يعنى ايه عفشه ناعمة وعفشه خشنة

**abuanas** · 25-05-2008 07:49 PM

السلام عليكم
اخوكم مستجد في عالمكم ولي سؤال ارجو الاجابة عليه ببساطة كى افهمها لان كان فيه موضوع هنا اثار هذه النقطة واجاب احد الاعضاء الكرام ولم افهم منه شئ .... فاصبروا علي اخوكم المبتدئ
السؤال هو
ماهو الفرق بين العفشه الناعمه والعفشه الخشنه ؟ وكيف افرق بينهم ؟ وما هو اشهر السيارات في كلا النوعين ؟

وهل تعتبر التويوتا الجديده ناعمة ولا ناشفه وكيف لي ان اعرف ؟ ارجو الشرح بالتفصيل وبالراحه .

اعذروا اخوكم علي جهله ........
:arghh::arghh::arghh::arghh::arghh::arghh::arghh:

**kingnoro** · 25-05-2008 08:38 PM

شوف يا اخ ابو اناس حاول تضور في النتدى التعليمي حتلاقي كا الي انت عيزوة

و دة لنكات لمواضيع متشابها
http://www.nilemotors.net/Nile/showt...ED%C7%D6%ED%C9

http://www.nilemotors.net/Nile/showt...ED%C7%D6%ED%C9

**SEATLOVER** · 26-05-2008 01:44 AM

يا abuanas انا مقدر سؤالك و عارف محتوى اللينكين
بص يا سيدى

تعرف منين عفشة العربية ناشفة ولا ناعمة
من كلام السوق و على بلاطة
فى الثبات :
اول ما تفتح الباب و تقعد على الكرسى شوف لو العربية بترحب بيك و نزولك على الكرسى العربية امتصت وزنك و احتوتك كدة بالراحة ..تبقى عفشة ناعمة
-اما لو نزلت على الكرسى حسيت ان العربية هبدت من وزنك و ذى ما تكون بتقولك ..يوةة انت هاتركب تانى !! .. ولقيت نزول العربية بوزنك مضغوط وعلى مرة واحدة يبقى ..عفشة ناشفة

فى المشى و الحركة :
لو مع المطبات و ارتفاعات الطفيفة فى الارض حسيت بالعربية بتاكل الطريق و وزنها خفيف على الاسفلت و مش فارق معاها الكلام اللى فى الارض دة ...يبقى عفشة ناعمة

-لو حسيت بدبدبة بتسمع على صورة ذبذبات مكتومة فى ارجاء العربية وذى مايكون العربية ماشية تتأكد من كل زلطة على الارض و تطمن انها داست عليها ...تبقى عفشة خشنة

فى السرعات العالية :
الخشنة اللى ماكنتش طايقها .... هى دى اللى هاتديلك الثبات اللى هاتكلم اصحابك علية
الناعمة اللى كنت مبسوط بيها جوة البلد .......هى دى اللى هاتديك شوية التعويم و المرجحة اللى هاتقلقك و تخليك تنزل بالعداد ل 120 تانى

بعد ما استوعبت الكلمتين الاسموز دوول

ممكن بقى تكمل دكتوراة فى الموضوع بالمواضيع دى
دور المساعدين فى السيارة
كيف تعمل السيارة:5 المساعدين-طريقة عملها ومشاكلها
معلومات عن ممتص الصدمات[المساعدين]

كدة يبقى بعد كدة احنا اللى نيجى نسألك يعنى اية عفشة

تمام يا باشا

**OlaOsman** · 26-05-2008 01:40 PM

المشاركة الأصلية كتبت بواسطة SEATLOVER

يا abuanas انا مقدر سؤالك و عارف محتوى اللينكين
بص يا سيدى

تعرف منين عفشة العربية ناشفة ولا ناعمة
من كلام السوق و على بلاطة
فى الثبات :
اول ما تفتح الباب و تقعد على الكرسى شوف لو العربية بترحب بيك و نزولك على الكرسى العربية امتصت وزنك و احتوتك كدة بالراحة ..تبقى عفشة ناعمة
-اما لو نزلت على الكرسى حسيت ان العربية هبدت من وزنك و ذى ما تكون بتقولك ..يوةة انت هاتركب تانى !! .. ولقيت نزول العربية بوزنك مضغوط وعلى مرة واحدة يبقى ..عفشة ناشفة

