت على قد كده وقدر الله وما شاء فعل. بس سؤال, هيه مرايات الفانتازيا سهلة السرقة؟ وهل لو المرايات ضم ومقفولين, ده يمنع أو يصعب سرقتهم؟

للأسف ماعرفش سعرهم بس أكيد غاليين وربنا يعوض عليك.

المرايات ضم و كانو مقفولين, و ياريتني ما كنت قفلتهم, لأن الحرامي كسر لي غطاء(الكفر ) المرايا الشمال و هوه بيفتحها
بس انا اعتقد ان اكفر من الممكن اصلاحه
بكره حروح شارع دمشق و حشوف ممكن أعمل ايه
النهارده انا اتصلت بمحل في الحرفيين بيشتغل في المستعمل (بيبو 01003861096) فقاللي اسعار تخض
الزجاجة الأصلية الشمال 2200ج, و اليمين 1400ج
و اقترح علي ان اقوم بشراء جوز مرايات a5 صيني(بدون تعتيم) ب 500 ج و اركبهم
و قااللي ان الاسبوع اللي فات جالو واحد اتسرق منه عقل الفتيس
عليه العوض و منه العوض

**Land_Cruiser** · 25-12-2011 11:35 PM

نصيحه حاول ما تجبش حاجه غاليه لان اليومين دول الدنيا مش أمان و ممكن لاقدر الله الموضوع يتكرر و لما الدنيا تبقى تهدى أبقى هات الاصليين و هما كده كده مش هياثروا فى حاجه و تركيبهم مش مشكله و أبقى ساعتها بيع دول

**minicooper20** · 26-12-2011 12:31 PM

فكهم ازاى !!!!!!!!!!!!!1
يولاد التيت

**slavik71** · 26-12-2011 01:09 PM

لقيت عند محل مطر في الحرفيين
اليمين ب 850ج
الشمال ب 1600ج
استكترت المبلغ و ماشتريتهمش
جاري البحث
لو حد عنده معلومة اجيبهم من فين بسعر معقول , اكون شاكر جدا

**Mahmode** · 26-12-2011 02:50 PM

سؤال يا باشا هوا اليمين ب 850ج والشمال ب 1600ج دي أصلي ولا استيراد ولا ايه. وليه الشمال أغلى؟

الموضوع: كفة المراىة اليمين و الشمال اتسرقت(فانتازيا)

LinkBack

أدوات الموضوع

عرض

-

-

-

-

-

المواضيع المتشابهه

بغير تيل اليمين قبل الشمال

العجله الشمال مبتلفش اوي زي اليمين

اشارة اليمين و الشمال في ال 128 باظت

حضرتك التخطي من الشمال و ليس اليمين

المراية الشمال اتسرقت

الكلمات الدلالية لهذا الموضوع

المفضلات

المفضلات

ضوابط المشاركة