مشكله في كاركيت c180 model2002

**midogeem75** · 01-01-2012 12:43 AM

سؤال للخبراء . عربيتي c180 model 2002 عندي مشكله في كابل الكاركيت الخاص بتليفون العربيه . اشتريتها من سنه من واحد ابن حلال ولاده كانو بياكلوه وبيقرقضو فيه فطبعا إنتهي مش عارف أصلحه فين أو اشتري قطع غيار خاصه بيه منين .طبعا غير التوكيل. والتليفون اللي كنت شاري بيه العربيه منه نوكيا 6310i لون شاشته ابيض وطبعا مش الاصلي بتاعها.هو بيركب علي الكاركيت بتاع العربيه بس مش عارف طبعا هو بتاع العربيه ولا لاء . خاصة ان فيه تليفون تاني 6310 شاشته لونها اخضر . يا ريت لو فيه حد معاه نفس موديل العربيه يقولي . اخوكم جمال.

**midogeem75** · 03-01-2012 04:37 PM

أرجو منكم الاهتمام . ولكم وافر الشكر والتقدير

**MuhamedNabil** · 05-01-2012 01:30 PM

متهيألى ان الحرفيين حيكون فيها بس هما اسعرهم مبقتيش تفرق عن التوكيل اوى اليوميين دول, اسأل فى التوكيل الاول قبل متسال فى الحرفيين عشان تعرف الاسعار البتسمعها دى مبالغ فيها و لا لا , انا سالت مرة على الغطاء الصغير بتاع المكان بتاع الولاعة و حامل الاكواب قالولى 300 جم
انا العندى مفهاش كار كيت مش قادر احكم هل الكبل ممكن يتغير ولا لا
الحل التانى بى تشتريها اون لاين

**midogeem75** · 05-01-2012 03:13 PM

الف شكر ليك يا استاذ محمد علي اهتمامك. ولو سمحت اذاي ممكن اشتري اون لاين لو فيه موقع سيادتك تعرفه يا ريت .مع خالص احترامي وتقديري.

**srt10** · 07-01-2012 08:59 PM

اخبار المرسيديس مع حضرتك ايييه ؟ والعفشة ناعمة ولا تمام ؟

**MuhamedNabil** · 07-01-2012 09:57 PM

انهردة كنت فى شارع دمشق بسال على حجات العفشة و شفت واحد اسمه الشهابى كان عنده الكار كيت بس للاسف نسيت اسال عليها لانى اتلخمت فى مقصات علوى و سفى و حجات كده المهم انا اخدت رقمه و هو امام بنك عودة
24511499 \ 22586957 \ 22568009 \ 01001050661 دى كل النمر العلى الكارت

**midogeem75** · 08-01-2012 02:29 AM

العفشه ممتازه وفعلا هي دي اللي بتفرق المرسيدس عن أي عربيه اخري. الكلام ده بصفه عامه ولكن لو بتسأل علي الفئه سي فالعفشه ممتازه جدا طالما استخدمت السياره بحكمه في المطبات او تجنب الحفر والطرق الغير ممهده واعتقد ان هذا الكلام يسري علي اي سياره غير المرسيدس .

**midogeem75** · 08-01-2012 02:34 AM

اشكرك يا استاذ محمد جدا لذوقك واهتمامك. وهتصل بيهم اسأل علي الكاركيت. وكنت عاوز اطمئن عليك ليه بتلف علي حاجات العفشه ما انا قلت لك روح لاحمد عثمان .والله هتاخد شغل محترم جدا وقطع غيار اصليه تماما. عموما ربنا يوفقك ان شاء الله.

**midogeem75** · 08-01-2012 02:43 AM

المشاركة الأصلية كتبت بواسطة muhamednabil

انهردة كنت فى شارع دمشق بسال على حجات العفشة و شفت واحد اسمه الشهابى كان عنده الكار كيت بس للاسف نسيت اسال عليها لانى اتلخمت فى مقصات علوى و سفى و حجات كده المهم انا اخدت رقمه و هو امام بنك عودة
24511499 \ 22586957 \ 22568009 \ 01001050661 دى كل النمر العلى الكارت

اشكرك جدا علي ذوقك واهتمامك . وكنت عاوز اطمئن عليك .انت كان عندك مشكله في العفشه وكنت بتسأل علي حد كويس للأصلاح وقطع الغيار. وعن تجربه شخصيه روح مركز أحمد عثمان هترتاح من اللف والدوران وهتاخد من عندهم شغل محترم وقطع غيار مضمونه. وربنا يوفقك ان شاء الله . وأكرر لك شكري وإمتناني الشديد . جمال