فى المشى و الحركة :
لو مع المطبات و ارتفاعات الطفيفة فى الارض حسيت بالعربية بتاكل الطريق و وزنها خفيف على الاسفلت و مش فارق معاها الكلام اللى فى الارض دة ...يبقى عفشة ناعمة

-لو حسيت بدبدبة بتسمع على صورة ذبذبات مكتومة فى ارجاء العربية وذى مايكون العربية ماشية تتأكد من كل زلطة على الارض و تطمن انها داست عليها ...تبقى عفشة خشنة

فى السرعات العالية :
الخشنة اللى ماكنتش طايقها .... هى دى اللى هاتديلك الثبات اللى هاتكلم اصحابك علية
الناعمة اللى كنت مبسوط بيها جوة البلد .......هى دى اللى هاتديك شوية التعويم و المرجحة اللى هاتقلقك و تخليك تنزل بالعداد ل 120 تانى

بعد ما استوعبت الكلمتين الاسموز دوول

ممكن بقى تكمل دكتوراة فى الموضوع بالمواضيع دى
دور المساعدين فى السيارة
كيف تعمل السيارة:5 المساعدين-طريقة عملها ومشاكلها
معلومات عن ممتص الصدمات[المساعدين]

كدة يبقى بعد كدة احنا اللى نيجى نسألك يعنى اية عفشة

تمام يا باشا

الله ينور عليك يا سيات :)

انما يعني ايه ثبات العربية؟ يعني ثابتة؟ اللي هو بتعمل ايه يعني و مش بتعمل ايه؟ اللي مش بتعوم، ماشي، يعني ايه تعوم؟ يعني بتعمل زجزاج في الطريق؟

شكرا على الإفادة :)

**sa3dawy** · 26-05-2008 01:46 PM

المشاركة الأصلية كتبت بواسطة OlaOsman

الله ينور عليك يا سيات :)

انما يعني ايه ثبات العربية؟ يعني ثابتة؟ اللي هو بتعمل ايه يعني و مش بتعمل ايه؟ اللي مش بتعوم، ماشي، يعني ايه تعوم؟ يعني بتعمل زجزاج في الطريق؟

شكرا على الإفادة :)

الثبات يعنى من الأخر العربية مبتتقلبش:D
او متحسيش ان هيا هتتقلب

وتعوم يعنى تعوم

مش عارفة تعوم يعنى اية؟؟

يعنى العجل بيقلب كدا وبيبقى زى GTA وبتمشى فى المية

**دموع الثلج** · 26-05-2008 01:54 PM

المشاركة الأصلية كتبت بواسطة OlaOsman

الله ينور عليك يا سيات :)

انما يعني ايه ثبات العربية؟ يعني ثابتة؟ اللي هو بتعمل ايه يعني و مش بتعمل ايه؟ اللي مش بتعوم، ماشي، يعني ايه تعوم؟ يعني بتعمل زجزاج في الطريق؟

شكرا على الإفادة :)

يا علا ثبات العربيه يعنى استقرار العربيه على الارض فى السرعه العاليه يعنى تقل العربيه راسيه على الارض وكل ما كانت العربيه واطيه من الارض كان ثباتها اعلى

لو مش ثابته لا قدر الله وعلى سرعه فى ملف او فى غرزه فى دخول من حاره لحاره لا قدر الله ممكن تتقلب العربيه لانها خفيفه وبتعوم من السواق يعنى بالعاميه كده تروح وتيجى منه مش راكزه

