صيانة 1000 كيلو ...

**BUNSH** · 26-12-2011 11:03 PM

السلام عليكم ورحمة الله وبركاتة

استفسار بعد اذنكواااا ,, دلوقتى حمدلله عديت الالف كيلو وبقت 1032 (حمدلله ربنا يدينى خيرها ويكفينى شرها) فدلوقتى كنت مفروض اعمل صيانة 1000 كيلو واتصلت وحجزت على اول اسبوع قادم ودلوقتى أنا مسافر الشرقية بكرة ,, فينفع اسافر عادى ولا لازم استنى و اعمل صيانة الاول ولكم جزيل الشكرااا ..

**Ashraf_Ibrahim** · 26-12-2011 11:21 PM

ينفع تسافر مفيش اي مشكلة خالص
ودي فرصة انك تجرب تجري بالعربية شوية وتشوف سحبها اخباره ايه من قبل الصيانة عشان لو فيه اي ملاحظات تبلغهالهم في الصيانة
ومبروك عليك العربية ويارب يديلك خيرها ويحميك من شرها يا رب

**Ashraf_Ibrahim** · 26-12-2011 11:51 PM

المشاركة الأصلية كتبت بواسطة osa92003

بعد اذنك يسافر ازاى على زيت الالف

معروف انه زيت خفيف والسفر هيكون فيه 300 او 400 كيلوا هيعدى الالف بكتير وممكن يضايقوه فى التوكيل .....والله اعلم

بالراحة بس يا فندم
معلومة زيت الألف دي معلومة خاطئة
واساسا مفيش حاجة اسمها صيانة 1000 كم في التوكيلات خارج مصر
اول صيانة بتكون اما بعد 10000 كم او 15000 كم
ولكن عشان احنا هنا في مصر عندنا توكيلات مستغلة فعاملين لعبة الصيانة كل 5000 كم دي
الزيت دا يمشي 5000 كم مستريح بدون مشاكل مطلقا ومش بيعمل مشاكل خالص
ولما يمشي عليه 500 كم بعد الألف هيحصل ايه؟!
ولا شيء!
زيت ال 10000 كم اللي هو شيل الترا لو مشيت عليه 15000 كم ايه هيحصل؟!
مش هيحصل حاجة!
مفيش حاجة اسمها زيت 1000 كم مطلقا
حضرتك ادخل على مواقع الزيوت العالمية
شيل
كاسترول
فالفولين
هتلاقي انهم كاتبين ان الزيت ميتغيرش قبل 10000 كم ما دام مبينقصش ولزوجته مظبوطة!
احنا بيتلعب وبينضحك علينا في مصر كتير
متقلقش اكيد مش هضره وانا لو مكانه هعمل كدة مفيش مشكلة

**Ashraf_Ibrahim** · 26-12-2011 11:53 PM

احب اضيف نقطة
عربيت زي الفيرنا والالنترا الجديدة المفروض يتحطلها زيت 5/30 وهما في التوكيل بيحطوا شيل الترا ودا 5/40
يعني حتى التوكيل نفسه مبيحطش الزيوت الموصى باستخدامها من قبل الصانع الكوري هيونداي!

**BUNSH** · 27-12-2011 01:59 AM

استاذ اشرف ،، جزاك اللة كل خير ،،وكلام ده علي ضماناتك وهيبقي ف مشلكه ف مركز صيانه ولا لأ وسؤال تاني اي افضل زيت ممكن احتوااا ولا مركز صيانة بيحتوا بمزاجهم (انا قررت احجز فى مركز كارفان مدينة نصر وبعدت عن قرف قليوب ورواش فمش عارف حد جربوا ولا لسة ) وبمناسبة جرى وكلام دة فهسافر من طريق زراعى/ابوزعبل فمش عايز اقولك طريق دة تحفة بجد كل ٤سم جبل (قصدى مطب) فربنا يستر .. وربنا يباركلك ف فيرنا :‏)‏

