الموضوع: الى خبراء اللوجان

مازلت منتظر اى حد يرد من وحوش الرينو

المشاركة الأصلية كتبت بواسطة rasboten

السلام عليكم يا رجاله اللوجان
انا معايا نوبيرا 2008 والحمد لله حاله ممتازه وتمام التمام بس طقت فى دماغى اغير لسانديرو ستيب واى
بس محتار ايهما افضل نوبيرتى ولا ستيب واى لان المواصفات الفنيه فى مصلحه النوبيرا من حيث عزم الموتور والوسع والعربيه كمان ما شاء الله ثبات فوق الوصف عشان كده انا محتار ولو حد ممكن يساعدنى استمر زى مانا ولا اغير يبقى الف شكر واسف للاطاله

شوف حضرتك إرتفاع العربية عن الأرض وعدم احتكاكها مع المطبات فى صالح السانديريو ، كمان وقف إنتاج النوبيرا من 2009 يعتبر نقطه مش فى صالح العربيه لأنه مع مرور الوقت هتبدأ سعر بيعها يتراجع كتير لأن مالهاش مستقبل زى عربيه لسه بتنتج وموديلاتها متجدده لكن بالنسبة لقطع الغيار طبعاً النوبيرا أرخص و أوفر ولو بتستعمل للنوبيرا بنزين 90 أو 92 هتلاقى معدل استهلاك السانديريو أقل أما من ناحية الثبات السانديريو ممكن تكون نفس ثبات النوبيرا أو أكتر وتوكيل الرينو عموما من أفضل التوكيلات فى مصر رغم بعض العيوب.
دا كل إللى ممكن أقولهولك والقرار قرارك طبعاً وإن شاء الله بالتوفيق.

الف شكر للجميع على التعاون وجزاكم الله كل خير انا جربت اللوجان بتاعه واحد صاحبى 2012 جميله جدا وهاديه لكن النوبيرا اجمد بمراحل من حيث الثبات بعد 120 واعتقد ان الستيب واى هتبقى زى اللوجان ولو حد له رأى تانى يقول

المشاركة الأصلية كتبت بواسطة mohamed1979

مختلف معاك اللوجان ثباتها احسن متن النوبيرا على السرعات

النوبيرا فوق 120 بحس فيها بالسرعه على عكس اللوجان فوق ال 120 و لا الهواء
على رأى مراتى النوبيرا (النطيطه)

طب رأى حضرتك هل الامر يستاهل التغيير مع العلم ان النوبيرا حاله الحمد لله ممتازه ومش مزعلانى ولا التغيير ملوش لزمه لان بصراحه الستيب واى عجبانى اوى بس خايف منها لانها لسه منتشرتش