مشكلة الجي بي اس في الاوكتافيا

**ashraf_aly** · 28-12-2011 09:00 PM

السلام عليكم

انا اشتريت اوكتافيا 2011 وانا دلوقتي في السعودية من التوكيل هنا من شهر 8 تقريبا ولحد دلوقتي اسطوانة الجي بي اس كل ما اسال عليها يقولوا لسه موصلتش اصل الجي بي اس مش شغال اصل مفيش خرايط للسعودية وكلام كدة كتير مش مقتنع بيه خالص وفي الاخر قالولي مصر كدة بردة فانا عايز اسالكم هنا هل فعلا الدول العربية مش شغال فيها وكمان ازاي ينزلوا عربية وياخدوا فلوس اوبشن مش هيشتغل وهل فيه حل للموضوع دة ولا كدة خلاص اشتري والبس في الحيط

ياريت لو حد عنده اي معلومات يقول

**Mahmode** · 29-12-2011 12:21 AM

اللي أعرفه إن في مصر الجي بي إس بتاع الأوكتافيا مش شغال. بس أنا عربيتي خليجي والكاسيت بتاعها كده كده مفيهوش جي بي إس

**ashraf_aly** · 29-12-2011 05:10 AM

المشاركة الأصلية كتبت بواسطة mahmode

اللي أعرفه إن في مصر الجي بي إس بتاع الأوكتافيا مش شغال. بس أنا عربيتي خليجي والكاسيت بتاعها كده كده مفيهوش جي بي إس

شكرا علي رد حضرتك بس انا بردة عربيتي خليجي لاني شاريها من السعودية بس فيها كاسيت ب جي بي اس وكمان شاشة لمس فممكن يكون اختلاف في الكماليات اعتقد كدة

بس المشكلة هي ليه نازلة بالاوبشن دة ومش شغال حاجة محيرة جدا

**Ey123dok** · 04-01-2012 01:26 PM

يا جماعة اصلا خرايط الدول العربية جميعها مش محدثة، حتى لو استخدمت الجي بي اس من الموبايل هتلاقية مش بيجيب صح والطرق غير معرفة علية

**Mahmode** · 04-01-2012 04:30 PM

بس المشكلة هي ليه نازلة بالاوبشن دة ومش شغال حاجة محيرة جدا

اللي قريته قبل كده في موضوع على المنتدى إن الوكيل أساسا مش مشترك في الخدمة عشان كده مش شغالة في العربيات السكودا هنا في مصر والله أعلم.

يا جماعة اصلا خرايط الدول العربية جميعها مش محدثة، حتى لو استخدمت الجي بي اس من الموبايل هتلاقية مش بيجيب صح والطرق غير معرفة علية

الكلام ده مضبوط أنا مره اعتمدت على الجي بي اس يوديني مشوار في الهرم سوحني آخر تسويح واتأخرت عن المشوار بتاع ساعة. الكلام ده كان على برامج iGo و ٍ Sygic موبايل Galaxy S2.

**ashraf_aly** · 07-01-2012 03:29 PM

طيب هوه ايه الحل دلوقتي انا محتار جدا هل الوكيل عليه تعويض الناس عن الفلوس اللي اتدفعت من غير فايدة ولا المفروض يشغلها ولا ايه؟؟؟

**hishoo_85** · 11-01-2012 07:32 AM

ياجماعه السوفت وير بتاع الاسكودا اصلا تعبان ومحدش يقول الدول العربية الدول العربية نازل فيها وفي كل العربيات سكودا بس اللي مهتمتش بالموضوع

**AbouHussein** · 10-04-2012 02:11 AM

المشاركة الأصلية كتبت بواسطة Mahmode

اللي قريته قبل كده في موضوع على المنتدى إن الوكيل أساسا مش مشترك في الخدمة عشان كده مش شغالة في العربيات السكودا هنا في مصر والله أعلم.

الكلام ده مضبوط أنا مره اعتمدت على الجي بي اس يوديني مشوار في الهرم سوحني آخر تسويح واتأخرت عن المشوار بتاع ساعة. الكلام ده كان على برامج iGo و ٍ Sygic موبايل Galaxy S2.

بالنسبة للموبايل ولمصر التحديد مفيش افضل من nDrive كبرنامج gps أنا بستخدمه على ايفون وغاية في الروعة ، الخرائط غير محدثة ، ولكنه احدث المتاح بالنسبة لمصر.

**طارق _عبد السلام** · 10-04-2012 04:44 AM

المشاركة الأصلية كتبت بواسطة hishoo_85

ياجماعه السوفت وير بتاع الاسكودا اصلا تعبان ومحدش يقول الدول العربية الدول العربية نازل فيها وفي كل العربيات سكودا بس اللي مهتمتش بالموضوع

الاستاذ○○○○hishoo

أنا ملاحظ انك مابتقولش كلمه حلوه فى العربيه الاسكودا خالص
انت ماسيبتهاش فى أى حاجه
حتى السوفت وير لو حضرتك بتكره العربيه للدرجه الشديده دى وأنا ملاحظ انك متابع بشده موضوعات اسكودالدرجه انى بنتظر ردك وأقول هيقول كلمه حلوه المره دى وفى الاخر لازم تقطيع فى العربيه ومع ذلك
احنا مش عايزين نكره عربياتنا اللى احنا دافعين فيها شقى عمرنا ♥♥♥♥♥♥