**BUNSH** · 27-12-2011 04:43 PM

ايووون ياباشا ضماني تبع هبور بيه وكلمت خدمه عملاء وقالولي ينفع اعمل صيانه ف مركز كارفان مدينة نصر (مركز معتمد) ومفيش مشكلة !! ولو ف مشكلة وضحلى وشكرااا

**Ashraf_Ibrahim** · 27-12-2011 08:23 PM

المشاركة الأصلية كتبت بواسطة Bunsh_Fox

استاذ اشرف ،، جزاك الله كل خير ،،وكلام ده علي ضماناتك وهيبقي ف مشلكه ف مركز صيانه ولا لأ وسؤال تاني اي افضل زيت ممكن احتوااا ولا مركز صيانة بيحتوا بمزاجهم (انا قررت احجز فى مركز كارفان مدينة نصر وبعدت عن قرف قليوب ورواش فمش عارف حد جربوا ولا لسة ) وبمناسبة جرى وكلام دة فهسافر من طريق زراعى/ابوزعبل فمش عايز اقولك طريق دة تحفة بجد كل ٤سم جبل (قصدى مطب) فربنا يستر .. وربنا يباركلك ف فيرنا :‏)‏

على ضمانتي باذن الله والضامن اولا واخيرا ربنا طبعا
مفيش اي مشكلة مطلقا في الكلام دا
التوكيل اللي يهمه اولا واخيرا انك تسجل الصيانة وتدفع مصاريف الصيانة -صيانة الألف مجانية في التوكيل-
يعني انا كنت عملت صيانة ال 20000 كم برا وبعدين قلت اكمل في التوكيل وكنت داخل على 25000 كم لقيتهم بيقولولي عشان الضمان يمشي تدفع مصنعية صيانة ال 20000 كم ومصنعية ال 25000 ونعملك الصيانة والضمان ماشي
فهما عايزين فلوس بس متقلقش واللي بقلك عليه مش هيضر عربيتك في اي شيء
الصيانة بقا خلي اول صيانة في التوكيل
روح غبور قليوب بس روح بدري تكون 9 هناك هتاخد عربيتك على 12 باذن الله وممكن قبل كدة كمان
الزيت التوكيل هيحصلك شيل الترا 5/40 ودا تخليقي بالكامل ومترضاش انه يحطلك زيت ال 5000 مطلقا عشان دا معدني
ممكن تحط كاسترول ايدج 5/40 ودا تخليقي بالكامل بيتغير كل 15000 كم او سنة ايهما اقرب
او تحط فالفولين SynPower mst 5/30 ودا برده تخليقي بالكامل بيتغير على 15000 كم او سنة ايهما اقرب
انا جربت الكاسترول ايدج اما الفالفولين اسمع انه كويس ببس للأمانة مجربتهوش فمعنديش تجربة عملية ليه!
لو عندك اي استفسار تاني انا تحت امرك

**Ashraf_Ibrahim** · 27-12-2011 08:26 PM

ملحوظة:-
عمل الصيانات في المراكز المعتمدة مفيش منه اي مشكلة مطلقا طالما انك بتختم كتيب الضمان ولو مش معاك كتيب ضمان تحتفظ بالفواتير لاثبات انك عملت صيانة عشان الضمان
*وانا انصحك تعمل صيانات في التوكيل لحد 20000 كم وبعد كدة قلهم باي باي هقلك على مكان كويس تعمل فيه صيانة برقبة التوكيل واسرع من التوكيل وموفر اكتر من التوكيل بكتير

-

الموضوع: صيانة 1000 كيلو ...

LinkBack

أدوات الموضوع

عرض

صيانة 1000 كيلو ... - انشر الموضوع فى :

-

-

-

-

-

-

-

المواضيع المتشابهه

صيانة ال 1000 كيلو لل m12

1000 كيلو صيانة

اعمل صيانة ل/1000 كيلو ولا استنا واعمل صيانة ال/5000وخلاص ؟؟؟ايهما افضل

عملت صيانة ال 1000 كيلو

صيانة اول 1000 كيلو

الكلمات الدلالية لهذا الموضوع

المفضلات

المفضلات

ضوابط المشاركة