الموضوع: العربيه شدها عامل زى البطه بطيئه ( شكلها طقم دبرياش ) نوبيرا 2004 ..ارجوا المساعده

السلام عليكم

العربيه شدها بقى بطئ جدا يعنى بنقل مثلا والعربيه تجميعها بقى بطئ اوى بتجمع بعد فتره او لازم ادوس البنزين اوى عشان تمشى .. بقى عامل زى البطه بطيئه

سألت الناس قالولى طقم دبرياش ... ياريت لو حد يأكدلى الكلام ده او ممكن يكون ايه تانى ؟

العربيه نوبيرا مانيوال 2004 ..ارجوا المساعده

وياريت الاسعار بتاعته واماكن الشراء ..

وشكرا للافاده

السلام عليكم

شكرا يا استاذ semsem kane
لرد حضرتك عليا بس انا فضلت مستنى كتير ومحدش رد ف رحت للميكانيكى خليته يفك الموتور ويشوف العربيه فيها ايه كل حاجه بقى بالمره وفعلا طلعت السبب محتاجه طقم دبرياج وكمان ( تيل فرامل )

1- ان العربية الاربى ام يعلى ومافيش استجابة ليها او بمعنى اصح عدد لفات الاربى ام ولو مثلا بتجيب عندك عند 2800 او 3000 لفة وتكون السرعة عند 100 لو الاسطوانة وحشة هتلاقى نفس عدد اللفات دة لكن السرعة اقل بكتير

طبعا دى حاجه اكيده كانت بتحصل معايه انا عاوز اقولك انى قلت اجرب اخليها تنقل عادى زمان زى ما كنت بنقل الغيارات وحسيت انى عشان اجيب سرعه 100 مثلا على النقلات العاديه هحتاج مش اقل من ربع ساعه او لازم احرق وانقل عند RPM 4000 !!!

2- العربية المفروض انها تموت فى المطالع

فى المطالع الكوبرى غالبا كنت مش بطلع غير الاول لان التانى هتلاقى العربيه ميته مش هتمشى وبرضه على الاول كان لازم ابقى دايس بنزين بطريقه غبيه !

3- مش لازم تلاقى رعشة لان الرعشة تيجى لما يكون فية ريجة فى الديسك او ملسوع

مكنتش فى رعشه خالص فعلا

4- اخيرا اختبار الاسطوانة ( انقل الرابع والعربية واقفة والمحرك فى حرارتة الطبيعية وارفع الهاند جامد وابدأ امشى بالعربية كأنك هتطلع بيها , وشوف العربية عندك هتبدأ تحس انها عايزة تبطل امتى

ملحقتش اعمله لانى مشوفتش رد حضرتك و كنت غيرت الاسطوانه والديسك والبليه خلاص بس شاكر جدا لحضرتك

والعربيه دلوقتى بقت العكس تماما يعنى ف أول نقله بقت فظيعه مجرد ما اشيل رجلى من على الدبرياج بس سنه صغيره خالص العربيه بقت تنط منى .. من غير ما المس البنزين اساسا ! بقيت احاول اتدرب عليها انها متنطش عكس من كام يوم كنت بطحن الدواسه عشان تتحرك

واليكم تفاصل الشراء

طقم اسطوانه وديسك وبليه من بره التوكيل ب 420 جنيه ونوعهم Valeo الاصلى بتاع العربيه والعلبه نفسها Valeo برضه ( التوكيل بيبعها العلبه GM ) لكن من جوه نفس القطع Valeo

تيل فرامل الاصلى بتاع العربيه ب 180 جنيه نوعه GM

شكرا مره اخرى للاهتمام من حضرتك ومن استاذ ممدوح رد عليا على الخاص