الموضوع: معروض عليا الانترا 94 أتوماتيك ب 26

السلام عليكم
معروض عليا الانترا 94 أتوماتيك ب 26
وهي محتاجة علبة دريكسيون وبيقولي الماتور كمان عايز يتغير بس هو ماشي بي عادي بس بيقولي هيقرفك في الصيف وبيقولي التكييف هو كان غير الكمبروسور وجاب واحد ثاني بس الراجل بتاع التكييفات قالة مش هيقعد معاك كثير لاني كل الناس اللي معاهم العربية دية بيغروة بكمبوروسور بتاع تويوتا المهم وقالي بعد 20 يوم التكييف مبأش شغال علشان مسمعتش كلام الراجل وجبت كمبروسور التويوتا والحتة اللي في النصف في التابلوة مكسورة وهو كان بيقولي أنة غير الفيتس الأتوماتيك بفتيس ياباني مش كوري والفيتيس حلو وهي فابريكا جوة ومش رشة سقف والعداد 182 ألف كيلو

السؤال بقي أخذها ولا لا الماتور سهل اغيرة والحاجات النقصة دية سهلة ولا صعبه وأكبر دماغي
لأني اصلا كنت بدور علي أبيزا او أكسنت 1300 ودية وقعت امامي بالصدفة
واخبار قطع غيارها وصيانتها عاملة اية اي حد يشتغل فيها وبتعمل مشاكل كثير ولا أعطالها قليلة
واخبار البنزين اية
منتظر المساعدة ضروري

جزاكم الله خير علي المعلومات القيمة دية خلاص صرفت نظر
بس سؤال لية حضرتك قلتلي علي الأبيزا المهم تكون استعمال محترم لية اي هي مشاكلة اللي ديما بتحصل علشان انا بدأت أدور علي عربية ابيزا