معايا 14 الف ...اشترى ايه؟

**eng_nabil707** · 26-12-2011 07:12 PM

السلام عليكم ورحمه الله وبركاته ........ انا بعت عربيتي ال 128 مو 74 ع خير بعد مبهدلتني ...انا معايا 14 الف غير قابلين للزياده وعايز اشتري عربيه ...بس مش 128 ...مشاويري طويله تتراوح من 50 - 70 كيلو يوميا وحركتي كتير وبيكون معايا من 2 ل 4 افراد يوميا ولمسافة _ زملاء العمل _ فأرجوكم دلوني ايه انسب الاختيارات بالرقم ده سواء من عائله فيات او اخرى ... وبارك الله فيكم على سعيكم في الخير والاشاره

**ZOoOoMA** · 26-12-2011 08:52 PM

بص بصراحه هوا انت وضعك المالي الحالي صعب قوي انك تجيب حاجه كويسه ف ممكن بقيه الاعضاء يفيدوك او استنى لما المبلغ يعلى شويه و تجيبلك حاجه نظيفه و ربنا يوفقك

**amigo1** · 26-12-2011 10:12 PM

فيورا

**lad** · 27-12-2011 02:13 AM

ماروتى

**misoalex** · 27-12-2011 05:03 PM

14 الف وبعت ال 128 وعاوز حاجه افضل منها تعمل كل اللى انت قولت عليه ده !!!!!!

طبعا مفيش حاجه بالسعر ده تعمل اللى انت قولت عليه غير ال 128

وممكن لو لقيت حاجه 132 يبقى تمااااااام بس مظنش حتلاقى حاله نضيفه بالسعر ده اكيد حتبقى محتاجه شغل وموديل قديم

لكن 14 الف يجيبو 128 موديل تمانينات وحاله كويسه

اظن السعر ده ميجبش حاجه كويسه غير ال 128 و ال 132

واللى يقولك 127 يبقى بيضحك عليك ال 127 متنفعش تمشى المشوار ده يوميا ومعاك فيها 3 او 4 كمان انت كده بتظلمها ومعروف انها اقل من ال 128 طبعا يعنى انت بعت 128 عشان تجيب 127

**misoalex** · 27-12-2011 05:05 PM

اه نسيت اقولك ممكن تزود حاجه بسيطه وتجيب لادا موديل ثمانينات برضه بحاله متوسطه الى كويسه وحتستحمل الشغل ده والمسافه دى

وممكن بولونيز برضه بس انا مش بفضلها لان فيه ناس بتشتكى من مشاكل الموتور

**amoor89** · 27-12-2011 05:14 PM

المشاركة الأصلية كتبت بواسطة misoalex

اه نسيت اقولك ممكن تزود حاجه بسيطه وتجيب لادا موديل ثمانينات برضه بحاله متوسطه الى كويسه وحتستحمل الشغل ده والمسافه دى

وممكن بولونيز برضه بس انا مش بفضلها لان فيه ناس بتشتكى من مشاكل الموتور

+1
127 او 28 فى سفر يبقى بتنتحر وبتقتل العربية أكتر مهى ميتة
تحياتى

**mazagngi2010** · 27-12-2011 05:42 PM

زود شويه علشان متتعبش تانى وهات مازدا 323

**misoalex** · 27-12-2011 10:32 PM

المشاركة الأصلية كتبت بواسطة amigo1

أنت جربت الفيورا؟؟؟؟؟؟؟؟؟؟؟؟؟؟؟؟
أنا كان معايا 127 خمس سنين ومعايا دلوقت 128 موديل 90 من 8 سنين ( ممتازة)
بس أنا شايف أن ال127 أنسبلة
هيجيب بال14 ألف حاجة نضيفة 127 لكن مش هتجيب حاجة نضيفة 128
وطبعا الاتنين ضعاف بس في الميزنية دي أعتقد ال127 أفضل
علي فكرة 127 علشان ملمومة (مدمجة) تعتبر أقوي من ال128 في الشاسية

ايوه يا باشا جربتها وركبتها كتييييير لكن مشترتهاش لانها متنفعش معايا خالص

وعارف ان شاسيه الفيورا بيستحمل عن ال 128 لان شاسيه الفيورا صغير والحوض صغير
والشاسيه مش بيفتح بسرعه لان اللموتور بتاع الفيورا صغير وسحبه على اده فمش محمل على الشاسيه جامد
بس الفيورا مش بتاعه سفر ولا مشى 60 كيلو كل يوم و 4 افراد يقعدو فيها
والفيورا عجلاتها اللى ورا داخله لجوه لسوء تصميم فبتقلب على السرعات العاليه وعشان كده بتلاقى ناس كتييير مركبلها جنوط وكاوتش عريض وفاتحه العجل اللى ورا شويه

انا عارف بقول ايه لما بقول ال 127 متستحملش الظروف اللى بيحكى عليها صاحب الموضوع هو طلع من ال 128 عشان مش نافعه معاه يجيب 127 اختها الصغيره هههههههههههه

انا شايف الافضل بالترتيب بالنسبه للظروف دى وحيبقى ازيد بسيط من الملبلغ ده او فى نفس السعر بالظبط بدون زياده

لادا او 124 الاتنين ولاد عم والادا مبنيه على ال 124 بس ده لو لقيت 124 حاله كويسه لان اغلبها دلوقتى متبهدل

132 كويسه جدا وبتاعه شقا وفيه منها فيها باور بس فيه ناس بتقول انها بتاكل بنزين عشان 1600 بس فيه ناس تانيه بتقول لا

بولنيز ودى دبابه متحركه بس اللى اسمعه انها فيها مشاكل فى الموتور من ناحيه السخونه وكده بس بتتعدل تقريبا المشكله دى

دول اكتر 3 عربيات بتوع شقا واسعار قطع غيارهم معقوله

غير كده بقا حيدخل فى اليابانى او المانى قديم وصيانه وقطع غيار غاليه وفيه حجات مش موجوده والكلام ده كله