عاوز رايكم في النترا 2007 خليجي

**playeeer_fishooo** · 31-12-2011 07:56 PM

السلام عليكم يارب تكون سنه سعيده عليكم
معروض عليا النترا 2007 خليجي فيس عادي مش اوتوماتك... مفهاش فوج لايت و كاسيت شرايط عارضها على 65 و هي عامله 100 الف كيلو بيقول كلهم سفر بس .. العربية من بره فابريكه معادا الرفرف شمال قدام مردود على البارد و مركبلها فرش جلد .. لو سمحتم قولولي هل السعر مناسب ليها و عاوز اعرف ايه الفرق بين المواصفات الخليجي و المصري و ايهما افضل و شكرا

**HOSSAM99** · 31-12-2011 10:51 PM

و عليكم السلام و رحمة الله و بركاته
كل سنه و حضرتك طيب
من الواضح إن العربيه مش مواصفات خليجي
اللي بيميز الخليجي الأير باج و الأيه بي أس و الفرش الجلد أو القماش البيج و في الغالب بنسبة 99 % بتكون أوتوماتيك
دي ممكن تكون أردني أو مستورده من أي بلد تاني
علي العموم طالما العربيه كمالياتها الأساسيه شغاله و فابريكه و صيانتها معموله علي نضافه يبقي ممكن تنزل ألف أو أتنين
بالتوفيق

**playeeer_fishooo** · 31-12-2011 11:30 PM

استاذ حسام الف شكر ليك بس هي فيها ايرباج واحدة ولكن هو اللي مركب الفرش الجلد و اظن انها مفهاش abs لاني فرملت بيها جامد و الكوتشات كلبشت تماما عشان اتفاجت بمطب .. بس هو بياكد انها خليجي خصوصا ان التبلوه لونين بيج في اسود .. و لا هو لازم تنزل بفرامل abs ?

**bakkarahmed** · 01-01-2012 02:29 AM

افتح باب السواق هتلاقي مكتوب عليه من تحت بطاقه تعريف السياره باللغه العربيه(طبقا للمواصفات الخليجيه السعوديه) دي معظم الخليجي في الغالب وانا معايا واحد منهم بس هي اوتو وفيها فتحه سقف وجنوط واير باج وامويليزر وشبوره وفرش جلد وتحكم في مستوي اضاءه المصابيح والخليجي دايما لون الكبوت من جوه والشنطه من جوه ماعليهومش ورنيش زي المصري وهاتحس ان لونهم مختلف عن لون السياره من الخارج ولونها من الدخل بيج وشويه حاجات تانيه وكمان هاتلاقي الزجاج الامامي من عند السواق تحت فيه حته شفافه ظاهر من خلالها رقم الفين كود بتاع العربيه

**HOSSAM99** · 01-01-2012 05:42 AM

الفيصل في موضوع هي خليجي أو مصري زي ما أستاذ bakkarahmed قال
و مش عارف كل الخليجي بـABS في المانيوال و لا لأ
و علي فكره السعر حلو حتي بدون ABS لكن بشرط الحاله