**OlaOsman** · 26-05-2008 02:27 PM

سعداوي و دموع.. جزاكما الله خيرا على المساعدة :)

انا شكلي كده هاعمل موضوع شامل عن كل أسئلة المستجدين في السواقة، لو ما كانش فيه موضوع مشابه موجود في القسم التعليمي :)

**MMamdouh** · 26-05-2008 03:27 PM

باختصار شديد التعويم و درجة الثبات و المصطلحات دى كلها تعبر عن حاجة واحدة... محاولة السيارة تغيير وضعها على الطريق بدون تدخل السائق او محاولة السيارة الالتفاف بشكل اقل او كثر مما هو مطلوب... بشكل اكثر بساطة مدى سهولة فقد السيطرة على السيارة

بعض السيارات تلاقى و انت ماشية بسرعة عالية و فى خط مستقيم العربية بتحاول تروح يمين او شمال لوحدها و دة بيحصل نتيجة قلة تماسك العجلات مع الارض على سرعة نتيجة خفة وزن العربية على الطريق او لقلة عرض الكاوتش و بالتالى التماسك... فى بعض الاحيان دة بيحصل لخلل فى مجوعة التوجية او العفشة نفسها زى المساعدين الضعيفة و بيض المقصات او بيض الدكسيون التالف

البعض الاخر فى الملفات بيحاول يكمل على طول بدل ما يحود و دة بنسمية under steer و معظم عربيات الركوب العادية بيبقى فيها نسبة under steer خصوصا لو كانت جر امامى عشان تبقى فيها امان لان العكس خطير جدا

بعض السيارات الاخر بيعمل العكس و هو محاولة الالتفاف بشكل اكبر من المطلوب فيما يسمى over steer و دة خطورتة انه لما بيحصل بخلى العربية تلف حوالين نفسها و السائق بيبقى زية زى اى واحد راكب معاه العربية و مبيعرفش يسيطر عليها و دة بيحصل فى العربيات الجر الخلفى القوية او لو الطريق عليه ميه

فيه حالات تانية بتحصل فى ظروف خاصة زى مثلا لما واحد يحود يمين و بعدين شمال... فى الحالة دى وزن العربية بيترمى من جنب لجنب و لو العفشة طرية زيادة عن اللزوم ممكن دة يسبب اما انقلاب العربية او دوارنها حول نفسها 180 درجة نتيجة اختلال اتزانها بين الجنب اليمين و الشمال

فيه حالات تانية بتحصل نتيجة اختلال الوزن بين الامام و الخلف مع بعض التصاميم لنظام التعليق الخلفى و فى الحالات دى لما السائق بيرفع رجله من على البنزين و يدوس فرامل بنتقل الوزن من الخلف للامام و بالتالى ضهر العربية بيترفع لفوق وممكن العجلات اللى ورا تفقد تماسكها بالطريق نتيجة حركة المقصات و العفشة بشكل عام و يؤدى ذلك لحدوث over steer

MMamdouh

**abuanas** · 26-05-2008 04:04 PM

السلام عليكم

تحية وإعزاز وشكر لكل من شارك برأيه وجهده في هذا الموضوع وافادنا بعلمه أو تعليقه
أو حتى مروره الكريم ....
وخصوصا الاعضاء الاحباء ....

kingnoro
SEATLOVER
OlaOsman
sa3dawy
دموع الثلج
MMamdouh

:embarrassed2::embarrassed2::embarrassed2:

-

الموضوع: يعنى ايه عفشه ناعمة وعفشه خشنة

LinkBack

أدوات الموضوع

عرض

-

-

-

-

المواضيع المتشابهه

مساعدين وعفشه .. فكترا a

يعنى ايه عفشه ناعمة وعفشه خشنة (منقول)للاهميه.........

صوت ونة خشنة

عفشه النيو اكسنت و عفشه اللانوس

يعنى ايه عفشه

الكلمات الدلالية لهذا الموضوع

المفضلات

المفضلات

ضوابط المشاركة