سؤال الى خبراء الترخيص والمرور

**Mahmoud.Fathy** · 31-12-2011 10:21 PM

يا شباب .... انا رخصة عربيتي هتخلص ان شاء الله يوم 28 فبراير ..... دلوقتى انا معايا عقد مسجل وهنقل ملكية ان شاء الله .... مع العلم ان العربية مرور فيصل وانا هنقلها مرور شبرا الخيمة ..... والمفروض معاد الفحص بتاعها 2013 يعنى مش السنة دي ...... السؤال كالتالي :

لو انا رحت اجدد الرخصة وانقل الملكية قبل ما الترخيص ينتهى يعنى على اخر يناير كده فايه اللى هيحصل بالظبط ..... انا سمعت كزا سيناريو

1-هجيب شهادة مخالفات من فيصل ... واروح مرور شبرا اديهم العقد والرخصة الاصلية والمخالفات واجدد سنة واحدة بس لحد معاد الفحص السنة الجاية

2-هجيب شهادة مخالفات من فيصل وبعدين اروح مرور شبرا اديهم العقد والرخصة والمخالفات وافحص العربية من جديد وارخص تاني لمدة 3 سنين والفحص يكون كمان 3 سنين

3-هجيب شهادة مخالفات من فيصل وبعدين اروح مرور شبرا اديهم الورق كله وبعدين اخد من مرور شبرا تصريح لمدة 3 شهور لحد اما الملف يجي من مرور فيصل وبعد ال3 شهور ابقي ارجع تاني على المرور وافحص بقي واطلع الرخصة بعد اما الملف يجي

انهى يا جماعة سيناريو من دول الصح ولا فيه سيناريو رابع انا معرفوش ؟؟؟؟؟

**mero100** · 31-12-2011 10:45 PM

المشاركة الأصلية كتبت بواسطة qenacity

تقريبا الحل رقم 2 هو الانسب واشترى دماغك

+1

**mostafa mahmod** · 01-01-2012 12:45 AM

فعلا هو رقم 2 و ده اللى حصل معايا

**more_try2** · 01-01-2012 09:25 AM

لا يا فندم الحل التالت هو الصحيح لان غالبا الملف هيكون لسه موصلش فحضرتك هتفحص بردو العربيه وهتاخد تصريح لمده ثلاثه شهور دا فى حاله عدم وصول الاوراق المرور اما لو كان الورق وصل المرور يبقى حضرتك هتفحص العربيه وتاخد الرخصه مباشره انما فى جميع الحالات طالما العربيه بتنقل مرور جديد لازم تتفحص من الالف الى الياء سواء رخصه او تصريح

**أبو صلاح** · 01-01-2012 10:19 AM

بص ياباشا
اولا : لا مفر من الفحص طالما هتنقل ملكية
ثانيا : بالنسبة لشهادة المخالفات هتجيبها من فيصل ولو هي نمر جديدة هتعمل حاجة اسمها بيان صرف لوحات من شباك تسليم النمر وبعدين تطلع على نيابة مرور فيصل تجيب شهادة المخالفات وبعد كده تكمل اجراءات نقل الملكية في شبرا
وان شاء الله مفيش تصريح مؤقت ولا حاجة طالما اجهزة الكمبيوتر عندهم شغالة

لما تيجي تجدد بعد كده كمان سنة او ثلاثة زي ما انت عايز مش هتروح مرور فيصل تاني هتخلص كله في مرور شبرا وتطلع شهادة المخالفات للنمر الجديدة والقديمة من نيابة مرور شبرا طبعا بعد ما تعمل بيان صرف لوحات (ده نظام جديد من حوالي 6 شهور ) وفر على الناس تقعد تتنقل ما بين المرور علشان يطلعوا شهادة مخالفات للناس اللي نقلت من مكان لآخر زي حالاتك كده